Luka 21:12 - Le Nouveau Testament en Kikwango 1950

¹² Kansi ntete na mambu yai yonso, bau tatula beno maboko ye zoma beno, ye yekula beno ku banzo ya sambilu ye boloka ye twala beno nantwala ya bantinu ye banyadi sambu na nkumbu ya mono. Mat. 10:17; Yoa. 15:19; Bis. 4:3; Bis. 5:18; 12:4; 16:24; Nzai. 2:10

Luka 21:12 Iomraidhean Croise

Matai 22:6

Bau ya bikaka simbaka bampika ya yandi ye monisaka bau mpasi ye kufwaka bau,

Matai 24:8

Kansi mambu yai yonso ikele luyantiku ya mpasi yina.

Luka 21:11

tavanda ndikunu nene ya ntoto, na sika na sika tavanda malema ye mpasi ngolo, tavanda na mambu ya boma ye bidimbu nene ya katuka na zulu.

Yoane 15:20

Bambuka mambu ya mono tubaka kwa beno: Mpika luta mfumu ya yandi nene ve. Kana bau zoma mono, bau tazoma beno mpe. Kana bau lunda mambu ya mono, bau talunda mambu ya beno mpe.

Yoane 15:21

Kansi mambu yai yonso bau tasala kwa beno sambu na nkumbu ya mono, sambu na bau zaba ve yandi ya fidisaka mono. Mat. 24:9; Yoa. 16:3

Bisalu Ya Bantumwa 22:30

Kilumbu ya landa, Kommandant zolaka kuzaba kieleka, sambu na nki baYuda imene kufunda yandi, yandi kangulaka yandi, ye sikidikisaka bambuta banganga ye bamfundisi yonsi takutakana; buna yandi twalaka Paulu ye tulaka yandi nantwala na bau.

Bisalu Ya Bantumwa 5:40

Bau ndimaka kwa yandi, bu bau imene kubinga bantumwa, bau bulaka bau na fimbo ye kanikinaka bau kutuba mu nkumbu ya Yesu ve, ye bikaka bau kwenda. Bantumwa kangulwa

Bisalu Ya Bantumwa 8:3

Kansi Sauli pasulaka dibundu, yandi kotaka mu banzo ye bendaka babakala ye bankento ye tulaka bau mu boloko. Bis. 9:1; 22:4, 19; 26:9; Ngal. 1:13

Bisalu Ya Bantumwa 9:4

Yandi kubwaka va ntoto ye kuwaka ndinga kutuba kwa yandi: Sauli, Sauli, sambu na nki nge zoma mono ?

1 Petelo 2:13

Sambu na Mfumu, beno lemvuka bansiku yonso ya bantu, keti kwa ntinu, yandi luta nene, Lom. 13:1; Tit. 3:1

Nzaikulu 2:10

Tita ve mambu ya mpasi ya takwiza kwa nge. Tala, diable talosa bankaka ya beno mu boloko, na beno lenda kuyunswa, beno tamona mpasi bilumbu kumi. Vanda kwikama ti lufwa ye mono tapesa nge koloa ya moyo. Dan. 1:12, 14; 1 Kol. 9:25; 2 Tim. 4:7; Yak. 1:12