Luka 4:23 - Le Nouveau Testament en Kikwango 1950

²³ Yandi tubaka kwa bau: Kieleka, beno lenda kutuba kingana yai kwa mono: Munganga dibelula. Mambu yonso ya beto kuwaka, ya nge salaka mu Kapenaumi, sala yau awa mu ntoto ya nge mpe.

Luka 4:23 Iomraidhean Croise

Matai 13:54

Bu yandi kumaka mu ntoto ya yandi kibeni, yandi longaka bau mu nzo ya bau ya sambilu, bau yitukwa ye tubaka: Muntu yai bakaka ngangu yai ye bisalu ya ngolo yai wapi ? Mal. 6:1

Matai 4:13

yandi bikaka Nazaleti ye kwizaka kuvanda mu Kapenaumi ya ikele mfinama ku mbu, mu ndambu ya Zebuluni ye Nafatali,

Matai 4:23

Yesu kwendaka kutambula mu nsi yonso ya Ngalili, kulonga mu banzo ya bau ya sambilu, ye kusamuna nsamu mbote ya kimfumu, ye kubelula maladi mutindu yonso ye kimbevo yonso nakati na bantu. Mat. 9:35; Mal. 1:23; Luk. 4:16, 23

Malako 6:1

Yandi katukaka kuna ye kwizaka ku ntoto ya yandi kibeni ye banlonguki ya yandi landaka yandi. Mat. 13:54

Luka 2:39

Bu bau manisaka mambu yonso bonso ikele nsiku ya Mfumu, bau vutukaka ku Ngalili ku mbanza ya bau Nazaleti. Mat. 2:19

Luka 2:51

Yandi kulumukaka na bau, ye kwizaka ku Nazaleti, yandi lemvukaka bau, kansi ngudi ya yandi lundaka mambu yai yonso mu ntima ya yandi.

Luka 4:16

Yandi kwiza ku Nazaleti sika ya yandi kulaka. Yandi kotaka mu nzo ya sambilu, bonso vandaka kifu ya yandi, mu kilumbu ya luvundu, yandi telemaka kutanga.

Luka 4:31

Yandi kulumukaka ku Kapenaumi mbanza mu Ngalili. Ye yandi longaka bau mu bilumbu ya luvundu. Mal. 1:21; Mat. 4:13

Luka 4:35

Yesu sembaka yandi kutuba: Vanda napi, ye basika mu yandi. Ye bu mpeve ya mbi losaka yandi nakati ya bau, yandi basikaka tuka yandi, yo salaka yandi mambu ve.

Luka 6:42

Mpila nki nge lenda kutuba kwa mpangi ya nge: Mpangi, bika mono katula nti ya fioti ya ikele mu disu ya nge, bu nge kibeni mona ve nti yanene ya ikele mu disu ya nge ? Nge muntu ya luvunu, katula ntete nti yanene ya ikele mu disu ya nge, buna nge tamona mbote kukatula nti ya fioti ya ikele mu disu ya mpangi ya nge.

Yoane 4:28

Buna nkento bikaka dibungu ya yandi ya masa, ye kwendaka ku mbanza ye tubaka kwa bantu:

2 Kolinto 5:16

Sambu na yai, tuka ntangu yai beto zaba muntu ve bonso mu nsuni; kansi kana beto imene kuzaba Klisto mu nsuni, kansi ntangu yai beto zaba yandi mpilayina diaka ve.