Filipi 4:12 - Le Nouveau Testament en Kikwango 1950

¹² Mono zaba kuwa nsoni, mono zaba kuvanda na bima mingi mpe, mu bima yonso ye mambu yonso mono imene kulonguka mambu ya kinsweki kuyukuta ye kuvanda na nzala, kuvanda na bima ye kukonda bima,

Filipi 4:12 Iomraidhean Croise

Matai 11:29

Baka vangu ya mono ye beno, longuka na mono, kadi mono ikele nlembami ye ntima ya kulumuka; ye beno tamona luvundu mu miela ya beno. Yel. 6:16

Matai 13:52

Yandi tubaka kwa bau: Sambu na yai konso nsoniki ya salwa nlonguki ya kimfumu ya zulu ikele mpilamosi muntu ya ikele mfumu ya nzo, yandi basisa ya lundulu ya yandi bima yampa ye ya nkulu.

2 Kolinto 10:1

Mono kibeni Paulu bombidila beno mu nlemvo ya Klisto ye nlembami ya yandi, mono ikele kudikulumusa na luse ya beno, kansi bu mono ikele na beno ve, mono ikele na kikesa kwa beno. Yes. 42:2; Mat. 11:29; 12:19; Lom. 12:1; 1 Kol. 1:10

2 Kolinto 10:10

Kadi bau tuba: Minkanda ya yandi ikele kizitu ye ngolo, kansi kana yandi monika, nitu ya yandi ikele lebakana ye ndinga ya yandi ikele mpamba.

2 Kolinto 11:27

mu kisalu ye mpasi, mu tomatala mbala mingi, mu nzala ye kiwini, mu konda ya madia mbala mingi, mu madidi ye kinkonga. Bis. 20:31; 1 Tes. 2:9; 2 Tes. 3:8

2 Kolinto 11:7

Keti mono salaka masumu bu mono dikulumusaka, na beno lenda kutombulwa, bu mono samunaka kwa beno nsamu mbote ya Nzambi na lufutu ve ? Mat. 10:8; 1 Kol. 9:12; 13:2; 2 Kol. 12:13; Fili. 4:12

2 Kolinto 11:9

Kadi bu mono vandaka na beno ye kondaka bima, mono vandaka kizitu kwa muntu ve bampangi lungisaka yo, bu bau katukaka na Makedonia; mu mambu yonso mono dikebaka, na mono lenda kulomba beno kima ve. 2 Kol. 12:13; Fili. 4:15