Luka 23:5 - Le Nouveau Testament en Kikwango 1950

⁵ Kansi bau lutaka kutuba mu ngolo: Yandi ikele kuvengumuna bantu ye kulonga mu Yuda yonso, tuka mu Ngalili ti na sika yai.

Luka 23:5 Iomraidhean Croise

Matai 11:1

Yo vandaka, bu Yesu imene kusikidikisa banlonguki ya yandi kumi ye zole, yandi katukaka kuna ye kwendaka kulonga ye kusamuna mu bambanza ya bau.

Matai 2:1

Bu Yesu butukaka mu Betelemi ya Yuda mu bilumbu ya Elode ntinu, tala, banduenga ya este kwizaka ku Yelusalemi, kutuba:

Matai 27:24

Bu Pilatu monaka, yandi lenda ve kusala kima, kansi na makalele lutaka, buna yandi bakaka masa ye sukulaka maboko ya yandi nantwala na kibuka, kutuba: Mono ikele na mambu ve na menga ya muntu yai ya lunungu. Yo ikele mambu ya beno.

Matai 4:23

Yesu kwendaka kutambula mu nsi yonso ya Ngalili, kulonga mu banzo ya bau ya sambilu, ye kusamuna nsamu mbote ya kimfumu, ye kubelula maladi mutindu yonso ye kimbevo yonso nakati na bantu. Mat. 9:35; Mal. 1:23; Luk. 4:16, 23

Malako 1:14

Bu Yoane imene kuyekulwa mu boloko, Yesu kwizaka mu Ngalili, kusamuna nsamu mbote ya Nzambi, kutuba: Mat. 4:12

Luka 11:53

Bu yandi basikaka muna, bansoniki ye bafalisi fietikisika yandi ngolo ye kusosa yandi kutuba ndinga mingi.

Luka 23:23

Kansi bau luta kutuba mu ndinga ngolo, bau lomba na yandi komwa va kulunsi, ndinga ya bau lutaka ngolo.

Luka 23:6

Bu Pilatu kuwaka yo, yandi yuvulaka: kana muntu yai ikele mwisi Ngalili ?

Yoane 1:43

Kilumbu ya landa, Yesu zolaka kwenda ku Ngalili, yandi monaka Filipo. Yesu tubaka kwa yandi: Landa mono.

Yoane 19:15

Buna bau bokaka: Katula yandi, katula yandi, koma yandi va kulunsi! Pilatu tubaka kwa bau: Mono takoma ntinu ya beno va kulunsi ? Bambuta banganga vutulaka: Beto ikele na ntinu ve, kaka Kaisalia. Luk. 23:18

Yoane 2:11

Yai ikele luyantiku ya bidimbu yina ya Yesu salaka mu Kana mu Ngalili, yo monikisaka nkembo ya yandi; banlonguki ya yandi kwikilaka yandi.

Yoane 7:41

Bankaka tubaka: Yai ikele Klisto; kansi bankaka tubaka: Klisto takatuka mu Ngalili ? Yoa. 1:45

Yoane 7:52

Bau vutulaka ye tubaka kwa yandi: Nge mpe katuka na Ngalili ? Sosa ye tala, mu Ngalili mbikudi telema ve.

Bisalu Ya Bantumwa 10:37

Beno zaba mambu yai, ya mwanganaka mu Yuda yamvimba, yo yantikaka mu Ngalili nanima na mbotika ya Yoane samunaka. Mat. 4:17; Luk. 23:5

Bisalu Ya Bantumwa 23:10

Kansi bu makelele mingi vandaka, kommandant titaka bau tapasula Paulu nakati, yandi sikidikisaka basoldat kulumuka ye botola yandi nakati na bau ye twala yandi ku nzo ya basoldat. Bis. 25:25; 26:31

Bisalu Ya Bantumwa 5:33

Bu bau kuwaka mambu yai, makasi simbaka bau mu ntima, bau tubaka sambu na kufwa bau. Bis. 7:54

Bisalu Ya Bantumwa 7:54

Bu bau kuwaka mambu yai, makasi simbaka bau mu ntima ye bau kwetilaka yandi meno.

Bisalu Ya Bantumwa 7:57

Bau bokaka na ndinga nene ye kangaka makutu ya bau, ye bau zunga yandi na ntima mosi,