Filipi 3:8 - Le Nouveau Testament en Kikwango 1950

⁸ Kieleka, mono ikele kutanga mambu yonso bonso mvidusu sambu na nzailu ya luta mbote ya Klisto Yesu, Mfumu ya mono, sambu na yandi mono vidisaka mambu yonso, mono ikele kutanga yo bonso kima ya sumuka na mono lenda kubaka Klisto ndandu,

Filipi 3:8 Iomraidhean Croise

Luka 1:43

Yai ikele mpila nki, na ngudi ya Mfumu ya mono imene kwiza kwa mono ?

Luka 11:20

Kana mono ikele kubasisa mpeve mbi mu musapi ya Nzambi, buna kimfumu ya Nzambi imene kwiza kwa beno.

Yoane 14:20

Mu kilumbu yina beno tazaba, mono ikele mu Tata ya mono, ye beno mu mono, ye mono mu beno. Yoa. 10:38; 14:10; 17:21, 23

Yoane 14:7

Kana beno imene kuzaba mono, beno tazaba Tata ya mono mpe, tuka ntangu yai beno zaba, ye mona yandi. Yoa. 8:19

Yoane 16:3

Kansi mambu yai bau tasala, sambu na bau zaba Tata keti mono ve.

Yoane 17:3

Yai ikele moyo ya mvu ya mvu, na bau tazaba nge Nzambi mosi kaka ya kieleka; ye yandi ya nge fidisaka Yesu Klisto.

Yoane 17:8

Sambu na mambu ya nge pesaka kwa mono, mono pesaka kwa bau; ye bau bakaka yau ye zabaka kieleka, na mono katuka na nge ye bau kwikilaka, na nge fidisaka mono. Yoa. 17:25; 16:30

Yoane 20:13

Bau tubaka kwa yandi: Nkento, sambu na nki nge ikele kudila ? Yandi tubaka kwa bau: Sambu na bau imene kukatula Mfumu ya mono ye mono zaba ve sika bau tulaka yandi.

Yoane 20:28

Toma vutulaka ye tubaka kwa yandi: Mfumu ya mono ye Nzambi ya mono.

Bisalu Ya Bantumwa 20:24

Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3

Loma 8:18

Kadi mono banza na mpasi ya ntangu yai lunga ve kuteza na nkembo ya tazaikiswa kwa beto. Mat. 5:11; 2 Kol. 4:17; 1 Pet. 1:6; 4:13

Loma 8:39

keti ya zulu, keti mudindu, keti konso nsemono lenda kukabisa beto ve tuka zola ya Nzambi, ya ikele mu Klisto Yesu, Mfumu ya beto.

1 Kolinto 2:2

Kadi mono kanaka kuzaba kima yankaka ve nakati na beno, kansi Yesu Klisto kaka ikele yandi ya komwaka va kulunsi.

1 Kolinto 9:10

Keti yandi tubaka yo ve sambu na beto kaka ? E, yo sonamaka sambu na beto: Yandi ya bundula ntoto fwiti kubundulu mu vuvu, yandi ya tuta nkeni ya ble fwiti kututa mu vuvu na yandi tabaka ndambu.

2 Kolinto 4:4

Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15

2 Kolinto 4:6

Sambu na yo ikele Nzambi ya tubaka: Mwini kienzula mu mpimpa; yo kienzulaka ntima ya beto, kupesa mwini ya nzailu ya nkembo ya Nzambi na luse ya Klisto.

Ngalata 1:16

Bu yandi zolaka kuzabisa Mwana ya yandi mu mono, na mono lenda kusamuna nsamu mbote ya yandi kwa bapaien, buna mono yuvulaka ngangu na nsuni ye menga ve.

Efeso 4:13

Ti beto yonso imene kukuma ku kintuadi ya lukwikilu ye nzailu ya Mwana ya Nzambi, kwa muntu ya imene kukula, ku kitezo ya ntela ya kifulusilu ya Klisto.

Filipi 1:1

Paulu ye Timoteo, bampika ya Klisto Yesu, fidisa mbote kwa banlongo yonso mu Klisto Yesu ya ikele mu Filipi ye minkengi ye basielo.

Filipi 3:10

na mono lenda kuzaba yandi ye ngolo ya mfulukulu ya yandi ye kintuadi ya mpasi ya yandi, ye kuvanda mpilamosi yandi mu lufwa ya yandi,

Filipi 3:12

Ikele ve na mono imene kubaka keti imene kulunga yonso, kansi mono ikele kutula ngolo kubaka yo, kadi Klisto Yesu bakaka mono kibeni sambu na yo.

Filipi 3:7

Kansi mambu ya vandaka ndandu kya mono, mono ikele kutanga yo bonso mvidusu sambu na Klisto.

2 Timoteo 4:6

Kadi mono imene kutulwa va zikwa bonso nkailu, ntangu ya nkatukulu ya mono imene kwiza.

Ebeleo 3:14

Kadi beto kitula bintwadi ya Klisto, kana beto simba vuvu ya beto ya ntete ngolo ti nsuka. Eb. 3:6

1 Petelo 2:7

Kwa beno ya kwikila, yandi ikele ya ntalu, kansi kwa bayina ya konda kwikila, ditadi ya bantungi buyaka, imene kituka ditadi ya fuma, ye ditadi ya tesa sakuba ye ditadi ya kubwisa. Nk. 118:22

2 Petelo 1:2

Bika nlemvo ye yenge kwiza mingi kwa beno mu nzailu ya Nzambi ye Yesu Mfumu ya beto. 1 Pet. 1:2

2 Petelo 1:3

Kadi ngolo ya yandi ya kinzambi imene kupesa beto mambu yonso ya lunga na moyo ye vumi ya Nzambi, mu nzailu ya yandi ya bingaka beto mu nkembo ya yandi ye mbote ya yandi.

2 Petelo 1:8

Kadi kana mambu yai yonso ikele na beno ye ikele mingi, beno tavanda bumolo ve ye konda mabundu ve mu nzailu ya Mfumu ya beto Yesu Klisto.

2 Petelo 3:18

Kansi kula mu nlemvo ye nzailu ya Mfumu ya beto ye Mvulusi Yesu Klisto. Kwa yandi nkembo ntangu yai ye mvu ya mvu. Amen.

1 Yoane 1:3

Mambu ya beto monaka ye ya beto kuwaka, beto ikele kutuba yau kwa beno mpe, na beno mpe lenda kuvanda kintuadi na beto; ye kintuadi ya beto ikele na Tata ye Mwana ya yandi Yesu Klisto. Yoa. 17:21; 1 Kol. 1:9

1 Yoane 2:19

Bau katukaka nakati na beto, kansi bau vandaka ve ya beto; kana bau vandaka ya beto, bau zola kuvanda na beto, kansi bau imene kukatuka, na bau lenda kumonika, na bau yonso vandaka ve ya beto. Nk. 41:9; Bis. 20:30; 1 Kol. 11:19

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.