Luka 2:10 - Le Nouveau Testament en Kikwango 1950

¹⁰ Wanjo tubaka kwa bau: Vanda na boma ve; kadi tala, mono samuna kwa beno nsamu ya mbote ya kiese mingi, yo tavanda kwa bantu yonso;

Luka 2:10 Iomraidhean Croise

Matai 14:27

Nswalu yandi tubaka kwa bau, kutuba: Yangalala, yai ikele mono, vanda ve na boma.

Matai 28:18

Yesu kwizaka kutuba kwa bau: Ngolo yonso imene kupeswa kwa mono mu zulu ye va ntoto. Nk. 2:6; Mat. 11:27; Yoa. 3:35; 13:3; 17:2; Ef. 1:22; Eb. 1:2; 2:8

Matai 28:5

Wanjo vutulaka ye tubaka kwa bankento: Vanda na boma ve, sambu na mono zaba beno ikele kusosa Yesu ya komwaka va kulunsi.

Malako 1:15

Ntangu imene kulunga, ye kimfumu ya Nzambi ikele mfinama, pindula mabanzi ya beno, ye kwikila nsamu mbote.

Malako 16:15

Yandi tubaka kwa bau: Beno kwenda ku nsi yonso, ye samuna nsamu mbote kwa nsemono yamvimba. Mat. 28:19

Luka 1:13

Kansi wanjo tubaka kwa yandi: Zakalia, vanda na boma ve, kadi lombilu ya nge imene kuwakana ye nkento ya nge Elisabeti tabutila nge mwana bakala, nge tabinga nkumbu ya yandi Yoane.

Luka 1:19

Wanjo vutulaka kutuba kwa yandi: Mono ikele Ngabileli ya telema nantwala ya Nzambi; mono fidiswa kutuba kwa nge ye samuna kwa nge nsamu yai ya mbote.

Luka 1:30

Wanjo tubaka kwa yandi: Malia, vanda na boma ve, sambu na nge imene kumona nlemvo na Nzambi.

Luka 2:11

kadi kilumbu yai beno butilwa Mvulusi mu mbanza ya Davidi, yandi ikele Klisto Mfumu.

Luka 24:47

na mpindulu ya mabanza ye mvidisilu ya masumu tasamunwa mu nkumbu ya yandi kwa makanda yonso, yantika na Yelusalemi. Bis. 13:38; Yoa. 2:12

Luka 8:1

Yo vandaka ndambu ntama nanima, yandi kwendaka ku mbanza ku mbanza ye bwala ku bwala ye samunaka ye tubaka nsamu mbote ya kimfumu ya Nzambi, banlonguki kumi ye zole vandaka na yandi.

Bisalu Ya Bantumwa 13:32

Beto twala kwa beno nsamu mbote ya nsilulu ya peswaka kwa batata. 1 Mose 22:18; Yes. 7:14; 9:6; Yel. 33:14; Dan. 9:24

Loma 10:15

Mpila nki bau tasamuna kana bau fidiswa ve ? Bonso yo ikele kusonama: Makulu ya bau ya twala nsamu mbote ya mambu ya mbote ikele kitoko mingi. Yes. 52:7; Neh 2:1

Efeso 3:8

Kwa mono, ya luta fioti na banlongo yonso ya fioti, peswaka nlemvo yai, kusamuna kwa bapaien nsamu mbote ya kimvwama ya Klisto, ya lenda ve kuteswa. 1 Kol. 15:9; Lom. 1:6; 11:33; Ngal. 1:16; 2:3; Kolo. 1:27

Kolosai 1:23

kana beno vanda mu lukwikilu ya lunga ye vanda ngolo ya konda kukatulwa mu vuvu ya nsamu mbote ya beno kuwaka, ya samunwaka mu nsemono yonso nansi ya zulu, mu yo, mono Paulu kitulwa sielo. Lom. 10:18; Ef. 3:7