Luka 23:4 - Le Nouveau Testament en Kikwango 1950

⁴ Buna Pilatu tubaka kwa bambuta banganga ye kwa bibuka: Mono mona mbi ve mu muntu yai.

Luka 23:4 Iomraidhean Croise

Matai 27:19

Bu yandi vandaka va kiti ya mfundisi, nkento ya yandi fidisaka kwa yandi, kutuba: Kota ve mu mambu ya muntu yai ya lunungu, kadi mono imene kumona mpasi mingi mu ndozi sambu na yandi bubu.

Malako 15:14

Buna Pilatu tubaka kwa bau: Nki mbi ya yandi salaka ? Kansi bau bokaka ngolo ya luta: Koma yandi va kulunsi!

Luka 23:22

Yandi tubaka kwa bau mbala ya tatu: Kansi nki mambu mbi ya yandi salaka ?

Yoane 18:38

Pilatu tubaka kwa yandi: Nki ikele kieleka ? Bu yandi imene kutuba yai, yandi basikaka diaka kwa baYuda, ye tubaka kwa bau: Mono mona mbi mu yandi ve. Mat. 27:15; Mal. 15:6; Luk. 23:18; Yoa. 19:4

Bisalu Ya Bantumwa 25:25

Kansi mono monaka yandi imene kusala kima ve ya lunga lufwa, kansi sambu na yandi kibeni yuvulaka kwenda kwa ntinu ya nene, mono tubaka, mono tafidisa yandi. Bis. 23:9, 29; 26:31

Bisalu Ya Bantumwa 3:13

Nzambi ya Abalahami ye ya Isaki ye ya Yakobi, Nzambi ya batata ya beto imene kukembisa sielo ya yandi Yesu, ya beno yekulaka ye buyaka nantwala ya Pilatu, bu yandi zengaka mambu kukangula yandi. 1 Mose 3:6; Mat. 22:32; Mal. 12:26; Luk. 20:37

Ebeleo 7:26

Kadi nganga nene ya mpilayai lunga kwa beto, yandi ikele ya nlongo, ya konda mbi, ya konda kusumunwa, ya kutanaka na bankwa masumu ve, ye ya tombolwaka va zulu ya bimba yonso, Eb. 4:14

1 Petelo 1:19

kansi mu menga ya ntalu ya Klisto bonso ya mwana dimeme ya konda kieta keti tona. 1 Kol. 5:7; 6:20; Eb. 9:12, 14; Nzai. 5:9

1 Petelo 2:22

Yandi salaka masumu ve, mbi wakana mu munoko ya yandi ve; Yes. 53:9; 2 Kol. 5:21; 1 Yoa. 3:5

1 Petelo 3:18

Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28