Filipi 2:3 - Le Nouveau Testament en Kikwango 1950

³ beno sala mambu ve mu ntembe keti mu nkembolo ya mpamba, kansi mu kudikulumusa, bika muntu na muntu banza yandi kibeni ikele fioti ye bankaka luta nene. Loma 12:10; 1 Pet. 5:5; Ef. 5:21

Filipi 2:3 Iomraidhean Croise

Luka 18:14

Mono tuba kwa beno: Muntu yai kulumukaka ku nzo ya yandi ya nungiswa, kansi yina yankaka ve. Kadi konso muntu ya ditombola, takulumuswa; ye yandi ya dikulumusa, tatombolwa. Yobi 22:29; Bing. 29:23; Luk. 14:11; 1 Pet. 5:5

Loma 12:10

Mu zola ya bampangi, zolana na ntima yonso; mu nzisitu lutisana nantwala. 1 Tes. 4:9; Eb. 13:1; 1 Pet. 1:22; 5:5; Fili. 2:3

Loma 13:13

Bika beto tambula ya kieleka bonso mu mwini, mu makinu ve ye kolwa ve, mu zola ya mbi ye mambu ya nsoni ve, mu nwaninu ye kimpala ve, Bing. 23:20; Luk. 21:34; Ngal. 5:19; 1 Kol. 6:9; Ef. 5:3; Fili. 4:8

Loma 2:8

Kansi makasi ye ndola kwa bau ya ntu ngolo ya lemvuka ve mambu ya kieleka, kansi bau lemvuka konda ya lunungu. 2 Tes. 1:8

1 Kolinto 15:9

Kadi mono luta fioti na bantumwa, mono lunga ve bingwa ntumwa, sambu na mono zomaka dibundu ya Nzambi. Bis. 9:1; Ngal. 1:13; Ef. 3:8; 1 Tim. 1:13

1 Kolinto 3:3

kadi ti ntangu yai beno ikele bankwa kinsuni. Kadi nakati na beno ikele kimpala ye kunwana, buna beno ikele bankwa kinsuni ve, ye ikele kutambula mu kimuntu ve ? 1 Kol. 1:11; 11:18; 2 Kol. 12:2; Ngal. 5:20

2 Kolinto 12:20

Kadi mono ikele na boma, keti bu mono kwiza mono tamona beno ve bonso mono zola, ye kana beno takuta mono ve bonso beno zola, kana beno ikele na mambu, kunwana, kimpala, makasi, kukabana, nsoki, bituba-tuba, kuditombula, makalele, 1 Kol. 3:3; Ngal. 5:20

Ngalata 5:15

Kansi kana beno tatikana ye kudiana, tomatala na beno manisana ve.

Ngalata 5:26

Bika beto tonda nkembo ya mpamba ve, ye basisana ntembe keti tulana kimpala ve.

Efeso 4:2

Mu kudikulumusa yonso ye nlembami ye mvibidulu, kuvibidilana mu zola,

Efeso 5:21

Beno lemvuka, muntu kwa babamfinangani ya yandi mu vumi ya Klisto. 1 Pet. 5:5

Filipi 2:14

Beno sala mambu yonso mu konda kubamina ye ntembe,

Kolosai 3:12

Sambu na yai, beno vwata bonso basolwa ya Nzambi, banlongo ye bazolwa, ntima ya nkenda, ye zola, kudikulumusa ye nlembami ye mvibidulu, Ngal. 5:22; Ef. 4:2, 32

Kolosai 3:8

Ntangu yai beno mpe katula mambu yai yonso: Makasi, kimbeni, nsoki, kutuba mbi, kutuba ya nsoni mu munoko ya beno. Ef. 4:25; 6:3; Yak. 1:21

1 Timoteo 6:4

Yandi ikele na lulendo, ye kuzaba kima ve, ye ikele kutula biuvu, ye ntembe, yau ikele kubasisa kimpala, mvita, mafingu, ye mabanza ya mbi, 1 Kol. 8:2; 2 Tim. 2:14

1 Petelo 3:8

Na zulu na yai yonso, beno yonso vanda na mabanza mosi, kuwilana ntantu, zolana bonso bampangi, ntima ya nkenda ye mabanza ya dikulumusa. Lom. 12:16; 15:5; Fili. 3:15

1 Petelo 5:5

Mpilayai mpe, beno baleke, lemvuka kwa bambuta, kansi beno yonso vanda ya dikulumusa kusadilana, kadi Nzambi zola ve bankwa lulendo, kansi yandi pesa nlemvo kwa bankwa dikulumusa. Bing. 3:34; Lom. 12:10, 16; Ef. 5:21; Yak. 4:6