Filipi 3:10 - Le Nouveau Testament en Kikwango 1950

¹⁰ na mono lenda kuzaba yandi ye ngolo ya mfulukulu ya yandi ye kintuadi ya mpasi ya yandi, ye kuvanda mpilamosi yandi mu lufwa ya yandi,

Filipi 3:10 Iomraidhean Croise

Matai 20:23

Yandi tubaka kwa bau: Kieleka, beno takunwa kopo ya mono, kansi kuvanda na diboko kibakala ya mono ye diboko kinkento ya mono, ikele mambu ya mono ve kupesa yo, kansi kwa bau ya yidikwa yo na Tata ya mono.

Yoane 10:18

Muntu lenda ve kukatula yo na mono. Kansi mono mosi pesa yo. Mono ikele na ngolo kupesa yo, ye mono ikele na ngolo kubaka yo diaka. Nsikudukusu yai mono bakaka na Tata ya mono.

Yoane 17:3

Yai ikele moyo ya mvu ya mvu, na bau tazaba nge Nzambi mosi kaka ya kieleka; ye yandi ya nge fidisaka Yesu Klisto.

Loma 8:17

Kana beto ikele bana, buna beto ikele bamvingidi ya difwa mpe, bamvingidi ya difwa ya Nzambi, ye bamvingidi ya difwa sikamosi na Klisto; kana yo ikele na beto mona mpasi sikamosi na yandi, beto lenda kukembiswa sikamosi na yandi mpe. Bis. 14:22; Ngal. 4:7

Loma 8:29

Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.

Loma 8:36

Bonso yo ikele kusonama; Sambu na nge beto ikele kufwa lumbu yamvimba, beto ikele kutangwa bonso mameme ya ikele sambu na kufwa. 2 Kol. 4:11

2 Kolinto 1:10

Yandi ya vulusaka beto tuka lufwa yina ya nene, yandi tavulusa beto; mu yandi beto imene kutula vuvu ya beto, na yandi tavulusa beto diaka. 2 Tim. 4:18

2 Kolinto 1:5

Kadi bonso mpasi ya Klisto ikele mingi mu beto, buna mbombolo ya beto ikele mingi mu Klisto. Kolo. 1:24; 2 Kol. 4:10; Nk. 34:19; 94:19

2 Kolinto 13:4

Kadi yandi komwa va kulunsi mu lebakana, kansi yandi ikele na moyo mu ngolo ya Nzambi. Kadi beto mpe ikele lebakana mu yandi, kansi beto tavanda na moyo na yandi mu ngolo ya Nzambi kwa beno.

Ngalata 2:20

Mono komwaka va kulunsi sikamosi na Klisto; yo ikele mono diaka ve ya ikele na moyo, kansi Klisto ikele na moyo mu mono; moyo ya ikele na mono ntangu yai mu nsuni, ikele na mono mu lukwikilu mu Mwana ya Nzambi ya zolaka mono ye dipesaka sambu na mono. Ef. 5:2; Tit. 2:14

Ngalata 6:17

Tuka na ntangu yai, bika muntu monisa mono mpasi ve, kadi mu nitu ya mono, mono ikele kunata kidimbu ya Yesu.

Efeso 4:13

Ti beto yonso imene kukuma ku kintuadi ya lukwikilu ye nzailu ya Mwana ya Nzambi, kwa muntu ya imene kukula, ku kitezo ya ntela ya kifulusilu ya Klisto.

Filipi 3:8

Kieleka, mono ikele kutanga mambu yonso bonso mvidusu sambu na nzailu ya luta mbote ya Klisto Yesu, Mfumu ya mono, sambu na yandi mono vidisaka mambu yonso, mono ikele kutanga yo bonso kima ya sumuka na mono lenda kubaka Klisto ndandu,

Kolosai 1:24

Ntangu yai mono ikele kuyangalala mu bampasi ya mono sambu na beno ye mono ikele kulungisa mu nsuni ya mono yina ya konda mu mpasi ya Klisto sambu na nitu ya yandi ya ikele dibundu. 2 Kol. 1:5; 4:10; Ef. 3:13; Fili. 1:29; 2:17

Kolosai 2:13

Beno mpe bu beno kufwaka mu ntulumunu ya beno ye mu konda nzengolo ya nsuni ya beno, yandi pesaka beno moyo sikamosi na yandi, bu yandi vidisaka beno kufwa nsiku yonso. Ef. 2:1; 5:11

Kolosai 3:1

Mpilayai kana beno fulukiswaka na Klisto, sosa bima ya ikele mu zulu, sika ya Klisto ikele va diboko kibakala ya Nzambi. Nk. 110:1; Fili. 3:20

1 Petelo 1:3

Bika Nzambi ya Tata ya Mfumu ya beto Yesu Klisto sakumunwa, mu nkenda ya yandi ya nene yandi butaka beto mbutulu yampa, ku vuvu ya moyo mu mfulukulu ya Yesu Klisto tuka bafwa, Ef. 1:3; Tit. 3:5

2 Petelo 1:13

Kansi mono banza yo lunga, bu mono ikele mu nzo yai ya lele, kusikimisa beno, bu mono bambukisa beno. 2 Pet. 3:1

1 Yoane 2:3

Mu mambu yai beto zaba na beto zaba yandi, kana beto keba bansikudukusu ya yandi.

1 Yoane 2:5

Kansi konsonani ya keba mambu ya yandi, mu yandi kieleka zola ya Nzambi imene kulunga. Sambu na yai, beto zaba beto ikele mu yandi. Yoa. 14:21, 23

Nzaikulu 1:18

Ye mono ikele Nkwa moyo, mono vandaka ya kufwa, ye tala, mono ikele na moyo mvu ya mvu, ye mono ikele na nsabi ya lufwa ye ya sika ya bafwa.