Luka 10:2 - Le Nouveau Testament en Kikwango 1950

² Buna yandi tubaka kwa bau: Ngionzoko ikele mingi kieleka, kansi basadi ikele mingi ve. Mpilayai beno lomba kwa Mfumu ya ngionzoko na yandi fidisa basadi mu ngionzoko ya yandi. Yoa. 4:35

Luka 10:2 Iomraidhean Croise

Matai 20:1

Kadi kimfumu ya zulu ikele mpilamosi muntu ya vandaka mfumu ya nzo, yandi basikaka na suka-suka kusonika basadi ya dilanga ya yandi ya vinia.

Malako 13:34

Yo ikele bonso bu muntu kwenda mu nsi yankaka, yandi bika nzo ya yandi ye pesa ngolo kwa basielo ya yandi, kwa muntu na muntu kisalu ya yandi, ye sikidikisa nkengi ya kielo mpe tomatala.

Malako 16:15

Yandi tubaka kwa bau: Beno kwenda ku nsi yonso, ye samuna nsamu mbote kwa nsemono yamvimba. Mat. 28:19

Malako 16:20

Bau kwendaka ye samunaka sika yonso, ye Mfumu salaka sikamosi na bau, ye siamisaka mambu mu bidimbu ya landila yau. Amen. Bis. 14:3; Eb. 2:4

Luka 9:1

Yandi bingaka banlonguki kumi ye zole sikamosi, ye pesaka bau ngolo ye luyalu va zulu ya bampeve yonso ya mbi ye kubelula bambevo. Mat. 10:1; Mal. 6:7; Luk. 6:13

Bisalu Ya Bantumwa 11:19

Buna bau ya mwanganaka sambu na mambu ya mpasi ya kwizaka sambu na Stefano, bau zietaka ti na Fenike ye Kipelo ye Antiokia, bau tubaka mambu kwa bankaka ve kansi kwa baYuda kaka. Bis. 8:1, 4

Bisalu Ya Bantumwa 13:2

Bu bau sadilaka Mfumu ye buya madia, Mpeve Yanlongo tubaka: Sodila mono Banaba ye Sauli sambu na kisalu ya mono imene kubinga bau. Bis. 9:15; 10:19; 14:26; 15:28; Lom. 1:1; Ngal. 1:1, 15; Ef. 3:8; 1 Tim. 2:7; 2 Tim. 1:11

Bisalu Ya Bantumwa 13:4

Bu bau fidiswaka na Mpeve Yanlongo, bau kwendaka ku Seleukia, tuka kuna bau sabukaka ku Kipelo.

Bisalu Ya Bantumwa 20:28

Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7

Bisalu Ya Bantumwa 22:21

Yandi tubaka kwa mono: Kwenda, sambu na mono tafidisa nge ntama kwa bapaien. Bis. 9:15; 13:2; 26:17; Ngal. 1:15; 2:8; Ef. 3:8

Bisalu Ya Bantumwa 8:4

Sambu na yai, bau ya mwanganaka kwendaka ye samunaka mambu ya nsamu mbote.

1 Kolinto 12:28

Nzambi imene kutula bankaka mu dibundu: Ya ntete bantumwa, ya zole bambikudi, ya tatu banlongi, nanima bidimbu ya ngolo, nanima matabisi ya belula, lusadusu, kinyadi, bandinga mpila mu mpila. Ef. 4:11

1 Kolinto 15:10

Kansi mu nlemvo ya Nzambi mono ikele yina ya mono ikele, ye nlemvo ya yandi kwa mono vandaka mpamba ve, kansi mono salaka ya luta mingi bau yonso; kansi ikele mono ve, kansi nlemvo ya Nzambi ya ikele na mono. Lom. 15:8; 2 Kol. 11:23; 12:11

2 Kolinto 6:1

Bonso basadi sikamosi na yandi, beto ikele kubombidila beno mpe, na beno tabaka nlemvo ya Nzambi mpamba ve, 1 Kol. 3:9; Eb. 12:15

Filipi 2:21

Kadi bau yonso ikele kusosa mambu ya bau mosi, kansi mambu ya Klisto Yesu ve. 1 Kol. 10:24; 13:5

Filipi 2:25

Kansi mono banzaka yo lunga kufidisa Epafolodito kwa beno, mpangi ya mono ye sielo sikamosi na mono ye soldat sikamosi na mono, kansi ntumwa ya beno ye sielo mu nsatu ya mono.

Filipi 2:30

kadi sambu na kisalu ya Klisto yandi vandaka, mfinama kulufwa, bu yandi pesaka moyo ya yandi kulungisa yina ya konda mu kisielo ya beno kwo mono. 1 Kol. 16:17

Kolosai 1:29

Sambu na yai mono sala mpe ye nwanina bonso kisalu ya yandi ya ikele kusala ngolo mu mono. 1 Kol. 15:10; 1 Tim. 4:10

Kolosai 4:12

Epafala fidisa beno mbote, yandi ikele mosi ya beno, sielo ya Klisto Yesu, ya tula ngolo mu lombilu sambu na beno ntangu yonso, na beno lenda kutelema ya lunga ye zaba mbote luzolo yonso ya Nzambi.

1 Tesalonika 2:9

Kadi, bampangi, beno bambuka kisalu ya beto ye mpasi. Beto salaka mu mpimpa ye ntangu, na beto tatula kizitu va mosi ya beno ve, bu beto samunaka nsamu mbote ya Nzambi kwa beno. 2 Tes. 3:8

1 Tesalonika 5:12

Kansi, bampangi, beto bombidila beno kuzaba bau ya ikele kusala nakati na beno ye yala beno mu Mfumu ye longa beno. 1 Kol. 16:18; Fili. 2:29; 1 Tim. 5:17

2 Tesalonika 3:1

Buna, bampangi, lomba sambu na beto, na mambu ya Mfumu lenda kwenda ntinu ye kembiswa, bonso yo ikele mu beno mpe, Ef. 6:18; Kolo. 4:3; 1 Tes. 5:25

1 Timoteo 4:10

Sambu na yai, beto sala ye nwana, sambu na beto imene kutula vuvu mu Nzambi ya ikele na moyo, yandi ikele Mvulusi ya bantu yonso, kansi luta kwa bau ya kwikila.

2 Timoteo 4:5

Kansi nge, vanda ya lunga mu mambu yonso, vibidila mu mpasi, sala kisalu ya nsamuni ya nsamu mbote, manisa kisielo ya nge. 2 Tim. 1:8; 2:3

Filemoni 1:1

Paulu, muntu ya boloko ya Klisto Yesu, ye Timoteo, mpangi ya beto, kwa Filemoni ya zolwa, ye musadi sikamosi na beto,

Ebeleo 3:6

kansi Klisto bonso Mwana vandaka na mawete mu nzo ya yandi yonso. Beto ikele nzo ya yandi, kana beto simba kikesa ya nkembo ya vuvu ya beto ti nsuka. Mat. 24:13; 1 Kol. 3:16; 1 Tim. 3:15; Eb. 3:14; 10:21

Nzaikulu 2:1

Sonika kwa wanjo ya dibundu mu Efeso: Mambu yai tubaka yandi ya simbaka bambwetete nsambwadi mu diboko kibakala ya yandi, yandi ya tambula nakati ya bilundilu ya wola ya minda. Nzai. 1:13, 16, 20