Filipi 4:17 - Le Nouveau Testament en Kikwango 1950

¹⁷ Mono sosa matabisi ve, kansi mono sosa mabundu mingi kwiza kwa beno.

Filipi 4:17 Iomraidhean Croise

Yoane 15:16

Beno solaka mono ve, kansi mono solaka beno; Mono sikidikisa beno, na beno takwenda ye buta mabundu, na mabundu ya beno tavanda; na konsokima ya beno lomba kwa Tata mu nkumbu ya mono, yandi tapesa beno yo. Mat. 28:19; Yoa. 14:13

Yoane 15:8

Mu yai Tata ya mono kembiswa na beno buta mabundu mingi, ye beno tavanda banlonguki ya mono. Mat. 5:16; 1 Pet. 2:12

Loma 15:28

Mpilayai, bu mono imene kumanisa kisalu yai, ye imene kupesa bau matabisi yai, buna mono takwenda kuluta beno ku Spania.

2 Kolinto 11:16

Diaka mono tuba: Bika muntu banza ve mono ikele nzoba, kana beno banza yo, baka mono bonso nkwa nzoba, na mono lenda kuyana ndambu. 2 Kol. 12:6

2 Kolinto 9:5

Sambu na yai mono banzaka, yo lunga kufidisa bampangi nantwala kwa beno, kuyidika matabisi ya beno, ya beno silaka ntete, kuyidika yo bonso matabisi ya lusakumunu ye ya kubotulwa ve.

Filipi 1:11

beno fuluka na mabundu ya lunungu, ya ikele mu Yesu Klisto mu nkembolo ye nsikulu ya Nzambi. Mat. 5:16; Yoa. 15:8; Ef. 1:12; 3:19; 5:9

Filipi 4:11

Mono tuba ve na mono kondaka kima, kadi mono imene kulonguka kuvanda na kiese mu mambu yonso ya ikele na mono.

1 Tesalonika 2:5

Kadi ntangu mosi ve beto monwaka kutuba mambu ya lulendo, bonso beno zaba, keti kufuka zola ya bima, Nzambi ikele ntemo ya beto. Bis. 20:33; 2 Kol. 2:17; 11:31; 12:17

1 Timoteo 3:3

Munwi ya vinia ve, ye kunwana ve, kansi ya nlembami, ya makalele ve, ya zola mbongo ve, 2 Tim. 2:24

1 Timoteo 6:10

Kadi zola ya mbongo ikele mwanzi ya mbi mutindu yonso, bankaka ya sosaka yau imene kuvila nzila ya lukwikilu, ye bau imene kuditobola na ntantu mingi. Bing. 15:16; Luk. 12:15

Tito 1:7

Kadi nkengi fwiti kukonda mbi, bonso nlundi ya bima ya Nzambi, ya dizola ve, ya baka makasi nswalu ve, ya zola malafu ve, ya nwana ve, ya zola ndandu ya nsoni ve, 3 Mose 10:9; 1 Tim. 3:2; 1 Pet. 5:2

Tito 3:14

Bika bantu ya beto mpe kulonguka kusala bisalu ya mbote, sambu na kubaka bima ya lunga kwa bau, na bau takonda mabundu ve.

Ebeleo 6:10

Kadi Nzambi ikele konda lunungu ve, yandi ikele kuvila ve kisalu ya beno ye zola ya beno songa kwa nkumbu ya yandii bu beno sadilaka banlongo ye beno ikele kusadila bau. Mat. 10:42; 25:40; Mal. 9:4; Yoa. 13:20; 1 Tes. 1:3

1 Petelo 5:2

Vanda mvungi ya mameme ya Nzambi ya ikele nakati na beno, mu ngolo ve, kansi mu luzolo, bonso ikele luzolo ya Nzambi sambu na ndandu ya nsoni ve, kansi mu zola ya ntima. Bis. 20:28; 1 Tim. 3:3; Tit. 1:7, 11

2 Petelo 2:15

Bau bikaka nzila ya nsungama ye vilaka ye landaka nzila ya Balami, mwana ya Bosoli, ya zola nsendo ya konda lunungu. 4 Mose 22:1; Yud. 11

2 Petelo 2:3

Mu zola ya bima, bau tabaka ndandu sambu na beno mu ndinga ya mayele, mfundusu ya bau tuka ntama tavingila ve, ye lufwa ya bau ikele kulala tulu ve.

Yuda 1:11

Ndola kwa bau, kadi bau kwenda mu nzila ya Kaini, ye kubwaka nswalu mu kuvila ya Balami kubaka ndandu, ye bau vilaka mu nkolomono ya Kola. 1 Mose 4:8; 2 Mose 22:1, 16; 2 Pet. 2:15