Filipi 3:15 - Le Nouveau Testament en Kikwango 1950

¹⁵ Mpilayai, bika beto yonso ya lunga, vanda na mabanza mosi. Kana mu mambu yankaka beno ikele na mabanza yankaka, buna Nzambi tazabisa beno yai mpe.

Filipi 3:15 Iomraidhean Croise

Matai 5:48

Sambu na yai beno vanda ya lunga, bonso Tata ya beno mu zulu ikele ya lunga. 3 Mose 11:44; 19:2; 20:7, 26

Luka 11:13

Mpilayai kana beno ya ikele mbi, zaba kupesa bana ya beno matabisi mbote, buna Tata ya beno ya ikele mu zulu taluta kupesa Mpeve Yanlongo kwa bau ya lomba yandi.

Yoane 6:45

Yo ikele kusonama mu bambikudi: Bau yonso talonguka kwa Nzambi. Konsomuntu ya kuwa ye ya longuka kwa Tata, yandi ikele kwiza kwa mono. Yes. 54:13; Yel. 31:34; Yoa. 1:18; 1 Tes. 4:9; Eb. 1:8, 10

Yoane 7:17

Kana muntu zola kusala luzolo ya yandi, yandi tazaba malongi, kana yo katuka na Nzambi, keti mono tuba mu mono kibeni.

Loma 15:1

Beto ya ikele ngolo fwiti kunata kimbevo ya bankwa lebakana, ye beto diyangidisa ve. 1 Kol. 9:22; Ngal. 6:1

1 Kolinto 14:20

Bampangi, vanda ve bonso bana mu mabanza, kansi mu mambu ya mbi vanda bonso bana fioti, kansi mu mabanza vanda ya kula.

1 Kolinto 2:6

Kansi beto ikele kutuba ngangu kwa bau ya imene kukula, kansi ngangu ya nsi yai ve, keti na banyadi ya nsi yai ya ikele kwiza mpamba. Yak. 3:15

Ngalata 5:10

Mono ikele na vuvu mu Mfumu sambu na beno, na beno tabaka mabanza yankaka ve, kansi konsonani ya monisa beno mpasi tanata mfundusu ya yandi.

Efeso 1:17

Na Nzambi ya Mfumu ya beto Yesu Klisto, Tata ya nkembo, lenda kupesa beno Mpeve ya ngangu ye ya nzaikusu, na beno lenda kuzaba yandi mbote.

Kolosai 1:28

Beto ikele kusamuna yandi bu beto ikele kusemba bantu yonso ye kulonga bantu yonso mu ngangu yonso, na beto lenda kutula bantu ya lunga mu Klisto. 2 Kol. 11:2

Kolosai 4:12

Epafala fidisa beno mbote, yandi ikele mosi ya beno, sielo ya Klisto Yesu, ya tula ngolo mu lombilu sambu na beno ntangu yonso, na beno lenda kutelema ya lunga ye zaba mbote luzolo yonso ya Nzambi.

1 Tesalonika 4:9

Beno ikele nsatu ve na muntu sonika kwa beno sambu na zola ya kimpangi, sambu na Nzambi ikele kulonga beno kibeni kuzolana, Yoa. 13:34; 15:12; 1 Pet. 4:8; 1 Yoa. 3:11; 4:21

2 Timoteo 3:17

na muntu ya Nzambi lenda kuvanda ya lunga, ye ya toma yidikwa mu bisalu yonso ya mbote. 2 Tim. 2:21

Ebeleo 5:14

kansi madia ya ngolo ikele kwa bau ya imene kukula, ikele bau ya sadila mabanza ya bau zaba mambu ya mbote ye ya mbi.

1 Yoane 2:5

Kansi konsonani ya keba mambu ya yandi, mu yandi kieleka zola ya Nzambi imene kulunga. Sambu na yai, beto zaba beto ikele mu yandi. Yoa. 14:21, 23