Filipi 4:3 - Le Nouveau Testament en Kikwango 1950

³ Ye nge mpe, kintuadi ya kieleka, mono lomba nge kusadisa bankento yina ya salaka na mono mu nsamu mbote ye Kleme ye basadi yankaka sikamosi na mono, bankumbu ya bau sonikwa mu nkanda ya moyo. Nzai. 20:15

Filipi 4:3 Iomraidhean Croise

Luka 10:20

Kansi yangalala sambu na yai ve, na bampeve mbi ikele kulemvuka beno, kansi yangalala sambu na nkumbu ya beno ikele kusonama mu zulu.

Loma 12:1

Mpilayai mono bombidila beno, bampangi, mu nkenda ya Nzambi, pesa banitu ya beno nkailu ya moyo ya zikwa, ya nlongo ye ya zolakana kwa Nzambi, yo ikele kisalu ya beno ya ngangu.

Loma 16:12

Pesa mbote kwa Tilifena ye Tilifosa bau ya sala mu Mfumu. Pesa mbote kwa Pelesi zolwa, ya salaka mingi mu Mfumu.

Loma 16:9

Pesa mbote kwa Ulubanu musadi sikamosi na beto mu Klisto ye Staki zolwa ya mono.

Filipi 1:12

Bampangi, mono zola beno zaba mambu ya bwilaka mono lutaka kumwangisa nsamu mbote,

Filipi 1:16

Bayai samuna mu zola, bu bau zaba mono tulwaka sambu na kutuba nsamu mbote.

Filipi 1:27

Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

Filipi 1:5

sambu na kintuadi ya beno mu nsamunu ya nsamu mbote tuka kilumbu ya ntete ti ntangu yai.

Filipi 1:7

Yo lunga na mono kuvanda na mabanza ya mpilayai sambu na beno yonso, sambu na mono ikele na beno mu ntima ya mono, mu minyololo ya mono ye mu kutuba ye mu kusiamisa ya nsamu mbote, beno yonso ikele na mono kintuadi na nlemvo ya peswaka kwa mono. 2 Kol. 7:3

Filipi 4:2

Mono bombidila Evodia, ye mono bombidila Sintike kuvanda na ntima mosi mu Mfumu.

Kolosai 1:7

bonso beno longukaka na Epafala, mpika ya zolwa sikamosi na mono, ya ikele sielo ya Klisto ya kwikama sambu na beno.

Nzaikulu 13:8

Bau yonso ya vanda va ntoto tasambila yandi, ye konso muntu ya nkumbu ya yandi ikele kusonama ve tuka ni lufulu ya nsi mu nkanda ya moyo ya Mwana Dimeme ya bau kufwaka. Dan. 12:1; Nzai. 5:12; 17:8; 20:15

Nzaikulu 17:8

Mbizi ya nge monaka, vandaka ntete, ye ikele ve, ye tabasika na dibulu ya konda nsuka ye kwenda ku mbungulu. Bantu ya vandaka na ntoto, na nkumbu ya bau konda kusonika mu nkanda ya moyo tuka lufulu ya nsi, bau tayituka bu bau mona mbizi ya vandaka, ye ikele ve, ye takwiza.

Nzaikulu 20:12

Mono monaka bafwa ya nene ye ya fioti telema nantwala ya kiti ya nkembo, ye minkanda kangulwaka, nkanda yankaka kangulwaka, ikele nkanda ya moyo; bafwa funduswaka sambu na bisalu ya bau bonso yo sonikwaka mu minkanda. Yel. 17:1; Dan. 7:10; Malaki 3:16

Nzaikulu 20:15

Kana nkumbu ya muntu sonikwaka ve mu nkanda ya moyo, yandi loswaka mu zanga ya tiya. Nzai. 3:5; 13:8; 17:8; 21:27

Nzaikulu 21:27

Konsokima ya sumuka takota muna ta fioti ve, keti muntu ya sala masumu keti luvunu lenda kukota muna ve, kansi bau kaka ya sonama mu nkanda ya moyo ya Mwana Dimeme. Yes. 35:8; 52:1; Yeh. 44:9; Nzai. 13:8; 20:12; 2:15

Nzaikulu 3:5

Yandi ye nunga tavwatiswa mvwatu ya mpembe, mono takatula nkumbu ya yandi ve mu nkanda ya moyo, ye mono tandima nkumbu ya yandi nantwala ya Tata ya mono ye nantwala na banjo ya yandi. 2 Mose 32:32; Nk. 69:28; Mat. 10:32; Luk. 12:8; Fili. 4:3; Nzai. 13:8