Filipi 3:5 - Le Nouveau Testament en Kikwango 1950

⁵ mono zengwaka na kilumbu ya nana, muntu ya Isaeli mu kikanda ya Benjamini, Ebeleo mu baEbeleo, mu nsiku mono ikele mufalisi, 1 Mose 17:17; Bis. 22:3; Lom. 11:1; 2 Kol. 11:22

Filipi 3:5 Iomraidhean Croise

Luka 1:59

Yo vandaka mu kilumbu ya nana, bau kwizaka kuzenga mwana, bau bingaka yandi Zakalia, nkumbu ya tata ya yandi, 1 Mose 17:12

Luka 2:21

Bu bilumbu nana lungaka sambu na kuzenga yandi, nkumbu ya yandi bingwaka YESU, yina ya wanjo tubaka ntete ngudi ya yandi yimitaka yandi. Mat. 1:25

Luka 5:38

Kansi vinia yampa fwiti kutulwa mu makuba yampa.

Bisalu Ya Bantumwa 22:3

Mono ikele muYuda ya butukaka mu Talaso mu Kilikia, kansi mono kulaka mu mbanza yai na makulu ya Ngamalieli, mono longwaka bonso bifu mu nsiku ya batata ya beto, mono vandaka kikesa kwa Nzambi bonso beno ikele kilumbu yai. Bis. 5:34; 8:3; 26:9; Lom. 10:2; 2 Kol. 11:22; Ngal. 1:14

Bisalu Ya Bantumwa 23:6

Bu Paulu zabaka na ndambu yankaka ikele basaduki ye ndambu yankaka ikele bafalisi, yandi bokaka nakati bamfundisi: Bampangi, mono ikele mufalisi, ye mwana ya mufalisi. Bau imene kufunda mono sambu na vuvu ya mfulukulu ya bafwa. Bis. 24:15, 21; 26:5; Fili. 3:5

Bisalu Ya Bantumwa 6:1

Mu bilumbu yina bu ntalu ya banlonguki ikele kwiza mingi, baYuda ya Elene vandaka na kimbeni na baEbelo sambu na bafwola ya bau bakaka makabu ve ya kilumbu na kilumbu.

Loma 11:1

Buna mono tuba: Nzambi kulaka bantu ya yandi ? Mpilayai ve! Kadi mono mpe ikele muIsaeli mu nkuna ya Abalahami, ye mu kikanda ya Benjamini. 5 Mose 4:31; Nk. 94:14; 1 Sam. 12:12; Fili. 3:5

2 Kolinto 11:22

Bau ikele baEbeleo ? Mono mpe. Bau ikele baIsaeli ? Mono mpe. Bau ikele nkuna ya Abalahami ? Mono mpe. Bis. 22:3; Fili. 3:5