Luka 23:3 - Le Nouveau Testament en Kikwango 1950

³ Pilatu yuvulaka yandi, ye tubaka: Nge ikele Ntinu ya baYuda ? Yandi vutulaka kwa yandi, kutuba: Nge kibeni tuba yo.

Luka 23:3 Iomraidhean Croise

Matai 27:11

Yesu telemaka nantwala na nyadi, ye nyadi yuvulaka yandi, kutuba: Nge ikele ntinu ya baYuda ? Yesu tubaka: Nge imene kutuba yo. Mal. 15:2; Luk. 23:2; Yoa. 18:29; 1 Tim. 6:13

Malako 15:18

Bau yantikaka kupesa yandi mbote: Vanda na kiese, ntinu ya baYuda!

Malako 15:2

Pilatu yuvulaka yandi: Nge ikele Ntinu ya baYuda ? Yandi vutulaka ye tubaka kwa yandi: Nge imene kutuba yo.

Malako 15:32

Bika Klisto Ntinu ya baIsaeli kulumuka ntangu yai tuka kulunsi, na beto lenda kumona ye kukwikila. Ye bau ya komwaka na yandi va bakulunsi fingaka yandi mpe.

Luka 22:70

Bau yonso tubaka: Buna nge ikele Mwana ya Nzambi ? Yandi tubaka kwa bau: Beno tuba, mono ikele yandi.

Luka 23:38

Nsonokono vandaka va zulu ya yandi: YAI IKELE NTINU YA BAYUDA.

Yoane 1:49

Natanaeli vutulaka kwa yandi: Nlongi, nge ikele Mwana ya Nzambi, Nge ikele Ntinu ya Isaeli Yoa. 6:69; Mat. 14:35; 16:16; Mal. 8:29

Yoane 18:29

Buna Pilatu basikaka kwa bau, ye tubaka: Beno funda muntu yai na mambu nki ?

Yoane 19:3

bau kwizaka kwa yandi ye tubaka: Mbote, ntinu ya baYuda; bau bulaka yandi bambata.

1 Timoteo 6:13

Mono sikidikisa nge nantwala na Nzambi, ya pesa bima yonso moyo, ye Klisto Yesu ya tubaka kitemo ya mbote nantwala na Pontio Pilatu, Lom. 4:17; 1 Tim. 5:21