Filipi 4:9 - Le Nouveau Testament en Kikwango 1950

⁹ Mambu ya beno longukaka ye bakaka ye kuwaka ye monaka mu mono, beno sadila yau, ye Nzambi ya yenge tavanda na beno. Lom. 5:3; 2 Kol. 13:11; Fili. 3:17; 1 Tes. 3:3

Filipi 4:9 Iomraidhean Croise

Matai 1:23

Tala, nkento ya imene kuzaba bakala ve tavanda na divumu ye tabuta mwana bakala; bau tabinga nkumbu ya yandi Emanueli, tendula ya yo ikele yai: Nzambi ikele na beto.

Matai 28:20

longa bau kukeba mambu yonso ya mono sikidikisaka beno. Tala, mono ikele na beno bilumbu yonso, ti nsuka ya ntangu.

Matai 7:21

Ikele yonso ve ya tuba kwa mono, Mfumu, Mfumu, takota mu zulu. Kansi yandi ya sala lusolo ya Tata ya mono ya ikele mu zulu. Hos. 8:2; Luk. 6:46; Lom. 2:13; Yak. 1:22

Luka 6:46

Sambu na nki beno ikele kubinga mono, Mfumu, Mfumu, ye sala ve ya mono tuba kwa beno ? Hos. 8:2; Lom. 2:13; Yak. 1:22

Luka 8:21

Yandi vutulaka ye tubaka kwa bau: Ngudi ya mono ye bampangi ya mono ikele bau ya kuwa mambu ya Nzambi ye sala yo. Yoa. 15:14

Yoane 13:17

Kana beno zaba mambu yai, kiese ikele na beno, kana beno sala yo.

Yoane 15:14

Beno ikele banduku ya mono, kana beno sala mambu ya mono sikidikisa beno. Yoa. 8:31

Yoane 2:5

Ngudi ya yandi tubaka kwa basielo: Konso nki ya yandi tuba kwa beno, sala yo.

Bisalu Ya Bantumwa 9:6

Telema, kwenda kukota mu mbanza, ye yo tasongwa nge mambu ya nge fwiti kusala.

Loma 15:33

Bika Nzambi ya yenge vanda na beno yonso. Amen. Fili. 4:9; 1 Tes. 5:23; 2 Tes. 3:16

Loma 16:20

Nswalu Nzambi ya yenge tadiatikisa Satana nansi bitambi ya beno. Nlemvo ya Mfumu ya beto Yesu Klisto vanda na beno.

1 Kolinto 10:31

Mpilayai kana beno kudia keti kunwa keti yonso ya beno sala, sala yonso kukembila Nzambi. Mat. 5:16; Yoa. 15:8; Fili. 1:11; Kolo. 3:17; 1 Pet. 4:11

1 Kolinto 14:33

Kadi Nzambi ikele Nzambi ya nkindu ve, kansi ya yenge.

1 Kolinto 4:16

Sambu na yai, mono bombidila beno; Beno vanda balandi ya mono. 1 Kol. 11:1; Ngal. 4:12; Fili. 3:17; 1 Tes. 1:6; 2:14; Ef. 5:1

2 Kolinto 13:11

Buna, beno bampangi, yangalala, vanda ya lunga, bombwa, vanda na mabanza mosi, vanda mu yenge, ye Nzambi ya zola ye yenge tavanda na beno. Lom. 15:33; 16:20; Fili. 4:9; 1 Tes. 5:23; Eb. 13:20

Filipi 3:17

Bampangi, vanda kintuadi mu kulanda ya mono, beno tomatala bau ya ikele kutambula bonso beto, sambu na beno ikele na kifwani mu beto. 1 Kol. 4:16; 11:1; Fili. 4:9; 1 Tes. 1:6; 2 Tes. 3:9

Filipi 4:7

Ye yenge ya Nzambi ya luta ngangu yonso takeba mintima ya beno ye mabanza ya beno mu Klisto Yesu. Yoa. 14:27

1 Tesalonika 1:6

Beno kituka balandi ya beto ye ya Mfumu, sambu na beno imene kubaka mambu mu mpasi mingi mu kiese ya Mpeve Yanlongo. 1 Kol. 4:16; 11:1; Fili. 3:17; 1 Tes. 2:14; 2 Tes. 3:7; Eb. 10:32

1 Tesalonika 2:14

Kadi beno, bampangi, kwizaka balandi ya mabundu ya Nzambi ya ikele mu Yuda mu Klisto Yesu; kadi beno mpe moniswaka mpasi mutindu mosi na bisi ntoto ya beno kibeni, bonso bau mpe moniswaka mpasi na baYuda. Eb. 10:34

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

2 Tesalonika 3:4

Kansi beto ikele na vuvu mu Mfumu sambu na beno, na beno ikele kusala ye tasala mambu ya beto sikidikisa beno. 2 Kol. 7:16; Ngal. 5:10

2 Timoteo 4:22

Mfumu vanda na mpeve ya nge. Nlemvo vanda na nge. Fili. 4:23; File. 25

Yakobi 1:22

Kansi, vanda basadi ya mambu, ye bawi kaka ve ya kudikusa. Mat. 7:21, 24; Lom. 2:13; 1 Yoa. 3:7

2 Petelo 1:10

Mpilayai bampangi, tula ngolo ya luta, kusala mbokolo ya beno ye nsodolo ya beno kwiza ya kieleka, kadi kana beno sala mambu yai, beno lenda kuta sakuba ve.

1 Yoane 3:22

Konsonki ya beto lomba, beto tabaka tuka yandi, sambu beto keba bansikudusu ya yandi ye sala mambu ya yangidisa yandi.