Luka 10:7 - Le Nouveau Testament en Kikwango 1950

⁷ Beno vanda mu nzo yina, kudia ye kunwa ya bau pesa beno, kadi musadi lunga na lufutu ya yandi. Kwenda kota ve mu nzo ku nzo. 1 Kol. 9:4; 1 Tim. 5:18

Luka 10:7 Iomraidhean Croise

Malako 6:10

Ye yandi tubaka kwa bau: Konsosika ya beno kota mu nzo, beno vanda muna ti beno katuka kuna. Mat. 10:11

Luka 10:6

Kana muna ikele mwana ya yenge, yenge ya beno tavanda na yandi, kansi kana ve, yo tavutuka kwa beno.

Luka 9:4

Konso nzo ya beno kota, vanda muna ti beno katuka. Luk. 10:15

Bisalu Ya Bantumwa 16:15

Bu yandi imene kubotikwa ye nzo ya yandi, yandi bombidilaka beto, kutuba: Kana beno banza mono imene kukwikila Mfumu ya kieleka, kota mu nzo ya mono ye vanda muna. Yandi kwikidisaka kwenda ku sika ya lombilu beto beto mingi.

Bisalu Ya Bantumwa 16:34

Yandi twalaka bau ku nzo ya yandi, ye tulaka madia nantwala na bau, yandi yangalalaka sikamosi na nzo ya yandi yamvimba, sambu na bau imene kukwikila Nzambi.

Bisalu Ya Bantumwa 16:40

Bau basikaka na boloko ye kotaka mu nzo ya Lidia, bu bau monaka bampangi, bau pesaka bau kikesa ye katukaka.

Ngalata 6:6

Yandi ya longwa mu mambu, bika yandi vanda kintuadi na yandi ya longa yandi, mu bima yonso ya mbote.

1 Timoteo 5:13

Ye bau ikele kulonguka mpe kuvanda bumolo, ye kwenda ku nzo na nzo, ye kuvanda na bumolo kaka ve, kansi kuvanda bantu ya bituba-tuba, ya dikotisa mu mambu ya bantu yankaka, ye kutuba mambu ya lunga ve. Tit. 2:3

2 Timoteo 2:6

Musadi ya dilanga ya ikele kusala, tabaka ntete ndambu ya mabundu.