Luka 4:34 - Le Nouveau Testament en Kikwango 1950

³⁴ Ye tubaka: Nki mambu ikele na beto ye nge, nge Yesu ya Nazaleti ? Nge imene kwiza kufwa beto ? Mono zaba nge ikele nani, Nkwa Nlongo ya Nzambi.

Luka 4:34 Iomraidhean Croise

Matai 8:29

Buna, bau bokaka, kutuba: Nge mwana ya Nzambi, nki mambu ikele na beto ye nge ? Nge kwiza kumonisa beto mpasi ntete ntangu imene kulunga ?

Malako 1:24

Nge ikele na beto nki mambu ? Nge Yesu ya Nazaleti, Nge imene kwiza kufwa beto ? Mono zaba nge ikele nani, Nkwa Nlongo ya Nzambi.

Malako 1:34

Yandi belulaka bau mingi ya vandaka na maladi mutindu mutindu, yandi basisaka bampeve mingi ya mbi, yandi buyaka bampeve kutuba, sambu na bau zabaka yandi.

Malako 5:7

Yandi bokaka mu ndinga ya nene ye tubaka: Nki mambu beto ikele na nge ? Nge Mwana ya Nzambi Mpungu, Mono bombidila nge mu nkumbu ya Nzambi, monisa mono mpasi ve.

Luka 1:35

Wanjo vutulaka ye tubaka kwa yandi: Mpeve Yanlongo takwiza va nge ye ngolo ya Nzambi Mpungu tafika nge, mpilayai yandi ya nlongo ya nge tabuta, tabingwa Mwana ya Nzambi.

Luka 4:33

Mu nzo ya sambilu vandaka muntu, ya vandaka na mpeve ya sumuka ya mbi. Yandi bokaka mu ndinga yanene: Mal. 1:23

Luka 4:41

Bampeve ya mbi basikaka na bantu mingi, bau bokaka, kutuba: Nge ikele Mwana ya Nzambi. Yandi sembaka bau, ye bikaka bau kutuba ve, sambu na bau zabaka yandi ikele Klisto.

Luka 8:28

Bu yandi monaka Yesu, yandi bokaka ye fukamaka kwa yandi, ye tubaka mu ndinga ya ngolo: Nki mambu ikele na mono ye nge ? Nge Yesu Mwana ya Nzambi Mpungu. Mono ikele kubombidila nge kumonisa mono mpasi ve.

Luka 8:37

Buna kibuka yonso ya ndambu yina ya zunga ntoto ya Ngelasa yuvulaka yandi kukatuka nakati na bau, kadi bau kuwaka boma ya ngolo. Yandi kotaka mu bota, ye vutukaka.

Bisalu Ya Bantumwa 16:39

Bau kwizaka ye bombidilaka bau; bu bau imene kubasisa bau, bau lombaka bau kukatuka na mbanza. Mat. 8:34

Bisalu Ya Bantumwa 2:27

Kadi nge tabika mwela ya mono na nsi ya bafwa ve, ye nge tabika Nkwa Nlongo ya nge mona kubola ve. Bis. 13:35

Bisalu Ya Bantumwa 3:14

Kansi beno buyaka Nkwa Nlongo ye Lunungu, ye beno lombaka na muntu ya ikele mufwi tapeswa kwa beno. Mat. 27:20; Mal. 15:11; Luk. 23:18; Yoa. 18:40

Bisalu Ya Bantumwa 4:27

Kadi kieleka mu mbanza yai Elode ye Pontio Pilatu ye bapaien ye bantu ya Isaeli kutakanaka sikamosi kutelemina Yesu, Sielo ya nge ya nlongo, ya nge sitaka,

Ebeleo 2:14

Buna, bu bana ikele bintwadi mu menga ye nsuni, buna yandi mpe bakaka mutindu mosi, buna mu lufwa yandi lenda kubevisa yandi ya vandaka na ngolo ya lufwa, yandi ikele diable. Yoa. 1:14; 1 Kol. 15:26, 54; 2 Tim. 1:10

Yakobi 2:19

Nge ikele kukwikila, na Nzambi ikele mosi kaka, nge ikele kusala mbote; bampeve mbi mpe ikele kukwikila ye kuzakama. Mal. 1:24

1 Yoane 3:8

Yandi ya sala masumu ikele ya diable, kadi diable salaka masumu tuka luyantiku. Sambu na mambu yai, Mwana ya Nzambi monikaka na yandi lenda kufwa kisalu ya diable. Nk. 68:20; Yoa. 8:44

Nzaikulu 20:2

Yandi simbaka dalaka, nioka ya nkulu, ikele diable ye Satana, ye kangaka yandi mvu funda mosi. Yes. 24:22; Nzai. 12:9

Nzaikulu 3:7

Sonika kwa wanjo ya dibundu mu Filadelefia: Mambu yai tubaka nkwa nlongo, nkwa kieleka, yandi ya ikele na nsabi ya Davidi, yandi ya ikele kukangula ye muntu takanga ve, ye kanga ye muntu takangula ve. Yes. 22:22; Nzai. 1:18