Filipi 3:2 - Le Nouveau Testament en Kikwango 1950

² Beno dikeba sambu na bambwa; dikeba sambu na basadi ya mbi, dikeba sambu na bazengi. 2 Kol. 11:13

Filipi 3:2 Iomraidhean Croise

Matai 24:10

Buna bantu mingi tasakuba, ye tayekulana, ye tavandana na kimbeni.

Matai 7:15

Dikeba sambu na bambikudi ya luvunu, ya kwiza kwa beno mu mvwatu ya mameme, kansi nakati bau ikele bambizi ya makasi. Mika 3:5; 2 Tim. 3:5

Matai 7:6

Pesa yina ya ikele nlongo kwa bambwa ve, mpe losa ve matadi nzimbu ya beno nantwala ya bangulu, kadi bau tadiata yau nansi ya bitambi ya bau ye pinduka ye lwadisa beno.

Loma 2:28

Kadi yandi ikele muYuda ve ya monika mpilayina, mpe yo ikele ya nzengolo ve ya monika mpilayina mu nsuni; Yoa. 8:39; Ngal. 6:15

2 Kolinto 11:13

Kadi bantu mpilayai ikele bantumwa ya luvunu, ye basadi ya lukusu, bau ikele kukitula bonso bantumwa ya Klisto. Fili. 3:2

Ngalata 5:13

Bampangi, beno bingwaka sambu na kimpwanza, kansi sala kimpwanza ya beno pesa nzila kwa nsuni ve, kansi sadilana mu zola. 1 Kol. 8:9; 9:19; Ngal. 6:1

Ngalata 5:15

Kansi kana beno tatikana ye kudiana, tomatala na beno manisana ve.

Ngalata 5:6

Kadi mu Klisto Yesu nzengolo keti konda nzengolo ikele na mfunu ve, kansi lukwikilu ya ikele kusala mu zola. 1 Kol. 7:19; 13:1; Ngal. 6:15

Filipi 3:19

Nsuka ya bau ikele lufwa, nzambi ya bau ikele divumu, nkembo ya bau ikele mu mambu ya nsoni ya bau, mabanza ya bau ikele mu bima ya ntoto.

Filipi 3:3

Kadi beto ikele ya nzengolo, ya sambila mu Mpeve ya Nzambi ye yana mu Klisto Yesu ye tula vuvu ve mu nsuni. 5 Mose 10:16; Yoa. 4:23; Lom. 2:29

1 Timoteo 1:19

bu nge ikele kukeba lukwikilu ye kansansa ya mbote; bankaka imene kulosa yau, ye imene kuvidisa lukwikilu ya bau.

Tito 1:16

Bau tuba bau zaba Nzambi; kansi na bisalu ya bau, bau ikele kubuya yandi, bau ikele mbi ye kolama, bau lenda ve kusala mambu ya mbote, tafioti. 2 Tim. 3:5; Yud. 4

2 Petelo 2:22

Mambu kwizaka kwa bau bonso kingana ya kieleka: Mbwa vutuka ku biluku ya yandi ye ngulu ya yobilaka kulala mu potopoto. Bing. 26:11

Yuda 1:4

Kadi bantu yankaka kotaka mu kinsweki, bantu yai sonamaka ntete ku mbedoso yai. Bau kondaka vumi ya Nzambi, ye kitulaka nlemvo ya Nzambi bonso mambu ya nsoni, ye buyaka Nyadi ya beto mosi kaka, ikele Mfumu Yesu Klisto.

Nzaikulu 2:9

Mono zaba mpasi ya nge ye kinsukami ya nge, kansi nge ikele mvwama, ye mono zaba mafingu ya bau ya tuba bau ikele baYuda, kansi bau ikele ve, kansi bau ikele nzo ya sambilu ya Satana. Yoa. 8:39, 44; Lom. 2:28; 2 Kol. 6:10; 8:9

Nzaikulu 21:8

Kansi bau ya ikele na boma, ye ya konda lukwikilu, ye ya sala masumu, ye bafwi ya bantu, ye bankwa bizumba, ye bankwa kindoki, ye basambidi ya biteki, ye bankwa luvunu yonso, sika ya bau tavanda mu zanga ya lema, na tiya ye solofo, yai ikele lufwa ya zole. 1 Kol. 6:9; Ngal. 5:21; Ef. 5:6; Nzai. 20:10, 14; 22:15

Nzaikulu 22:15

Kansi nanganda ikele bambwa ye bankwa kindoki ye bankwa bizumba ye bafwi ya bantu ye bansambidi ya biteki ye yonso ya zola ye sala luvunu. Mat. 7:6; 1 Kol. 6:9; Fili. 3:2; Nzai. 21:8

Nzaikulu 3:9

Tala, mono tapesa kwa bankaka ya nzo ya sambilu ya Satana, bau ya tuba bau ikele baYuda kansi bau ikele mpilayai ve, kansi bau ikele kukusa; mono tatula bau kwiza ye sambila na makulu ya nge, ye zaba na mono imene kuzola nge. Nzai. 2:9