Luka 2:7 - Le Nouveau Testament en Kikwango 1950

⁷ Yandi butaka mwana bakala ya yandi yantete ye zingilaka yandi lele, ye tulaka yandi mu edilu ya bambizi, kadi sika vandaka ve sambu na bau mu nzo ya banzenza. Mat. 1:25

Luka 2:7 Iomraidhean Croise

Matai 1:25

Kansi yandi zabaka yandi ve ti yandi butaka mwana bakala; yandi bingaka nkumbu ya yandi YESU.

Matai 13:55

Yai ikele ve mwana ya musadi ya mabaya ? Ngudi ya yandi bingwa Malia ve, ye bampangi ya yandi Yakobi ye Yosefi ye Simoni ye Yuda ? Mat. 12:46; Yoa. 6:42

Matai 8:20

Yesu tubaka kwa yandi: Bibulu ikele na mabulu, bandeke ya zulu ikele na bazanza ya bau, kansi Mwana ya muntu ikele na sika ve kutula ntu ya yandi.

Luka 10:34

yandi kwendaka kuzingila lele va bamputa ya yandi; ye tulaka yau mafuta ye vinia, ye tulaka yandi va mpunda ya yandi, ye nataka yandi ku nzo ya banzenza, ye sadisaka yandi mbote.

Luka 2:6

Yo vandaka bu bau vandaka kuna, bilumbu ya yandi ya buta lungaka.

Luka 2:8

Mu ntoto yina vandaka bamvungi kuvanda na nseke, ye kukenga mameme ya bau mu mpimpa.

Yoane 1:14

Diambu kitukaka nsuni, yo vandaka nakati ya beto, beto monaka nkembo ya yandi, bonso nkembo ya Mwana mosi kaka ya Tata, fuluka na nlemvo ye kieleka. Mat. 1:16, 18; Luk. 1:31; Mat. 17:2; Kolo. 1:19; 2:3, 9; Eb. 2:14

2 Kolinto 8:9

Kadi beno zaba nlemvo ya Mfumu ya beto Yesu Klisto, bu yandi vandaka mvwama, yandi kitukaka nsukami sambu na beno, na beno lenda kuvanda mvwama sambu na kinsukami ya yandi. Mat. 8:20; Fili. 2:6

Ngalata 4:4

Bu ntangu ya lunga kwizaka, Nzambi fidisaka Mwana ya yandi, ya butuka na nkento ya butuka nansi ya nsiku. Ef. 1:10