Filipi 1:18 - Le Nouveau Testament en Kikwango 1950

¹⁸ Buna nki ? Kana mu luvunu keti mu kieleka, Klisto ikele kusamunwa, mu mambu yai mono ikele kuyangalala. Mono tayangalala mpe.

Filipi 1:18 Iomraidhean Croise

Matai 23:13

Ndolo kwa beno, bansoniki ye bafalisi, bankwa luvunu! Kadi beno ikele kukanga kimfumu ya zulu nantwala na bantu. Kadi beno ikele kukota muna ve ye beno buya bau ya ikele kukota.

Malako 12:40

bau ikele kudia bima yonso ya bafwola ye bau lomba Nzambi ntama mingi kusweka mbi ya bau, bau tabaka ndola ya luta ngolo.

Luka 9:45

Kansi bau zabaka mambu yai ve, yo vandaka ya kinsweki kwa bau, bau bakisaka yo ve ye bau titaka kuyuvula yandi sambu na mambu yai. Luk. 2:50; 18:34

Luka 9:50

Kansi Yesu tubaka kwa yandi: Kanikina yandi ve; kadi yandi ya konda kuvanda na kimbeni na beno, yandi ikele ya beno. Luk. 11:23

Loma 3:9

Buna nki ? Beto luta bau ? Ve, ta fioti ve, beto imene kuzenga mambu na baYuda ye baElene, na bau yonso ikele nansi na masumu, Lom. 11:32; Ngal. 3:12

Loma 6:15

Buna nki ? Beto tasala masumu sambu na beto ikele nansi nsiku ve, kansi nansi nlemvo ? Mpila yai ve!

1 Kolinto 10:19

Buna mono tatuba nki ? Kima ya yokwa nkailu kwa biteki ikele kima ? Keti kiteki ikele kima ?

1 Kolinto 14:15

Buna nki ? Mono talomba mu mpeve kansi mono talomba mu ngangu mpe; mono tayimba mu mpeve, kansi mono tayimba mu ngangu mpe.

1 Kolinto 15:11

Buna kana yo ikele mono keti bau, mpilayai beto ikele kusamuna, ye mpilayai beno kwikilaka.

Filipi 1:19

Kadi mono zaba, yai takituka ku mpulusu ya mono mu lombilu ya beno ye lusadusu ya Mpeve ya Yesu Klisto. 2 Kol. 1:11