Filipi 2:17 - Le Nouveau Testament en Kikwango 1950

¹⁷ Kansi kana moyo ya mono tatulwa bonso nkailu ya zikwa sambu na lukwikilu ya beno, mono ikele na kiese ye yangalala sikamosi na beno yonso. 1 Tes. 2:8; 2 Tim. 4:6

Filipi 2:17 Iomraidhean Croise

Bisalu Ya Bantumwa 20:24

Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3

Bisalu Ya Bantumwa 21:13

Buna Paulu vutulaka: Beno sala nki, beno ikele kudila ye kupasula ntima ya mono ? Kadi mono lunga kukangwa kaka ve kansi kufwa mpe mu Yelusalemi sambu na nkumbu ya Mfumu Yesu. Bis. 20:24; Lom. 8:36

Loma 12:1

Mpilayai mono bombidila beno, bampangi, mu nkenda ya Nzambi, pesa banitu ya beno nkailu ya moyo ya zikwa, ya nlongo ye ya zolakana kwa Nzambi, yo ikele kisalu ya beno ya ngangu.

Loma 15:16

na mono fwiti kuvanda sielo ya Yesu Klisto kwa bapaien, bu mono sala kisalu ya nsamu mbote ya Nzambi, na bapaien bau kibeni lenda kuvanda nkailu ya lunga kubakwa, bu bau kutulwa nlongo mu Mpeve Yanlongo. Lom. 11:13

2 Kolinto 12:15

Mu kiese mingi mono takwiza ye dipesa sambu na miela ya beno. Kana mono luta kuzola beno, buna mono ikele kuzolwa na beno luta fioti ? Kolo. 1:24; 2 Tim. 2:10

2 Kolinto 4:12

Buna lufwa ikele kusala mu beto, kansi moyo mu beno.

2 Kolinto 6:10

bonso bankwa ntantu, kansi beto ikele kuyangalala ntangu yonso, bonso bansukami, kansi beto ikele kutula bantu mingi mu kimvwama, bonso na kima ve, kansi beto ikele na bima yonso. Lom. 5:3; Fili. 2:17; 4:11

2 Kolinto 7:4

Mono ikele na vuvu mingi sambu na beno, mono ikele kuyana mingi sambu na beno: mono fuluka na mbombolo, mono fuluka na kiese mu mpasi yonso ya beto. Paulu bombwaka kwa Tito

Filipi 1:20

Kadi mono ikele kuvingila, ye ikele na vuvu ya ngolo, mono takuwa nsoni ve mu konso kima, kansi mu ntangu yai mpe, bonso mu ntangu yonso mu kikesa yonso Klisto takembiswa mu nitu ya mono keti mu moyo keti mu lufwa.

Filipi 2:18

Ikele mpilayai beno mpe vanda na kiese ye yangalala sikamosi na mono.

Filipi 2:30

kadi sambu na kisalu ya Klisto yandi vandaka, mfinama kulufwa, bu yandi pesaka moyo ya yandi kulungisa yina ya konda mu kisielo ya beno kwo mono. 1 Kol. 16:17

Filipi 4:18

Mono ikele na bima yonso ye bima ya lunga, mono imene kufuluka, bu mono bakaka bima na Epafolodito ya beno fidisaka mono, nsunga mbote, nkailu ya zikwa ya lunga ye zolakana kwa Nzambi. Ef. 5:2; Eb. 13:16

Kolosai 1:24

Ntangu yai mono ikele kuyangalala mu bampasi ya mono sambu na beno ye mono ikele kulungisa mu nsuni ya mono yina ya konda mu mpasi ya Klisto sambu na nitu ya yandi ya ikele dibundu. 2 Kol. 1:5; 4:10; Ef. 3:13; Fili. 1:29; 2:17

1 Tesalonika 2:8

mpilayai mu lutondo ya nene ya ikele na beto sambu na beno, beto zolaka kukabila beno nsamu mbote ya Nzambi kaka ve, kansi miela ya beto mpe, sambu beno imene kwiza bazolwa ya beto. Bis. 20:24; 2 Kol. 12:15; Fili. 1:8; 2:17

2 Timoteo 4:6

Kadi mono imene kutulwa va zikwa bonso nkailu, ntangu ya nkatukulu ya mono imene kwiza.

1 Petelo 2:5

Beno mpe bonso matadi ya moyo ikele kutungwa mu nzo ya kimpeve kuvanda kinganga ya nlongo, ye kupesa nkailu ya zikwa ya kimpeve, ya solwa kwa Nzambi mu Yesu Klisto. Lom. 12:1; Ef. 2:21; Eb. 3:6; 13:15

1 Yoane 3:16

Mu yai beto zaba zola, sambu na yandi pesaka moyo ya yandi sambu na beto; beto mpe fwiti kupesa moyo ya beto sambu na bampangi. Yoa. 16:12; Lom. 5:8; Ef. 6:2; 1 Yoa. 4:9