Filipi 2:14 - Le Nouveau Testament en Kikwango 1950

¹⁴ Beno sala mambu yonso mu konda kubamina ye ntembe,

Filipi 2:14 Iomraidhean Croise

Matai 20:11

Bu bau bakaka yo, bau baminaka kwa mfumu ya nzo,

Malako 14:5

Kadi mafuta ya nsunga yai lenda tekwa na mbongo denali nkama tatu ye peswa kwa bansukami. Bau vandaka na makasi kwa yandi.

Malako 9:14

Bu bau kumaka kwa banlonguki ya yandi, bau monaka kibuka mingi zunga bau; bansoniki tudisaka bau ntembe. Mat. 17:14; Luk. 9:37

Luka 5:30

Bafalisi ye bansoniki ya bau baminaka banlonguki ya yandi, kutuba: Sambu na nki beno ikele kudia ye kunwa na bafutisi ye bankwa masumu ?

Bisalu Ya Bantumwa 15:2

Kansi bu Paulu ye Banaba swanaka ye vandaka na ntembe mingi na bau, bampangi zengaka mambu na Paulu ye Banaba ye bankaka ya bau fwiti kwenda ku Yelusalemi kwa bantumwa ye bambuta sambu na ntembe yai.

Bisalu Ya Bantumwa 15:39

Buna ntembe mingi kwizaka nakati na bau ye bau kabanaka, Banaba bakaka Malako ye sabukaka ku Kipelo.

Bisalu Ya Bantumwa 15:7

Bu ntembe vandaka mingi, Petelo telemaka, ye tubaka kwa bau: Bampangi, beno zaba na bilumbu ya ntete, Nzambi solaka nakati na beno sambu na munoko ya mono bapaien fwiti kuwa mambu ya nsamu mbote ye kwikila. Bis. 10:9

Bisalu Ya Bantumwa 6:1

Mu bilumbu yina bu ntalu ya banlonguki ikele kwiza mingi, baYuda ya Elene vandaka na kimbeni na baEbelo sambu na bafwola ya bau bakaka makabu ve ya kilumbu na kilumbu.

Loma 12:18

Kana nge lenda, mu ngolo ya nge yonso, vanda na yenge na bantu yonso. Mal. 9:50; Eb. 12:14

Loma 14:1

Konso ya ikele lebakana mu lukwikilu, beno baka yandi, kansi tudisa ntembe ve. Lom. 15:1, 7

Loma 16:17

Bampangi, mono bombidila beno, tala mbote bau ya basisa kabana ye mambu ya kuta sakuba, ye bau landa ve malongi ya beno longukaka, beno katuka mu bau.

1 Kolinto 10:10

Bamina ve bonso bankaka ya bau baminaka, ye bau kufwaka na mufwi.

2 Kolinto 12:20

Kadi mono ikele na boma, keti bu mono kwiza mono tamona beno ve bonso mono zola, ye kana beno takuta mono ve bonso beno zola, kana beno ikele na mambu, kunwana, kimpala, makasi, kukabana, nsoki, bituba-tuba, kuditombula, makalele, 1 Kol. 3:3; Ngal. 5:20

Ngalata 5:15

Kansi kana beno tatikana ye kudiana, tomatala na beno manisana ve.

Ngalata 5:26

Bika beto tonda nkembo ya mpamba ve, ye basisana ntembe keti tulana kimpala ve.

Filipi 2:3

beno sala mambu ve mu ntembe keti mu nkembolo ya mpamba, kansi mu kudikulumusa, bika muntu na muntu banza yandi kibeni ikele fioti ye bankaka luta nene. Loma 12:10; 1 Pet. 5:5; Ef. 5:21

1 Tesalonika 5:13

Zitisa bau mingi mu zola sambu na kisalu ya bau. Vandana na yenge. Mal. 9:50

1 Tesalonika 5:15

Tala, na muntu vutula mbi kwa muntu ve, kansi ntangu yonso sosa kusala yina ya mbote muntu kwa mpangi ya yandi ye kwa bantu yonso. 3 Mose 19:18; Mat. 5:44; Lom. 12:17; Ngal. 6:10; 1 Pet. 3:9

Ebeleo 12:14

Beno landa yenge na bantu yonso, ye vanda ya nlongo, kadi yandi ya konda yo tamona Mfumu ve. Mat. 5:9; Lom. 12:18; 1 Tim. 5:22

Yakobi 1:20

Kadi makasi ya muntu ikele kusadisa lunungu ya Nzambi ve.

Yakobi 3:14

Kansi kana beno ikele na kimpala ya mbi, ye kuswana mu mintima ya beno, beno kudikembila ve, ye tuba luvunu ve kwa kieleka.

Yakobi 5:9

Bampangi, beno baminana ve, ye beno tafundiswa ve; tala, mfundisi ikele kutelema nantwala na mwelo.

1 Petelo 3:11

Ye bika yandi tula nima ku mbi ye sala mbote, ye bika yandi sosa yenge ye landa yo.

1 Petelo 4:9

Beno vanda na zola ya banzenza ye sosa ve bau kuvutula yo.

Yuda 1:16

Bayai ikele babamini ya dila mpamba ya tambula mu luzolo ya bau ya nsuni, munoko ya bau ikele kutuba mambu ya lulendo, ye ikele kutala luse ya bantu kubaka ndandu.