Filipi 3:11 - Le Nouveau Testament en Kikwango 1950

¹¹ buna kana mono lenda, mono takuma ku mfulukulu ya bafwa.

Filipi 3:11 Iomraidhean Croise

Luka 14:14

Kiese tavanda na nge, kadi bau ikele na kima ve kuvutudila nge; kadi nge tavutudilwa mu mfulukulu ya balunungu.

Yoane 11:24

Malata tubaka kwa yandi: Mono zaba, na yandi tafulukiswa diaka mu mfulukulu ya kilumbu ya nsuka. Luk. 14:14; Yoa. 5:29

Bisalu Ya Bantumwa 23:6

Bu Paulu zabaka na ndambu yankaka ikele basaduki ye ndambu yankaka ikele bafalisi, yandi bokaka nakati bamfundisi: Bampangi, mono ikele mufalisi, ye mwana ya mufalisi. Bau imene kufunda mono sambu na vuvu ya mfulukulu ya bafwa. Bis. 24:15, 21; 26:5; Fili. 3:5

Bisalu Ya Bantumwa 26:7

Ye makanda ya beto kumi ye zole sadila Nzambi mu mpimpa ye ntangu, sambu na bau ikele na vuvu kubaka nsilulu yina. O ntinu, sambu na vuvu yai, baYuda imene kufunda mono. Bis. 24:15

Bisalu Ya Bantumwa 27:12

Sambu na dibungu yina vandaka mbote ve kuvanda mu nsungi ya madidi, bau mingi zolaka katuka kuna, ye sosa kukuma ku Fenike ya ikele dibungu ya Klete sika ya tala sude-weste ye nodeweste, kuvanda kuna ti nsungi ya madidi imene.

Loma 11:14

kana mono lenda kutelemisa kimpala mu bau ya ikele nsuni ya mono, ye vulusa bankaka ya bau. Lom. 9:3; 1 Kol. 9:22; 1 Tim. 4:16

1 Kolinto 15:23

kansi muntu na muntu na ndonga, Klisto ya ntete, nanima bau ya Klisto bu yandi kwiza, 1 Tes. 4:15

1 Kolinto 9:22

Kwa bau ya lebakana, mono kwiza lebakana, na mono lenda kubaka bau ya lebakana. Kwa bantu yonso mono kwiza mambu yonso, kana mpilayai mono lenda kuvulusa bankaka. Lom. 14:15; 15:1

1 Kolinto 9:27

kansi mono ikele kunwana na nitu ya mono, ye yala yo, na yo tavanda ve, kana mono imene kusamuna kwa bankaka, mono kibeni taloswa.

2 Kolinto 11:3

Kansi mono ikele na boma, keti bonso nioka kusaka Eva mu mayele ya yandi, buna mabanza ya beno tabiviswa ye katuka na kwikama mu Klisto. 1 Mose 3:4; Yoa. 8:44; 10:12—11:12

1 Tesalonika 3:5

Kadi na yai mono mpe, bu mono lendaka kuvibidila diaka ve, mono fidisaka ntumwa sambu na kuzaba lukwikilu ya beno, keti kana mpukumuni kupukumuna beno, ye kisalu ya beto imene kwiza mpamba.

2 Tesalonika 2:3

Bika muntu kusa beno na kima mosi ve, kadi yo takwiza ve ti bantu mingi imene kukatuka na mambu ya Nzambi, ye muntu yina ya masumu, mwana ya lufwa imene kumonikiswa, Mat. 24:23; 1 Tim. 4:1; 1 Yoa. 2:18

2 Timoteo 4:8

Ntangu yai koloa ya lunungu ikele kulundwa sambu na mono, Mfumu, mfundisi ya lunungu tapesa yo kwa mono mu kilumbu yina, kwa mono kaka ve, kansi kwa bau yonso ya zola kuvutuka ya yandi. 1 Kol. 9:25; Yak. 1:12; 1 Pet. 5:4

Ebeleo 11:35

Bankento bakaka bafwa ya bau mu mfulukulu, bankaka moniswaka mpasi mingi, kansi bau zolaka ve mpulusu, na bau lenda kubaka mfulukulu ya luta mbote.

Nzaikulu 20:5

Bau ya bika mu bafwa vandaka na moyo diaka ve ti mvu funda mosi lunga. Yai ikele mfulukulu ya ntete. Yes. 26:14