Filipi 3:20 - Le Nouveau Testament en Kikwango 1950

²⁰ Kadi kisi ya beto ikele mu zulu, tuka kuna beto ikele kuvingila Mvulusi, ikele Mfumu Yesu Klisto. 1 Kol. 1:7; Ef. 2:6; Kolo. 3:3; 1 Tes. 1:10; Eb. 13:14

Filipi 3:20 Iomraidhean Croise

Matai 19:21

Yesu tubaka kwa yandi: Kana nge zola kuvanda ya lunga, kwenda kuteka yina ya ikele na nge, ye pesa yau kwa bansukami, ye nge tavanda na bima ya ntalu mu zulu, ye kwiza kulanda mono. Mat. 6:19; Luk. 12:33

Luka 12:21

Mpilayai ikele yandi ya dilundila bima, kansi ya ikele na kimvwama ve kwa Nzambi. 1 Tim. 6:17

Luka 14:14

Kiese tavanda na nge, kadi bau ikele na kima ve kuvutudila nge; kadi nge tavutudilwa mu mfulukulu ya balunungu.

Bisalu Ya Bantumwa 1:11

Bau tubaka: Beno bantu ya Ngalili, sambu na nki beno telema ye tala ku zulu ? Yesu yai ya bakwaka ku zulu tuka beno, tavutuka mpilamosi beno monaka yandi kwenda ku zulu.

1 Kolinto 1:7

na beno bika nanima ve mu matabisi ya nlemvo ta fioti ve, kuvingila nzaikusu ya Mfumu ya beto Yesu Klisto. Luk. 12:36; Fili. 3:20; 2 Tim. 4:8; Tit. 2:13

1 Kolinto 15:48

Bonso yina ya kintoto, buna ikele mpe bau ya kintoto; bonso yina ya kizulu, buna ikele mpe bau ya kizulu. 1 Mose 3:19, 22

2 Kolinto 4:18

bu beto tala ve bima ya ikele kumonika, kansi yina ya lenda ve kumonika, kadi yina ya ikele kumonika ikele kuvanda ntangu fioti, kansi yina ya lenda ve kumonika ikele mvu ya mvu. Lom. 8:24

2 Kolinto 5:8

Kansi beto ikele na kikesa, ye beto luta zola kukatuka na nitu ye kwenda kuvanda na Mfumu. Fili. 1:23

Ngalata 4:26

Kansi Yelusalemi ya ikele na zulu ikele ya pwanza, yai ikele ngudi ya beto.

Efeso 2:19

Mpilayai beno ikele banzenza ye bantambudi diaka ve, kansi beno ikele bisi sikamosi na banlongo ye bantu ya nzo ya Nzambi. Fili. 3:20

Efeso 2:6

Yandi fulukisaka beto sikamosi na yandi, ye vandisaka beto sikamosi na yandi mu zulu, mu Klisto Yesu,

Filipi 1:10

na beno lenda kuzaba mambu yonso ya lunga, ye beno lenda kuvanda ya vedila ye konda tesisa sakuba ti kilumbu ya Klisto, Lom. 12:2; 1 Kol. 10:32

Filipi 1:27

Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

Kolosai 1:5

sambu na vuvu ya ikele kulundilwa beno mu mazulu, ya beno kuwaka ntete mu kieleka ya nsamu mbote.

1 Tesalonika 1:10

Ye kuvingila Mwana ya yandi tuka zulu, ya yandi fulukiswaka tuka bafwa, ikele Yesu ya vulusaka beto tuka makasi ya ikele kwiza.

1 Tesalonika 4:16

Kadi Mfumu yandi kibeni takulumuka tuka zulu na mbokolo ya ngolo, ye ndinga ya nkuluntu ya banjo ye na mpungi ya Nzambi, buna bafwa mu Klisto tatelema ntete. Mat. 24:31; 2 Tes. 1:7

2 Timoteo 4:8

Ntangu yai koloa ya lunungu ikele kulundwa sambu na mono, Mfumu, mfundisi ya lunungu tapesa yo kwa mono mu kilumbu yina, kwa mono kaka ve, kansi kwa bau yonso ya zola kuvutuka ya yandi. 1 Kol. 9:25; Yak. 1:12; 1 Pet. 5:4

Tito 2:13

bu beto vingila vuvu ya kiese, ye kumonika ya nkembo ya Nzambi ya nene, ye Mvulusi ya beto Klisto Yesu. 1 Kol. 1:7; Fili. 3:20

Ebeleo 12:22

Kansi beno imene kwiza kwa mongo ya Sioni ye kwa mbanza ya Nzambi ya ikele na moyo, ikele Yelusalemi ya Zulu, ye kwa kibuka ya banjo ya konda kutangwa, Ngal. 4:26; Nzai. 3:12; 12:2, 10

Ebeleo 9:28

buna Klisto mpe, bu yandi peswaka va zikwa mbala mosi kunata masumu ya bantu mingi, yandi tamonika mbala ya zole mu kukatula ya masumu ve, kansi kuvulusa bau ya vingila yandi. Mat. 26:28; Lom. 5:6, 9; 1 Pet. 3:18

Nzaikulu 1:7

Tala, yandi ikele kwiza mu matuti, meso yonsi tamona yandi, ye bau ya bulaka yandi dionga, ye makanda yonso ya ntoto tadila sambu na yandi. Yo ikele mpilayai. Amen Dan. 7:13; Zak. 12:10; Mat. 24:30; 26:64; Yoa. 19:37