Filipi 4:8 - Le Nouveau Testament en Kikwango 1950

⁸ Mpilayai bampangi, konso mambu ya ikele kieleka, konso mambu ya ikele na luzitu, konso mambu ya ikele lunungu, konso mambu ya ikele vedila, konso mambu ya ikele ya zolwa, konso mambu ya ikele na nsangu mbote, kana bifu ya mbote ikele, kana nsikulu ikele, beno banza mambu yina.

Filipi 4:8 Iomraidhean Croise

Matai 22:16

Bau fidisaka banlonguki ya bau ye bantu ya Elode kwa yandi, bau tubaka: Nlongi, beto zaba na nge ikele ya kieleka, ye ikele kulonga nzila ya Nzambi mu kieleka, ye nge ti ta muntu ve, kadi nge ikele kutala luse ya bantu ve.

Malako 6:20

kadi Elode titaka Yoane, kuzaba na yandi ikele muntu ya lunungu ye ya nlongo, yandi kebaka yandi mbote, ye bu yandi kuwaka yandi, yandi salaka mambu mingi, ye yandi kuwaka yandi na kiese. Mat. 21:26

Luka 16:15

Yandi tubaka kwa bau: Beno ikele bau ya dinungisa na luse ya bantu, kansi Nzambi zaba mintima ya beno; kadi mambu ya ikele na luzitu kwa bantu, ikele mbi na luse ya Nzambi. 1 Sam. 16:7; Nk. 7:9

Luka 2:25

Tala, mu Yelusalemi vandaka muntu, nkumbu ya yandi Simeoni, muntu ya lunungu ye ya vumina Nzambi, yandi vingilaka mbombolo ya Isaeli, ye Mpeve Yanlongo vandaka va yandi.

Luka 23:50

Tala, bakala, nkumbu ya yandi Yosefi, ikele mfundisi, ikele muntu ya mbote ye ya lunungu. Mat. 27:57; Mal. 15:42; Yoa. 19:38

Yoane 7:18

Yandi ya tuba mu yandi kibeni, ikele kusosa nkembo ya yandi kibeni, kansi yandi ya sosa nkembo ya yandi ya fidisaka yandi, ikele kieleka, ye konda lunungu ikele mu yandi ve. Yoa. 5:41

Bisalu Ya Bantumwa 10:22

Bau tubaka: Konelio, nkuluntu ya basoldat, muntu ya lunungu ya vumina Nzambi, ye kikanda yonso ya baYuda ikele kupesa yandi kitemo ya mbote, wanjo ya nlongo tubaka na yandi fidisa kubinga nge ku nzo ya yandi, ye kuwa mambu ya nge.

Bisalu Ya Bantumwa 22:12

Anania, muntu ya vumina Nzambi, bonso ikele mu nsiku, ya vandaka na kitemo ya mbote ya baYuda yonso ya vandaka kuna. Bis. 9:10

Bisalu Ya Bantumwa 6:3

Kansi bampangi, sola babakala nsambwadi nakati na beno ya ikele bantu ya mbote, ya fuluka na Mpeve ye ngangu, ya beto lenda kutula mu kisalu yai.

Loma 13:13

Bika beto tambula ya kieleka bonso mu mwini, mu makinu ve ye kolwa ve, mu zola ya mbi ye mambu ya nsoni ve, mu nwaninu ye kimpala ve, Bing. 23:20; Luk. 21:34; Ngal. 5:19; 1 Kol. 6:9; Ef. 5:3; Fili. 4:8

Loma 13:3

Kadi banyadi ikele na makasi ve ku bisalu ya mbote, kansi ku bisalu ya mbi. Nge zola ve tita nyadi ? Sala yina ya mbote, ye yandi tasika nge.

Loma 14:18

Kadi konso ya sadila Klisto mu mambu yai ikele kuzolakana kwa Nzambi ye lunga kwa bantu.

Loma 2:29

kansi yandi ikele muYuda ya ikele mpilayina mu ntima, ye nzengolo ikele yina ya ntima mu mpeve, mu bisoni ve; nsikulu ya yandi katuka na bantu ve kansi ya Nzambi. Bis. 7:51; Kolo. 2:11; Fili. 3:2; 1 Pet. 3:4

1 Kolinto 4:5

Sambu na yai fundisa ve ntete na ntangu ya Mfumu takwiza, yandi tatwala ku mwini mambu ya kinsweki ya tombe, ye monikisa makani ya mintima, buna muntu na muntu tabaka nsikulu ya yandi tuka Nzambi. Lom. 2:16, 29; Nzai. 20:12

2 Kolinto 13:7

Beto lomba kwa Nzambi, na beno tasala mbi ve, ikele ve na beto lenda kumonika ya lunga, kansi na beno lenda kusala mambu ya konda kusembwa, kana beto vanda bonso bankwa ya lenda kupindula ve.

2 Kolinto 6:8

mu nkembolo ye mu konda nzitusu, mu nsangu mbi, ye mu nsangu mbote, bonso bakusi, kansi beto ikele bankwa kieleka,

2 Kolinto 8:18

Sikamosi na yandi beto fidisaka mpangi yankaka. Mabundu yonso pesaka yandi nsikulu mu nsamu mbote;

2 Kolinto 8:21

Kadi beto ikele kutula ngolo konda kubediswa na luse ya Mfumu kaka ve, kansi na luse ya bantu mpe. Bing. 3:4; Lom. 12:17; Fili. 4:8; Bis. 24:16

Ngalata 5:22

Kansi mabundu ya Mpeve ikele zola, kiese, yenge, mvibudulu, nlembami, mbote, kwikama, Ef. 5:9; Yak. 1:19

Efeso 4:25

Mpilayai, beno bika luvunu, ye tuba kieleka muntu kwa bamfinangani ya yandi, kadi beto ikele biela ya kintuadi. Zak. 8:16; Lom. 12:5; 1 Pet. 2:1

Efeso 5:9

Kadi mabundu ya mwini ikele mu mambu ya mbote yonso ye lunungu ye kieleka. Ngal. 5:22

Efeso 6:14

Sambu na yai beno telema, beno kanga kieleka va tuketo ya beno ye vwata nkaku ya lunungu ya ntulu, 1 Tes. 5:8

Filipi 3:1

Mpilayai bampangi ya mono, yangalala mu Mfumu. Kusonika mambu mutindu mosi kwa beno ikele mpasi kwa mono ve, kansi ikele kusadisa beno mbote. 2 Kol. 13:11; Fili. 4:4; 1 Tes. 5:16

Kolosai 4:5

Tambula mu ngangu nakati na bau ya ikele nanganda, bika ntangu luta mpamba ve. Ef. 5:15; 1 Tes. 4:12

1 Tesalonika 4:12

ye beno tatambula mbote kwa bau ya ikele nanganda, na beno takonda kima ye.

1 Timoteo 2:2

sambu na bantinu, ye bantu yonso ya ikele na kisalu ya nene, na beto lenda kuvanda na moyo ya napi ye yenge mu vumi yonso ya Nzambi ye luzitu.

1 Timoteo 3:11

Mpilayai, bankento mpe fwiti kuvanda na luzitu, kuvanda na luvunu ve, kukolwa na malafu ve, kuvanda ya kwikama mu mambu yonso.

1 Timoteo 3:4

muntu ya yala nzo ya yandi mbote, ye bana ya yandi ikele kulemvuka na luzitu yonso

1 Timoteo 4:12

Bika muntu kusaula kinleke ya nge ve; kansi vanda kifwani kwa bakwikidi, mu ndinga, mu bifu, mu zola, mu lukwikilu, ye mu vedila. Tit. 2:7; 1 Pet. 5:3

1 Timoteo 5:10

ye yandi ikele na kitemo ya kisalu ya mbote; kana yandi imene kusansa bana kana yandi sadisaka banzenza, kana yandi sukulaka makulu ya banlongo, kana yandi sadisaka bambevo, kana yandi imene kuvibidila mu bisalu yonso ya mbote. 1 Pet. 4:9

1 Timoteo 5:2

Bankento ya nuna bonso bangudi, bankento ya nleke bonso bampangi bankento, mu ntima ya vedila yonso.

Tito 1:8

kansi ya sadisa banzenza, ya zola mambu ya mbote, ya konda kusakana, ya lunungu, ya nlongo, ye ya lenda kudiyala,

Tito 2:14

Yandi ya dipesaka sambu na beto, na yandi lenda kuvulusa beto tuka na mambu ya mbi yonso, ye kuyidika beto kuvanda bantu ya yandi kibeni, ya vibidila mu bisalu ya mbote. 2 Mose 19:6; Ngal. 1:4; 2:20; Ef. 2:10; 5:2; 1 Tim. 2:6; Eb. 9:14

Tito 2:2

Babakala ya nuna fwiti kukolwa ve na malafu; kuvanda na luzitu, kuvanda na mabanza ya mbote, kuvanda ngolo mu lukwikilu, ye mu zola, ye mu mvibudulu.

Tito 2:7

Mu mambu yonso disonga kifwani ya bisalu ya mbote; mu malongi ya nge songa mambu ya vedila ye luzitu, 1 Tim. 4:12; 1 Pet. 5:3

Tito 3:14

Bika bantu ya beto mpe kulonguka kusala bisalu ya mbote, sambu na kubaka bima ya lunga kwa bau, na bau takonda mabundu ve.

Ebeleo 11:2

kadi sambu na yau, kitemo tubwaka kwa bambuta.

Ebeleo 13:18

Lombila beto, kadi beto kwikidiswa beto ikele na kansansa ya mbote, beto zola kuvanda na bifu ya mbote mu mambu yonso. Bis. 24:16

Yakobi 1:27

Nsambilu ya kieleka, ye ya kondwa kusumuka nantwala ya Nzambi Tata ya beto ikele yai: Sadisa bau ya konda tata, ye bafwola mu mpasi ya bau, ye dikeba kukondwa ya matona mu nsi.

Yakobi 3:17

Kansi ngangu ya kulumuka tuka zulu, ikele ntete ya vedila, nanima yenge, nlembami, bombidilwa nswalu, fuluka na nkenda ye mabundu ya mbote, yo ikele na diswaswana ve, ye na luvunu ve. Mat. 5:9; 1 Tim. 3:3

1 Petelo 1:22

Sambu na beno imene kuvedisa miela ya beno mu kulemvuka ya beno ku kieleka ku zola ya bampangi ya konda luvunu, mpilayai beno zolana mingi mu ntima yamvimba. Lom. 12:10; Ef. 4:2; 1 Tim. 1:5; 1 Pet. 2:7

1 Petelo 2:12

Vanda na bifu ya mbote nakati na bapaien, buna bu bau tuba mbi na beno, bonso beno ikele basadi ya mbi, bu bau mona bisalu ya beno ya mbote, bau lenda kupesa nkembo kwa Nzambi, mu kilumbu ya yandi kwiza kwa bau. Mat. 5:16; 1 Pet. 3:16

1 Petelo 4:8

Na zulu na mambu yonso, beno vibidila mu zolana, kadi zola ikele kufuka masumu mingi. Bing. 10:12

2 Petelo 3:1

Bazolwa, yai ikele nkanda ya zole ya mono sonika kwa beno, mu yo zole mono sikimisa mabanza ya beno ya vedila, kubambukisa beno. 2 Pet. 1:13

1 Yoane 3:18

Bana ya mono ya fioti, bika beto zola ve mu mambu ye ludimi; kansi mu bifu ye mu kieleka.

1 Yoane 3:3

Konso muntu ya ikele na vuvu yai mu yandi, tadivedisa bonso yandi ikele ya vedila.

1 Yoane 4:1

Bazolwa, kwikila bampeve yonso yonso ve, kansi meka bampeve, kana bau ikele ya Nzambi, sambu na bambikudi mingi ya luvunu kotaka mu nsi. Mat. 7:15; 24:4; Bis. 20:29; 1 Tes. 3:1; 2 Pet. 2:1; 2 Yoa. 7