Luka 2:51 - Le Nouveau Testament en Kikwango 1950

⁵¹ Yandi kulumukaka na bau, ye kwizaka ku Nazaleti, yandi lemvukaka bau, kansi ngudi ya yandi lundaka mambu yai yonso mu ntima ya yandi.

Luka 2:51 Iomraidhean Croise

Matai 12:46

Bu yandi ikele kutuba kwa bibuka, tala, ngudi ya yandi ye bampangi ya yandi telemaka nanganda ye sosaka kutuba kwa yandi. Mat. 13:55; Mal. 3:31; Luk. 8:19

Matai 3:15

Yesu vutulaka kutuba kwa yandi: Bika yo salwa ntangu yai, kadi yo lunga beto kulungisa lunungu yonso. Buna yandi buyaka ve.

Malako 1:9

Yo vandaka, mu bilumbu yina, Yesu katukaka na Nazaleti ya Ngalili. Yandi botikwaka na Yoane mu Yodani. Mat. 3:13; Luk. 3:21

Malako 6:3

Yai ikele musadi ya mabaya ve ? Mwana ya Malia, mpangi ya Yakobi ye Yose ye Yuda ye Simoni! Ye bampangi bankento ya yandi ikele awa na beto ve ? Ye bau sakuba mu yandi. Yoa. 6:42

Luka 18:37

Bau tubaka kwa yandi, Yesu ya Nazaleti ikele kuluta.

Luka 2:19

Kansi Malia lundaka mambu yai yonso ye yindulaka yau mu ntima ya yandi.

Luka 2:39

Bu bau manisaka mambu yonso bonso ikele nsiku ya Mfumu, bau vutukaka ku Ngalili ku mbanza ya bau Nazaleti. Mat. 2:19

Luka 4:16

Yandi kwiza ku Nazaleti sika ya yandi kulaka. Yandi kotaka mu nzo ya sambilu, bonso vandaka kifu ya yandi, mu kilumbu ya luvundu, yandi telemaka kutanga.

Luka 4:23

Yandi tubaka kwa bau: Kieleka, beno lenda kutuba kingana yai kwa mono: Munganga dibelula. Mambu yonso ya beto kuwaka, ya nge salaka mu Kapenaumi, sala yau awa mu ntoto ya nge mpe.

Efeso 5:21

Beno lemvuka, muntu kwa babamfinangani ya yandi mu vumi ya Klisto. 1 Pet. 5:5

1 Petelo 2:21

Sambu na mambu yai, beno bingwaka, kadi Klisto mpe moniswaka mpasi, yandi bikilaka beno kifwani, na beno talanda mu bitambi ya yandi. Mat. 17:24; Yoa. 13:15; Fili. 2:5