Filipi 2:6 - Le Nouveau Testament en Kikwango 1950

⁶ Yandi vandaka mu nitu ya Nzambi, kansi banzaka yo ikele kima ya kukeba ve, kuvanda mutindu mosi na Nzambi, Yoa. 1:1; 17:5; 2 Kol. 4:4; Kolo. 1:15; Eb. 1:3

Filipi 2:6 Iomraidhean Croise

Matai 1:23

Tala, nkento ya imene kuzaba bakala ve tavanda na divumu ye tabuta mwana bakala; bau tabinga nkumbu ya yandi Emanueli, tendula ya yo ikele yai: Nzambi ikele na beto.

Yoane 1:18

Muntu imene kumona Nzambi ve ta mbala mosi; Mwana mosi kaka ya vandaka na ntulu ya Tata, yandi imene kuzaisa yandi. Mat. 11:27; Luk. 10:22; Yoa. 6:46; 1 Tim. 6:16

Yoane 10:30

Mono ye Tata ikele mosi. Yoa. 17:11, 22

Yoane 10:33

BaYuda vutulaka kwa yandi: Sambu na kisalu ya mbote, beto losa nge matadi ve, kansi sambu na kutuba mbi, ye sambu na nge ikele muntu, ya dikitula Nzambi.

Yoane 10:38

Kansi kana mono sala yau, kana beno kwikila mono ve, kwikila bisalu yai, na beno lenda kuzaba ye kubakisa na Tata ikele mu mono, ye mono mu Tata. Yoa. 14:10; 17:21

Yoane 14:28

Beno imene kuwa bu mono tubaka kwa beno: Mono takatuka ye mono takwiza kwa beno diaka. Kana beno zolaka mono, beno imene kuyangalala sambu na mono ikele kwenda kwa Tata, kadi Tata luta mono nene. Yoa. 10:29

Yoane 14:9

Yesu tubaka kwa yandi: Ntangu mingi mono vandaka na beno ye nge zaba mono ve, Filipo ? Yandi ya mona mono, imene kumona Tata. Mpila nki nge tuba: Songa beto Tata ? Yoa. 12:45

Yoane 17:5

Ntangu yai, Tata, kembisa mono sikamosi na nge kibeni, na nkembo ya mono vandaka na yo sikamosi na nge, ntete nsi vandaka.

Yoane 20:28

Toma vutulaka ye tubaka kwa yandi: Mfumu ya mono ye Nzambi ya mono.

Yoane 5:18

Sambu na mambu yai, baYuda luta kusosa kufwa yandi, sambu na yandi kufwaka nsiku ya lumbu ya luvundu, ye yandi mpe bingaka Nzambi, Tata ya yandi, yandi ikele dikitula mpilamosi Nzambi.

Yoane 5:23

Na bantu yonso tazitisa Mwana, bonso bau zitisa Tata. Konsomuntu ya zitisa Mwana ve, ikele kuzitisa Tata ve, ya fidisaka yandi.

Loma 9:5

batata ikele tuka baIsaeli ya basisaka Klisto mu nsuni, ya ikele va zulu ya bima yonso; Nzambi sakumunwa mvu ya mvu. Amen.

2 Kolinto 4:4

Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15

2 Kolinto 8:9

Kadi beno zaba nlemvo ya Mfumu ya beto Yesu Klisto, bu yandi vandaka mvwama, yandi kitukaka nsukami sambu na beno, na beno lenda kuvanda mvwama sambu na kinsukami ya yandi. Mat. 8:20; Fili. 2:6

1 Timoteo 1:17

Kwa ntinu ya mvu ya mvu, ya lenda kufwa ve, ya ikele kumonika ve, Nzambi mosi kaka, kwa yandi nzitusu ye nkembo mvu ya mvu. Amen. Lom. 16:27; 1 Tim. 6:16

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.

Tito 2:13

bu beto vingila vuvu ya kiese, ye kumonika ya nkembo ya Nzambi ya nene, ye Mvulusi ya beto Klisto Yesu. 1 Kol. 1:7; Fili. 3:20

Ebeleo 1:3

yandi ikele ntentina ya nkembo ya Nzambi, ye kifwani ya mutindu ya yandi, ye yandi simba bima yonso mu ndinga ya ngolo ya yandi. Buna, bu yandi manisaka kuvedisa masumu, yandi vandaka na diboko kibakala ya Nkwa nene mu zulu. Nk. 110:1; Eb. 8:1

Ebeleo 1:6

Bu yandi twala diaka mwana ya yandi ya mbuta mu nsi, yandi tuba: Banjo yonso ya Nzambi, bika bau kusambila yandi.

Ebeleo 1:8

Kansi sambu na Mwana yandi tuba: Kiti ya nge ya nkembo, O Nzambi, ikele kuvanda mvu ya mvu, ye nkawa ya kintinu ya nge ikele nkawa ya lunungu. Nk. 45:6

Ebeleo 13:8

Yesu Klisto ikele mutindu mosi mazono ye bubu ye mvu ya mvu.

Nzaikulu 21:6

Yandi tubaka kwa mono: Imene kusalwa. Mono ikele Alafa ye Omega, luyantiku ye nsuka. Mono tapesa kwa yandi ya ikele na kiwini kunwa na nto ya masa ya moyo na kufuta ve. Yes. 44:6; 55:1; Yoa. 7:37; Nzai. 16:17; 19:9; 22:6, 17