Luka 16:10 - Le Nouveau Testament en Kikwango 1950

¹⁰ Yandi ya ikele kwikama mu bima fioti, ikele kwikama mu bima mingi mpe; yandi ya konda lunungu mu bima fioti, ikele kukonda lunungu mu bima mingi mpe. Luk. 19:17

Luka 16:10 Iomraidhean Croise

Matai 24:45

Buna nani ikele mpika ya kwikama ye ya ngangu, ya mfumu ya yandi tulaka va zulu ya bantu ya nzo ya yandi, sambu na kupesa bau madia mu ntangu ya lunga.

Matai 25:21

Mfumu ya yandi tubaka kwa yandi: Mbote, nge mpika ya mbote ye ya kwikama; nge imene kuvanda kwikama na bima ndambu, mono tatula nge va zulu ya bima mingi. Kota mu kiese ya mfumu ya nge. Mat. 24:47; Luk. 22:29

Matai 25:23

Mfumu ya yandi tubaka kwa yandi: Mbote, nge mpika ya mbote ye ya kwikama; nge imene kuvanda kwikama va bima ndambu, mono tatula nge va zulu ya bima mingi: Kota mu kiese ya Mfumu ya nge.

Luka 19:17

Yandi tubaka kwa yandi: Mbote, nge ikele mpika mbote; sambu na nge vandaka kwikama mu bima fioti, nge tayala bambanza kumi.

Yoane 12:6

Yandi tubaka yo ve, sambu na yandi zolaka bansukami, kansi kaka sambu na yandi ikele muyifi, ye ngoto ya mbongo ikele na yandi, ye yandi ikele kubaka ya bau tula muna.

Yoane 13:2

Bu bau ikele kudia madia ya nkokila, diable imene kutula mu ntima ya Yuda Iskalioti mwana ya Simoni, kuyekula yandi.

Yoane 13:27

Bu yandi imene kubaka ndambu ya mampa yina, Satana kotaka mu yandi. Buna Yesu tubaka kwa yandi: Sala nswalu mambu ya nge tonda kusala.

Ebeleo 3:2

Yandi vandaka ya kwikama kwa yandi ya salaka yandi, bonso Mose mpe mu nzo ya yandi yamvimba. 4 Mose 12:7