Filipi 2:8 - Le Nouveau Testament en Kikwango 1950

⁸ Yandi monwaka mu kifwani bonso muntu, yandi dikulumusaka ye lemvukaka ti lufwa, e, ikele lufwa ya kulunsi. Mat. 26:42; Yoa. 10:17; Eb. 2:9; 5:8; 12:2

Filipi 2:8 Iomraidhean Croise

Matai 17:2

Yandi kitukaka nantwala na bau, luse ya yandi tentinaka bonso ntangu, mvwatu ya yandi kwizaka mpembe bonso mwini.

Matai 26:39

Yandi kwendaka ndambu nantwala ye fukamaka va luse ya yandi, ye lombaka, kutuba: Tata ya mono, kana yo lenda, bika kopo yai luta mono. Kansi bonso mono zola ve, kansi bonso nge zola. Yoa. 6:38; Eb. 5:7

Matai 26:42

Yandi kwendaka diaka mbala ya zole, ye lombaka, kutuba: Tata ya mono, kana yo lenda kuluta ve, kansi mono fwiti kunwa yo, bika luzolo ya nge kusalwa.

Luka 9:29

Bu yandi vandaka kulomba, luse ya yandi kitukwaka ye mvwatu ya yandi kwizaka mpembe ye kenzima.

Yoane 10:18

Muntu lenda ve kukatula yo na mono. Kansi mono mosi pesa yo. Mono ikele na ngolo kupesa yo, ye mono ikele na ngolo kubaka yo diaka. Nsikudukusu yai mono bakaka na Tata ya mono.

Yoane 14:31

Kansi na nsi lenda kuzaba, mono zola Tata ye bonso Tata pesaka mono nsikudukusu, mpilayai mono sala. Telema, beto kwenda, kuna. Yoa. 10:18; Mat. 26:46; Mal. 14:42

Yoane 15:10

Kana beno lunda nsikudukusu ya mono, beno tavanda mu zola ya mono, bonso mono lundaka nsikudukusu ya Tata ya mono ye vanda mu zola ya yandi. Yoa. 14:15

Yoane 4:34

Yesu tubaka kwa bau: Madia ya mono ikele kusala luzolo ya yandi ya fidisaka mono, ye kumanisa kisalu ya yandi. Yoa. 5:30; 6:38; 17:4

Bisalu Ya Bantumwa 8:33

Mu kulumusa ya yandi mfundusu ya yandi katulwa, nani lenda kusamuna mbandu ya yandi ? Kadi moyo ya yandi ikele kukatulwa tuka ntoto.

Loma 5:19

Kadi bonso bantu mingi kwizaka bankwa masumu mu nkolomono ya muntu mosi, buna mpe bantu mingi takwiza bankwa lunungu mu lemvuka ya muntu mosi.

2 Kolinto 8:9

Kadi beno zaba nlemvo ya Mfumu ya beto Yesu Klisto, bu yandi vandaka mvwama, yandi kitukaka nsukami sambu na beno, na beno lenda kuvanda mvwama sambu na kinsukami ya yandi. Mat. 8:20; Fili. 2:6

Ngalata 3:13

Klisto imene kuvulusa beto tuka ndola ya nsiku, bu yandi ditulaka ndola sambu na beto, kadi yo ikele kusonama: Ndola ikele va konsonani ya bangwa va nti. 4 Mose 21:23; Ngal. 4:5

Tito 2:14

Yandi ya dipesaka sambu na beto, na yandi lenda kuvulusa beto tuka na mambu ya mbi yonso, ye kuyidika beto kuvanda bantu ya yandi kibeni, ya vibidila mu bisalu ya mbote. 2 Mose 19:6; Ngal. 1:4; 2:20; Ef. 2:10; 5:2; 1 Tim. 2:6; Eb. 9:14

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Ebeleo 12:4

Kadi ti ntangu yai beno nwanaka na masumu ve ti menga basika. 1 Kol. 10:13

1 Petelo 2:24

Yandi kibeni nataka masumu ya beto, mu nitu ya yandi va nti, buna bu beto imene kufwa kwa masumu ya beto, beto lenda kuvanda na moyo ku lunungu, sambu na kubula ya yandi beto imene kubelulwa. Yes. 53:5; Lom. 6:1

1 Petelo 3:18

Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28