Filipi 1:6 - Le Nouveau Testament en Kikwango 1950

⁶ Sambu na mambu yai, mono ikele na vuvu ya kwikama, na yandi ya yantikaka kisalu ya mbote mu beno talungisa yo ti kilumbu ya Yesu Klisto. 1 Kol. 1:8

Filipi 1:6 Iomraidhean Croise

Yoane 6:29

Yesu vutulaka ye tubaka kwa bau: Yai ikele kisalu ya Nzambi: Na beno kwikila yandi ya yandi fidisaka. 1 Yoa. 3:23

Bisalu Ya Bantumwa 11:18

Bu bau kuwaka mambu yai, bau vandaka napi ye kembilaka Nzambi, kutuba: Buna Nzambi imene kupesa kwa bapaien mpe nzila ya pindula ku moyo.

Bisalu Ya Bantumwa 16:14

Nkento mosi vandaka kuna ya vuminaka Nzambi, nkumbu ya yandi, Lidia, muteki ya lele ya mpumbu ya mbanza ya Tiatila, yandi kuwaka, ye Mfumu kangulaka ntima ya yandi kubaka mambu ya Paulu tubaka.

1 Kolinto 1:8

Yandi tasikidika beno mpe ti na nsuka, na beno takonda kusembwa mu lumbu ya Mfumu ya beto Yesu Klisto. Lom. 16:25; 2 Kol. 1:21; 1 Tes. 3:13; 5:23

2 Kolinto 1:15

Mu vuvu yina mono zolaka ntete kwiza kwa beno, na beno lenda kubaka nlemvo yankaka,

2 Kolinto 2:3

Mono sonikaka mambu yina, keti bu mono kwizaka, mono imene kumona ntantu ve na bau ya fwiti kuyangidisa mono, mono ikele na vuvu mu beno yonso, na kiese ya mono ikele kiese ya beno yonso. 2 Kol. 12:20; Fili. 2:27

2 Kolinto 7:16

Mono ikele kuyangalala, bu mono ikele na vuvu sambu na beno mu mambu yonso.

2 Kolinto 9:4

Keti kana bantu ya Makedonia takwiza na mono, ye kuta beno na konda kulunga, buna beto— tuba beno ve—tamona nsoni mu vuvu yai.

Ngalata 5:10

Mono ikele na vuvu mu Mfumu sambu na beno, na beno tabaka mabanza yankaka ve, kansi konsonani ya monisa beno mpasi tanata mfundusu ya yandi.

Efeso 4:12

Sambu na kulungisa banlongo kwa kisalu ya kisielo ye kutunga ya nitu ya Klisto.

Filipi 1:10

na beno lenda kuzaba mambu yonso ya lunga, ye beno lenda kuvanda ya vedila ye konda tesisa sakuba ti kilumbu ya Klisto, Lom. 12:2; 1 Kol. 10:32

Filipi 1:29

Kadi beno peswaka nlemvo kukwikila mu Klisto kaka ve, kansi kumoniswa mpasi sambu na yandi mpe, Bis. 5:41; Lom. 5:3

Filipi 2:12

Mpilayai, bazolwa ya mono, bonso beno lemvukaka ntangu yonso, kaka ve, bu mono ikele nakati na beno. Kansi ntangu yai beno luta kusala mpilayai, bu mono ikele ve, beno sala sambu na mpulusu ya beno mu boma ye zakama.

Filipi 2:13

Kadi Nzambi ikele kusala mu beno, luzolo ye bisalu, bonso luzolo ya yandi ya mbote. 2 Kol. 3:5; Eb. 13:21

Filipi 2:16

Nangula mambu ya moyo, na mono lenda kuyana mu kilumbu ya Klisto, na mono tezaka ntinu mpamba ve ye salaka mpamba ve. Yes. 49:4; 2 Kol. 1:14; 1 Tes. 2:19

Kolosai 2:12

sambu na beno zikwaka na yandi mu mbotika, beno fulukiswaka na yandi mu lukwikilu mu ngolo ya Nzambi ya fulukisaka yandi tuka bafwa. Lom. 6:4; Ef. 1:9; Kolo. 3:1

1 Tesalonika 1:3

Beto bika ve kubambuka beno nantwala na Nzambi, Tata ya beto, sambu na kisalu ya beno ya lukwikilu ye kisalu ya beno ya zola ye mvibidilu ya vuvu ya beno mu Mfumu ya beto Yesu Klisto.

2 Tesalonika 1:11

Sambu na yai beto lomba ntangu yonso sambu na beno, na Nzambi ya beto tatanga beno ya lunga na mbokolo ya beno, ye kulungisa mu ngolo, lutondo yonso ya mbote, ye kisalu yonso ya lukwikilu,

2 Tesalonika 3:4

Kansi beto ikele na vuvu mu Mfumu sambu na beno, na beno ikele kusala ye tasala mambu ya beto sikidikisa beno. 2 Kol. 7:16; Ngal. 5:10

Filemoni 1:21

Sambu na mono ikele na vuvu mu kulemvuka ya nge, mono sonika kwa nge, sambu na mono zaba nge tasala ya luta yai ya mono tuba kwa nge.

Ebeleo 10:35

Mpilayai, losa ve kikesa ya beno, yo ikele na mvutulu ya nsendo ya nene.

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

1 Petelo 5:10

Nzambi ya nlemvo yonso, ya bingaka beno ku nkembo ya yandi ya mvu ya mvu mu Klisto, bu beno imene kumoniswa mpasi ntangu fioti, yandi kibeni talungisa, ye sikidika, ye siamisa beno. 2 Kol. 4:17; 1 Tes. 5:23, 24; 2 Tim. 1:9; Eb. 13:21

2 Petelo 3:10

Kansi kilumbu ya Mfumu takwiza bonso mwivi, bu kilumbu yina mazulu tavila na makelele ya nene, ye bima ya mazulu tamana mu tiya ya ngolo ye ntoto ye bisalu ya ikele muna tayokwa. Nk. 102:27; Mat. 24:35, 43; 1 Tes. 5:12