Filipi 2:15 - Le Nouveau Testament en Kikwango 1950

¹⁵ na beno lenda kukonda lusembo ye nsumukunu, ye vanda bana ya Nzambi ya konda kieta nakati na mbandu ya mbi ye ntu ngolo, nakati ya bau beno ikele kumonika bonso mwini mu nsi. 5 Mose 32:5; Mat. 5:14; Ef. 5:8

Filipi 2:15 Iomraidhean Croise

Matai 10:16

Tala, mono fidisa beno bonso mameme nakati na bambizi ya makasi, sambu na yai, beno vanda na ngangu bonso banioka ye konda luvunu bonso mayembe. Luk. 10:3; Lom. 16:19

Matai 17:17

Yesu vutulaka ye tubaka: O mbandu yai ya konda lukwikilu ye ya mbi, bilumbu ikwa mono tavanda na beno ? Bilumbu ikwa mono tavibidila beno ? Twala yandi awa kwa mono.

Matai 5:45

na beno lenda kuvanda bana ya Tata ya beno ya ikele mu zulu, kadi yandi kutelemisa ntangu ya yandi va ya mbi ye va mbote, ye yandi nokisa mvula va ya lunungu ye va konda lunungu,

Matai 5:48

Sambu na yai beno vanda ya lunga, bonso Tata ya beno mu zulu ikele ya lunga. 3 Mose 11:44; 19:2; 20:7, 26

Luka 1:6

Bau zole vandaka balunungu nantwala ya Nzambi, bau tambulaka mu nsikudukusu yonso ye ndinga ya Mfumu, bau konda kusembwa.

Luka 6:35

Kansi zola bambeni ya beno ye sadila bau mbote, ye leva ye tula vuvu ve kubaka yo diaka, ye nsendo ya beno tavanda mingi, ye beno tavanda bana ya Nzambi Mpungu, kadi yandi ikele kusonga nkenda kwa bau ya konda kupesa matondo ye kwa bankwa mbi.

Yoane 5:35

Yandi vandaka mwinda ya lema ye kienzula: ye beno zolaka ntangu fioti kuyangalala mu mwini ya yandi.

Bisalu Ya Bantumwa 2:40

Yandi songaka kitemo ye bombidilaka bau mu mambu mingi yankaka, ye tubaka: Divulusa tuka mbandu yai ya mbi. Fili. 2:15

Bisalu Ya Bantumwa 20:30

Nakati na beno kibeni bantu tatelema ye tuba mambu ya mbi kubenda banlonguki kulanda bau. 1 Yoa. 2:19

Loma 16:19

Kadi lemvukilu ya beno ikele kuzabakana kwa bantu yonso. Sambu na yai, mono yangalala sambu na beno, kansi mono tonda beno vanda na ngangu na mambu ya mbote ye konda ngangu na mambu ya mbi. 1 Kol. 14:20

1 Kolinto 1:8

Yandi tasikidika beno mpe ti na nsuka, na beno takonda kusembwa mu lumbu ya Mfumu ya beto Yesu Klisto. Lom. 16:25; 2 Kol. 1:21; 1 Tes. 3:13; 5:23

2 Kolinto 6:17

Sambu na yai beno basika nakati na bau ye vanda beno mosi, Mfumu ikele kutuba, ye valakana ve kima ya sumuka, ye mono tabaka beno. Yes. 52:11; Sef. 3:19; Nzai. 18:4

Efeso 5:27

na yandi kibeni lenda kudipesila dibundu ya nkembo, ya konda tona keti mbi keti kima ya mpilayina, kansi na yo lenda kuvanda nlongo ya konda kieta. Kolo. 1:22

Filipi 1:10

na beno lenda kuzaba mambu yonso ya lunga, ye beno lenda kuvanda ya vedila ye konda tesisa sakuba ti kilumbu ya Klisto, Lom. 12:2; 1 Kol. 10:32

Filipi 3:6

mu kutula ngolo, mono zomaka dibundu, mu mambu ya lunungu ya ikele mu nsiku, mono konda kusembwa. Bis. 8:3; 9:1; Ngal. 1:13

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

1 Timoteo 3:10

Kansi bau fwiti kutezwa ntete, nanima bau lenda kusala kisalu ya basielo kana bau ikele na mambu ya mbi ve.

1 Timoteo 3:2

Nkengi fwiti kuvanda ve na mambu ya mbi, ye vanda bakala ya nkento mosi kaka; kukolwa na malafu ve, kuvanda na bifu ya mbote, kuvanda na makalele ve, kuzola kusadisa banzenza, ye kuzaba kulonga, Tit. 1:6

1 Timoteo 5:14

Mono zola bafwola ya nleke kukwela, kubuta bana, kuyala banzo ya bau, kupesa nzila ve kwa yandi ya mbi, sambu na kufinga.

1 Timoteo 5:20

Bau ya sala masumu, semba bau nantwala na bantu yonso, na bankaka mpe tavanda na boma.

1 Timoteo 5:7

Sikidikisa mambu yai mpe, na bau lenda kukondwa lusembo.

Tito 1:6

kana muntu ikele na mbi ve, bakala ya nkento mosi, ye ikele na bana ya kwikila ya konda kufundwa na makalele keti kulemvuka ve. 1 Tim. 3:2

Tito 2:10

Bau kuyiba ve, kansi kusonga kwikama yonso ya mbote, na bau lenda kuyidika malongi ya Nzambi, Mvulusi ya beto, mu mambu yonso.

Tito 2:15

Tuba mambu yai, ye longa ye semba, mu nsikudukusu yonso. Bika muntu saula nge ve. 1 Tim. 4:11

Ebeleo 7:26

Kadi nganga nene ya mpilayai lunga kwa beto, yandi ikele ya nlongo, ya konda mbi, ya konda kusumunwa, ya kutanaka na bankwa masumu ve, ye ya tombolwaka va zulu ya bimba yonso, Eb. 4:14

1 Petelo 2:12

Vanda na bifu ya mbote nakati na bapaien, buna bu bau tuba mbi na beno, bonso beno ikele basadi ya mbi, bu bau mona bisalu ya beno ya mbote, bau lenda kupesa nkembo kwa Nzambi, mu kilumbu ya yandi kwiza kwa bau. Mat. 5:16; 1 Pet. 3:16

1 Petelo 2:9

Kansi beno ikele mbandu ya solwa, kinganga ya kintinu, kikanda ya nlongo, bantu ya Nzambi kibeni baka, na beno lenda kusonga nzitusu ya yandi ya bingaka beno tuka tombe ku mwini ya yandi ya yituka. 2 Mose 19:5; 5 Mose 7:6; Yes. 62:12

2 Petelo 3:14

Sambu na yai, bazolwa, sambu na beno ikele kuvingila mambu yai, tula ngolo na beno lenda kumonwa mu yenge, ye konda tona ye konda mvindu, na luse ya yandi. 1 Kol. 1:8; Fili. 1:10; 1 Tes. 3:13; 5:23

Nzaikulu 2:5

Buna, bambuka sika ya nge kubwaka, ye pindula mabanza ye sala bisalu ya ntete, keti mono takwiza kwa nge ye katula kilundilu ya nge ya mwinda na sika na yo, kana nge pindula ve.

Nzaikulu 3:9

Tala, mono tapesa kwa bankaka ya nzo ya sambilu ya Satana, bau ya tuba bau ikele baYuda kansi bau ikele mpilayai ve, kansi bau ikele kukusa; mono tatula bau kwiza ye sambila na makulu ya nge, ye zaba na mono imene kuzola nge. Nzai. 2:9