Filipi 4:20 - Le Nouveau Testament en Kikwango 1950

²⁰ Ntangu yai kwa Nzambi ye Tata ya beto, nkembo mvu ya mvu. Amen. Lom. 11:36; 16:27; Ef. 3:21

Filipi 4:20 Iomraidhean Croise

Matai 28:20

longa bau kukeba mambu yonso ya mono sikidikisaka beno. Tala, mono ikele na beno bilumbu yonso, ti nsuka ya ntangu.

Matai 6:9

Sambu na yai beno lomba mpilayai: Tata ya beto ya ikele mu zulu, bika nkumbu ya nge zitiswa; Luk. 11:2

Loma 11:36

Kadi ya yandi ye mu yandi ye kwa yandi bima yonso ikele. Nkembo kwa yandi mvu ya mvu. Amen. Lom. 16:27; 1 Kol. 8:6; Eb. 2:10

Loma 16:27

Kwa Nzambi yandi kaka ya ngangu, nkembo kwa yandi mu Yesu Klisto mvu ya mvu. Amen. Lom. 11:36; 1 Tim. 1:17

Efeso 3:21

Kwa yandi nkembo mu dibundu, ye mu Klisto Yesu kwa mbandu yonso mvu ya mvu. Amen.

Filipi 1:11

beno fuluka na mabundu ya lunungu, ya ikele mu Yesu Klisto mu nkembolo ye nsikulu ya Nzambi. Mat. 5:16; Yoa. 15:8; Ef. 1:12; 3:19; 5:9

Filipi 4:23

Bika nlemvo ya Mfumu Yesu Klisto vanda na mpeve ya beno. Ngal. 6:18; 2 Tim. 4:22; File. 5

1 Timoteo 1:17

Kwa ntinu ya mvu ya mvu, ya lenda kufwa ve, ya ikele kumonika ve, Nzambi mosi kaka, kwa yandi nzitusu ye nkembo mvu ya mvu. Amen. Lom. 16:27; 1 Tim. 6:16

Yuda 1:25

kwa Nzambi kaka Mvulusi ya beto mu Yesu Klisto Mfumu ya beto, vanda nkembo, nene, luyalu ye ngolo, ntete ya ntangu yantikaka ye ntangu yai ye mvu ya mvu. Amen. 1 Tim. 1:17; 1 Pet. 4:11; 2 Pet. 3:18

Nzaikulu 1:6

Yandi salaka beto kimfumu ye banganga kwa Nzambi ya yandi ye Tata, kwa yandi nkembo ye luyalu mvu ya mvu! Amen. 2 Mose 19:6; Yes. 61:6; Dan. 7:22, 27; 1 Pet. 2:5, 9; Nzai. 5:10

Nzaikulu 11:13

Na lokula yina vandaka ndikunu ya nene ya ntoto, mosi ya kumi ya mbanza kubwaka, bantu mafunda nsambwadi kufwaka mu ndikunu yina; ya bikaka vandaka na boma mingi ye pesaka nkembo kwa Nzambi ya zulu.

Nzaikulu 14:7

Yandi tubaka mu ndinga ya nene: Vumina Nzambi ye pesa yandi nkembo, kadi lokula ya mfudusu ya yandi imene kwiza, ye sambila yandi ya salaka zulu ye ntoto ye mbu ye banto ya masa. 5 Mose 32:3; Nk. 146:6; Bis. 4:24; 14:15; Nzai. 10:6; 15:4

Nzaikulu 5:12

Bau tubaka na ndinga ya nene: Mwana Dimene ya kufwaka lunga kubaka ngolo ye kimvwama ye ngangu ye luyalu ye nzitusu ye nkembo ye lusakumunu. Yes. 53:7; Nzai. 4:11

Nzaikulu 7:12

kutuba: Amen! Nsakumunu ye nkembo ye ngangu ye matondo ye nzitusu ye luyalu ye ngolo vanda kwa Nzambi ya beto ti mvu ya mvu. Amen! Nzai. 5:12; 4:9