Filipi 1:11 - Le Nouveau Testament en Kikwango 1950

¹¹ beno fuluka na mabundu ya lunungu, ya ikele mu Yesu Klisto mu nkembolo ye nsikulu ya Nzambi. Mat. 5:16; Yoa. 15:8; Ef. 1:12; 3:19; 5:9

Filipi 1:11 Iomraidhean Croise

Matai 5:16

Mpilayai, bika mwini ya beno kienzula nantwala ya bantu, na bau lenda kumona bisalu ya beno ya mbote, ye kembila Tata ya beno ya ikele mu zulu. 1 Pet. 2:12

Yoane 15:16

Beno solaka mono ve, kansi mono solaka beno; Mono sikidikisa beno, na beno takwenda ye buta mabundu, na mabundu ya beno tavanda; na konsokima ya beno lomba kwa Tata mu nkumbu ya mono, yandi tapesa beno yo. Mat. 28:19; Yoa. 14:13

Yoane 15:2

Konso vala mu mono ya buta mabundu ve, yandi katula yo, ye konso vala ya buta mabundu yandi vedisa yo, na yo lenda kuluta kubuta mabundu.

Yoane 15:8

Mu yai Tata ya mono kembiswa na beno buta mabundu mingi, ye beno tavanda banlonguki ya mono. Mat. 5:16; 1 Pet. 2:12

Loma 15:28

Mpilayai, bu mono imene kumanisa kisalu yai, ye imene kupesa bau matabisi yai, buna mono takwenda kuluta beno ku Spania.

Loma 6:22

Kansi ntangu yai, beno imene kukangulwa tuka masumu ye kukituka bampika ya Nzambi, beno ikele na mabundu ya beno mu bifu ya nlongo, ye nsuka ya yo ikele moyo ya mvu ya mvu. 1 Pet. 1:9

1 Kolinto 10:31

Mpilayai kana beno kudia keti kunwa keti yonso ya beno sala, sala yonso kukembila Nzambi. Mat. 5:16; Yoa. 15:8; Fili. 1:11; Kolo. 3:17; 1 Pet. 4:11

2 Kolinto 9:10

Yandi ya pesa nkeni kwa mukuni, ye mampa kudia tapesa ye lutisa bankeni ya beno kukuna, ye lutisa nkeni ya lunungu ya beno, Yes. 55:10; Hos. 10:12

Efeso 1:12

na beto tavanda kwa nsikulu ya nkembo ya yandi, beto ya tulaka vuvu ntete mu Klisto.

Efeso 1:14

Ikele luyantiku ya difwa ya beto ye nkudulu ya bantu ya yandi sumbaka, mu nsikulu ya nkembo ya yandi. 4 Mose 7:6; 2 Kol. 1:22

Efeso 2:10

Kadi beto ikele bisalu ya yandi, beto semwaka mu Klisto Yesu sambu na bisalu ya mbote, ya Nzambi yidikaka ntete na beto tatambula muna. Nk. 100:3; Kolo. 1:10; Tit. 2:14

Efeso 5:9

Kadi mabundu ya mwini ikele mu mambu ya mbote yonso ye lunungu ye kieleka. Ngal. 5:22

Filipi 4:17

Mono sosa matabisi ve, kansi mono sosa mabundu mingi kwiza kwa beno.

Kolosai 1:10

kutambula ya lunga mu Mfumu mu zolakana yonso, kubuta mabundu mu kisalu yonso ya mbote ye kukula mu nzailu ya Nzambi. Ngal. 5:22; Ef. 4:1; Fili. 1:27; 1 Tes. 2:12; 4:1

Kolosai 1:6

Mambu yai kwizaka kwa beno bonso yau ikele mpe mu nsi yamvimba, yau ikele kubuta mabundu ye kwiza mingi bonso mu beno mpe, tuka kilumbu yina ya beno kuwaka ye kuzabaka nlemvo ya Nzambi mu kieleka, Mal. 4:8; Bis. 6:7

2 Tesalonika 1:12

na nkumbu ya Mfumu ya beto Yesu lenda kukembiswa mu beno, ye beno mu yandi, bonso ikele nlemvo ya Nzambi ya beto ye Mfumu Yesu Klisto.

Tito 3:14

Bika bantu ya beto mpe kulonguka kusala bisalu ya mbote, sambu na kubaka bima ya lunga kwa bau, na bau takonda mabundu ve.

Ebeleo 12:11

Ndongi yonso ikele kumonwa mu ntangu na yau, kiese ve, kansi ntantu, kansi nanima yo buta mabundu ya yenge ya lunungu kwa bau ya yikama na yo.

1 Petelo 2:12

Vanda na bifu ya mbote nakati na bapaien, buna bu bau tuba mbi na beno, bonso beno ikele basadi ya mbi, bu bau mona bisalu ya beno ya mbote, bau lenda kupesa nkembo kwa Nzambi, mu kilumbu ya yandi kwiza kwa bau. Mat. 5:16; 1 Pet. 3:16

1 Petelo 2:5

Beno mpe bonso matadi ya moyo ikele kutungwa mu nzo ya kimpeve kuvanda kinganga ya nlongo, ye kupesa nkailu ya zikwa ya kimpeve, ya solwa kwa Nzambi mu Yesu Klisto. Lom. 12:1; Ef. 2:21; Eb. 3:6; 13:15

1 Petelo 2:9

Kansi beno ikele mbandu ya solwa, kinganga ya kintinu, kikanda ya nlongo, bantu ya Nzambi kibeni baka, na beno lenda kusonga nzitusu ya yandi ya bingaka beno tuka tombe ku mwini ya yandi ya yituka. 2 Mose 19:5; 5 Mose 7:6; Yes. 62:12

1 Petelo 4:14

Kana beno fingwa sambu na nkumbu ya Klisto, kiese ikele na beno, kadi mpeve ya nkembo ye ya Nzambi ikele va beno.