Luka 22:12 - Le Nouveau Testament en Kikwango 1950

¹² Yandi tasonga beno sika nene ya zulu ya nzo ya imene kuyidikwa, kuna yidika yo.

Luka 22:12 Iomraidhean Croise

Luka 22:11

Beno tuba kwa mfumu ya nzo: Nlongi ikele kutuba kwa nge: Wapi nzo ya banzenza ya mono fwiti kudia Pake na banlonguki ya mono ?

Luka 22:13

Bau kwendaka ye monaka bonso yandi tubaka kwa bau, bau yidika Pake.

Yoane 2:25

Yandi vandaka na nsatu ve, na muntu tuba kitemo sambu na muntu, kadi yandi kibeni zabaka mambu yonso ya ikele mu muntu. Yoa. 6:24; Nzai. 2:23

Yoane 21:17

Yandi tubaka kwa yandi diaka mbala ya tatu: Simoni, mwana ya Yona, Nge zola mono ? Petelo vandaka na ntantu, sambu na yandi tubaka kwa yandi mbala ya tatu: Nge zola mono ? Yandi tubaka kwa Yandi: Mfumu, nge zaba mambu yonso; nge zaba na mono zola nge. Yesu tubaka kwa yandi: Dikila mameme ya mono.

Bisalu Ya Bantumwa 1:13

Bu bau imene kukota, bau kwendaka ku nzo ya zulu, sika ya bau ikele kuvanda: Petelo ye Yoane ye Yakobi ye Andele ye Filipo ye Toma ye Batolomai ye Matai ye Yakobi mwana ya Alafai ye Simoni ya ikele Zelote ye Yuda mwana ya Yakobi.

Bisalu Ya Bantumwa 20:8

Minda mingi vandaka na nzo ya zulu sika ya beto kutakanaka.