Luka 11:2 - Le Nouveau Testament en Kikwango 1950

² Yandi tubaka kwa bau: Bu beno ikele kulomba, beno tuba mpilayai: Tata ya beto ya ikele mu zulu; bika nkumbu ya nge zitiswa; bika kimfumu ya nge kwiza; bika luzolo ya nge salwa va ntoto bonso mu zulu.

Luka 11:2 Iomraidhean Croise

Matai 10:32

Sambu na yai konso muntu ya ndima mono nantwala ya bantu, mono mpe tandima yandi nantwala ya Tata ya mono ya ikele mu zulu. Luk. 12:8

Matai 3:2

Pindula mabanza, kadi kimfumu ya zulu ikele mfinama. Mat. 4:17; Mal. 1:15

Matai 5:16

Mpilayai, bika mwini ya beno kienzula nantwala ya bantu, na bau lenda kumona bisalu ya beno ya mbote, ye kembila Tata ya beno ya ikele mu zulu. 1 Pet. 2:12

Luka 11:1

Yo vandaka bu yandi ikele kulomba na sika yankaka, bu yandi imene kulomba; nlonguki ya yandi mosi tubaka kwa yandi; Mfumu, longa beto kulomba konso Yoane longaka banlonguki ya yandi. Mat. 6:9

Loma 1:7

kwa bau yonso ya ikele mu Loma, bazolwa ya Nzambi, ya bingwa kuvanda banlongo. Kwa beno Nlemvo ye yenge ya katuka na Nzambi, Tata ya beto, ye na Mfumu Yesu Klisto. 2 Tim. 1:9; Ef. 1:1

Loma 8:15

Kadi beno bakaka ve mpeve ya kimpika na kuvanda na boma diaka, kansi beno bakaka Mpeve ya kimwana, ya beto ikele kuboka: Aba, Tata! 2 Tim. 1:7

1 Kolinto 1:3

Nlemvo kwa beno ye yenge ya katuka na Nzambi Tata ya beto ye Mfumu Yesu Klisto.

2 Kolinto 1:2

Nlemvo kwa beno ye yenge ya katuka na Nzambi, Tata ya beto, ye Mfumu Yesu Klisto.

Ngalata 1:4

Yandi dipesaka sambu na masumu ya beto, na yandi lenda kuvulusa beto tuka ntangu yai ya mbi, bonso ikele luzolo ya Nzambi ye Tata ya beto. Mat. 20:28; Ngal. 2:20; Ef. 5:2; Tit. 2:14

Efeso 1:2

Nlemvo kwa beno, ye yenge tuka Nzambi Tata ya beto ye Mfumu Yesu Klisto. Lom. 1:7; 1 Kol. 1:3; 2 Kol. 1:2; 1 Tes. 1:1

Filipi 1:2

Bika nlemvo vanda na beno ye yenge tuka Nzambi, Tata ya beto, ye Mfumu Yesu Klisto.

Filipi 4:20

Ntangu yai kwa Nzambi ye Tata ya beto, nkembo mvu ya mvu. Amen. Lom. 11:36; 16:27; Ef. 3:21

Kolosai 1:2

Pidisa mbote kwa banlongo ye bampangi ya kwikama mu Klisto ya ikele mu Kolosai. Nlemvo kwa beno ye yenge tuka Nzambi, Tata ya beto.

1 Tesalonika 1:1

Paulu ye Silvano ye Timoteo fidisa mbote kwa dibundu ya Tesalonika mu Nzambi, Tata, ye Mfumu Yesu Klisto. Bika nlemvo vanda na beno ye yenge. Lom. 1:7; 1 Kol. 1:2; Ef. 1:2

1 Tesalonika 1:3

Beto bika ve kubambuka beno nantwala na Nzambi, Tata ya beto, sambu na kisalu ya beno ya lukwikilu ye kisalu ya beno ya zola ye mvibidilu ya vuvu ya beno mu Mfumu ya beto Yesu Klisto.

2 Tesalonika 2:16

Yandi kibeni, Mfumu ya beto Yesu Klisto, ye Nzambi Tata ya beto, ya zolaka beto mu nlemvo, ye pesaka beto mbombolo ya mvu ya mvu ye vuvu ya mbote,

Nzaikulu 11:15

Wanjo ya nsambwadi bulaka mpungi; bandinga ya nene vandaka kutuba mu zulu, ye tubaka: Kimfumu ya nsi imene kwiza, ya Mfumu ya beto ye ya Klisto ya yandi, ye yandi tayala ti mvu ya mvu. Nk. 2:2, 6; Dan. 2:44; 7:27; Nzai. 7:10; 12:10

Nzaikulu 15:4

Nani tatita ve, O Mfumu ye kembila nkumbu ya nge ? Kadi nge kaka ikele yanlongo kadi ba-nsi yonso ya ntoto takwiza kusambila nantwala ya nge, kadi mfundusu ya nge ya lunungu imene kuzabakana. Nk. 86:9; Yel. 10:7

Nzaikulu 19:6

Mono kuwaka ndinga bonso ya kibuka ya nene, ye bonso ndinga ya bamasa mingi ye bonso ndinga ya mbandanu ya ngolo, kutuba: Aleluya! Kadi Mfumu, Nzambi ya beto, Nkwa Ngolo ikele Ntinu. Yeh. 1:24; Nzai. 11:15; 14:2

Nzaikulu 20:4

Mono monaka bakiti ya nkembo ye bau ya vandaka va yau, ye mfundusu peswaka kwa bau, ye mono monaka miela ya bau ya zengwa ntu sambu na kitemo ya Yesu ye sambu na mambu ya Nzambi, ye bau ya sambilaka mbizi ve keti kifwanusu ya yandi, ye bau ya bakaka ve kidimbu va mbunzu ya bau ye va maboko ya bau. Bau vandaka na moyo, ye yalaka sikamosi na Klisto mvu funda mosi. Dan. 7:9, 18, 22, 27; Nzai. 6:9; 13:15; 22:5