Filipi 2:30 - Le Nouveau Testament en Kikwango 1950

³⁰ kadi sambu na kisalu ya Klisto yandi vandaka, mfinama kulufwa, bu yandi pesaka moyo ya yandi kulungisa yina ya konda mu kisielo ya beno kwo mono. 1 Kol. 16:17

Filipi 2:30 Iomraidhean Croise

Bisalu Ya Bantumwa 20:24

Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3

Loma 16:4

Bau zolaka kupesa malaka ya bau sambu na moyo ya mono; mono kaka ve pesa matondo kwa bau, kansi mabundu yonso ya bapaien mpe.

1 Kolinto 15:53

Kadi mbivisu yai fwiti kuvwata ya konda mbivisu, ye kufwa yai fwiti kuvwata ya konda kufwa. 2 Kol. 5:3

1 Kolinto 16:10

Kana Timoteo kwiza, tala na yandi vanda na beno na boma ve, kadi yandi sala kisalu ya Mfumu bonso mono sala mpe.

1 Kolinto 16:17

Mono yangalala sambu na Stefana ye Fotunato ye Akaiko imene kwiza, kadi bau imene kulungisa yina ya beno konda,

2 Kolinto 12:15

Mu kiese mingi mono takwiza ye dipesa sambu na miela ya beno. Kana mono luta kuzola beno, buna mono ikele kuzolwa na beno luta fioti ? Kolo. 1:24; 2 Tim. 2:10

2 Kolinto 4:12

Buna lufwa ikele kusala mu beto, kansi moyo mu beno.

Filipi 2:17

Kansi kana moyo ya mono tatulwa bonso nkailu ya zikwa sambu na lukwikilu ya beno, mono ikele na kiese ye yangalala sikamosi na beno yonso. 1 Tes. 2:8; 2 Tim. 4:6

Filipi 2:27

Kadi kieleka yandi vandaka mfinama kulufwa, kansi Nzambi kuwilaka yandi nkenda, yandi kaka ve kansi mono mpe, na mono tabaka ntantu ve va zulu na ntantu.

Filipi 4:10

Mono yangalala mingi mu Mfumu sambu na ntangu yai beno bambuka mono diaka. Beno bambukaka mono ntete, kansi beno bakaka nzila ve kusala mambu.

Filipi 4:18

Mono ikele na bima yonso ye bima ya lunga, mono imene kufuluka, bu mono bakaka bima na Epafolodito ya beno fidisaka mono, nsunga mbote, nkailu ya zikwa ya lunga ye zolakana kwa Nzambi. Ef. 5:2; Eb. 13:16

Filemoni 1:13

Mono zolaka mingi yandi kubika awa na mono, kusadila mono mu sika ya nge, mu minyololo ya nsamu mbote,

Nzaikulu 12:11

Bau lutaka yandi ngolo sambu na menga ya Mwana Dimeme ye sambu na mambu ya kitemo ya bau, bau zolaka moyo ya bau ve ti lufwa. Nzai. 7:14; 6:9