Yesu kwizaka kutuba kwa bau: Ngolo yonso imene kupeswa kwa mono mu zulu ye va ntoto. Nk. 2:6; Mat. 11:27; Yoa. 3:35; 13:3; 17:2; Ef. 1:22; Eb. 1:2; 2:8
Yandi yantikaka kutuba kwa bau mu bingana: Muntu kunaka dilanga ya vinia ye tulaka lupangu nanganda na yo, ye timaka kamunu ya vinia ye tungaka nzo ya yongi, ye tudisaka yo kwa basadi ye kwendaka ku ntoto yankaka. Nk. 80:8; Yes. 5:1; Yel. 5:1; Yoeli 2:21; Mat. 21:33; Luk. 20:9
Buna Pilatu tubaka kwa yandi: Buna nge ikele ntinu ? Yesu vutulaka: Nge tuba na mono ikele ntinu. Sambu na yai mono butukaka, ye sambu na yai mono kwizaka mu nsi, na mono tatuba kitemo sambu na kieleka. Konso muntu ya ikele nkwa kieleka, ikele kuwa ndinga ya mono. Yoa. 8:40, 47
Sambu na yandi imene kutula kilumbu ya yandi tafundisa bantu ya nsi mu lunungu, mu muntu yina ya yandi solaka, sambu na yai; yandi silaka vuvu kwa bantu yonso, na yandi fulukisaka yandi tuka bafwa. Nk. 9:8; Bis. 10:42
buna Klisto mpe, bu yandi peswaka va zikwa mbala mosi kunata masumu ya bantu mingi, yandi tamonika mbala ya zole mu kukatula ya masumu ve, kansi kuvulusa bau ya vingila yandi. Mat. 26:28; Lom. 5:6, 9; 1 Pet. 3:18
yandi ikele na diboko kibakala ya Nzambi, bu yandi kwendaka ku zulu, banjo ye bankwa ngolo ye bangolo imene kutulwa na nsi ya ngolo ya yandi. Nk. 110:1; Ef. 1:20
Tala, yandi ikele kwiza mu matuti, meso yonsi tamona yandi, ye bau ya bulaka yandi dionga, ye makanda yonso ya ntoto tadila sambu na yandi. Yo ikele mpilayai. Amen Dan. 7:13; Zak. 12:10; Mat. 24:30; 26:64; Yoa. 19:37