Filipi 1:20 - Le Nouveau Testament en Kikwango 1950

²⁰ Kadi mono ikele kuvingila, ye ikele na vuvu ya ngolo, mono takuwa nsoni ve mu konso kima, kansi mu ntangu yai mpe, bonso mu ntangu yonso mu kikesa yonso Klisto takembiswa mu nitu ya mono keti mu moyo keti mu lufwa.

Filipi 1:20 Iomraidhean Croise

Yoane 21:19

Yandi tubaka yai kusonga nki mutindu ya lufwa ya yandi takembila Nzambi. Ye bu yandi imene kutuba yai, yandi tubaka kwa yandi: Landa mono!

Bisalu Ya Bantumwa 20:24

Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3

Bisalu Ya Bantumwa 21:13

Buna Paulu vutulaka: Beno sala nki, beno ikele kudila ye kupasula ntima ya mono ? Kadi mono lunga kukangwa kaka ve kansi kufwa mpe mu Yelusalemi sambu na nkumbu ya Mfumu Yesu. Bis. 20:24; Lom. 8:36

Bisalu Ya Bantumwa 4:31

Bu bau imene kulomba, sika ya bau kutakanaka nikukaka ngolo, ye bau yonso fulukaka na Mpeve Yanlongo, bau tubaka mambu ya Nzambi mu kikesa.

Loma 12:1

Mpilayai mono bombidila beno, bampangi, mu nkenda ya Nzambi, pesa banitu ya beno nkailu ya moyo ya zikwa, ya nlongo ye ya zolakana kwa Nzambi, yo ikele kisalu ya beno ya ngangu.

Loma 5:5

ye vuvu monisa nsoni ve, sambu na zola ya Nzambi fuluka ntima ya beto mu Mpeve Yanlongo ya peswaka kwa beto. Nk. 22:5; 25:2, 19

Loma 6:13

mpe pesa ve biela ya beno bonso binwaninu ya konda lunungu ku masumu, kansi beno dipesa kwa Nzambi bonso na moyo ya imene kutelemiswa tuka bafwa, ye pesa biela ya beno bonso binwaninu ya lunungu kwa Nzambi. Lom. 12:1; 1 Pet. 4:1

Loma 6:19

Mono tuba mu kimuntu sambu na lebakana ya nsuni ya beno, kadi bonso beno pesaka biela ya beno bonso bampika ku nsumukunu, ku kimpumbulu ye ku bifu ya kimpumbulu, mpilayai beno pesa biela ya beno bonso bampika ku lunungu na kuvanda ya nlongo.

Loma 8:19

Kadi nsemono ikele kuvingila na vuvu mingi nzaikusu ya bana ya Nzambi.

Loma 9:33

bonso yo ikele kusonama: Tala, mono tula mu Sioni ditadi ya teso sakuba, ye ditadi ya mbwilu, konso ya kwikila yandi tamona nsoni ve. Lom. 10:11

1 Kolinto 15:31

Mono ikele kufwa lumbu na lumbu, mono tuba yai, bampangi, sambu na luyanu ya ikele na mono mu beno, mu Klisto Yesu Mfumu ya beto.

1 Kolinto 6:20

Kadi beno sumbwa na ntalu, sambu na yai kembila Nzambi mu nitu ya beno. 1 Kol. 7:23

1 Kolinto 7:34

Diswaswana ikele na bankento ya kwela ye bandumba. Bankento ya kwela ve ye bandumba ikele kubanza mambu ya Mfumu, na bau lenda kuvanda nlongo mu nitu ye mu mpeve; kansi bau ya kwela ikele kubanza mambu ya nsi, bonso bau lenda kuyangidisa babakala ya bau. 1 Tim. 5:5

2 Kolinto 10:8

Kadi kana mono lenda kuluta kuyana sambu na ngolo ya beto, ya Nzambi pesaka kutunga beno, ikele ve kupasula beno, mono ikele kuwa nsoni ve, 2 Kol. 12:6; 13:10

2 Kolinto 3:12

Mpilayai sambu na beto ikele na vuvu mpilayai, beto ikele kutuba mu kikesa mingi,

2 Kolinto 4:10

ntangu yonso beto nata lufwa ya Yesu mu banitu ya beto, na moyo ya Yesu lenda kumonika mpe mu banitu ya beto.

2 Kolinto 5:15

yandi kufwilaka bantu yonso, na bau ya ikele na moyo tavenda na moyo kwa bau kibeni ve, kansi kwa yandi ya kufwilaka bau ye fulukiswaka diaka sambu na bau. Lom. 6:11; Ngal. 2:20; 1 Pet. 4:2

2 Kolinto 7:14

Kadi kana mono yanaka sambu na beno kwa yandi, mono moniswaka nsoni ve, kansi bonso beto tuba mambu yonso kwa beno mu kieleka, buna luyanu ya beto mpe ikele ya kieleka na luse ya Tito.

2 Kolinto 7:4

Mono ikele na vuvu mingi sambu na beno, mono ikele kuyana mingi sambu na beno: mono fuluka na mbombolo, mono fuluka na kiese mu mpasi yonso ya beto. Paulu bombwaka kwa Tito

Filipi 1:14

sambu na yai, bampangi mingi mu Mfumu, bu bau tulaka vuvu sambu na minyololo ya mono, bau tulaka kikesa ngolo kutuba mambu ya Nzambi na kutita ve.

Filipi 2:17

Kansi kana moyo ya mono tatulwa bonso nkailu ya zikwa sambu na lukwikilu ya beno, mono ikele na kiese ye yangalala sikamosi na beno yonso. 1 Tes. 2:8; 2 Tim. 4:6

Kolosai 1:24

Ntangu yai mono ikele kuyangalala mu bampasi ya mono sambu na beno ye mono ikele kulungisa mu nsuni ya mono yina ya konda mu mpasi ya Klisto sambu na nitu ya yandi ya ikele dibundu. 2 Kol. 1:5; 4:10; Ef. 3:13; Fili. 1:29; 2:17

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

1 Petelo 4:16

Kansi kana muntu moniswa mpasi bonso nkwa Klisto, yandi tavanda na nsoni ve, kansi kukembila Nzambi sambu na nkumbu yai. Fili. 1:28

1 Yoane 2:28

Ntangu yai beno bana fioti ya mono, vanda mu yandi mpilayai bu yandi monika, beto lenda kuvanda na kikesa, ye tamona nsoni ve na luse ya yandi bu yandi kwiza. 1 Yoa. 4:17