Filemoni 1:17 - Le Nouveau Testament en Kikwango 1950

¹⁷ Kana nge tanga mono bonso mpangi ya nge, baka yandi mpilamosi mono.

Filemoni 1:17 Iomraidhean Croise

Matai 10:40

Yandi ya baka beno ikele kubaka mono, ye yandi ya baka mono ikele kubaka yandi ya fidisaka mono. Mat. 18:5; Luk. 10:16; Yoa. 13:20

Matai 18:5

Ye konsonani ya baka mwana fioti mpilayai mu nkumbu ya mono, ikele kubaka mono. Mat. 10:42

Matai 25:40

Ntinu tavutula ye tuba kwa bau: Kieleka, mono tuba kwa beno: Mpilamosi beno salaka yo kwa mosi ya bampangi ya mono yai ya luta fioti, beno salaka yo kwa mono. Bing. 19:17; Eb. 6:10

Bisalu Ya Bantumwa 16:15

Bu yandi imene kubotikwa ye nzo ya yandi, yandi bombidilaka beto, kutuba: Kana beno banza mono imene kukwikila Mfumu ya kieleka, kota mu nzo ya mono ye vanda muna. Yandi kwikidisaka kwenda ku sika ya lombilu beto beto mingi.

2 Kolinto 8:23

Yandi Tito nkwa ntuadi ya mono ye musadi sikamosi na mono, kwa beno, ye bampangi ya beto, bankaka ikele bantumwa ya mabundu ye nkembo ya Klisto.

Efeso 3:6

Na, bapaien ikele bamvingidi ya difwa sikamosi na beto, ye ikele na beto nitu mosi, ye ikele na beto kintuadi mu nsilulu mu Klisto Yesu mu nsamu mbote.

Filipi 1:7

Yo lunga na mono kuvanda na mabanza ya mpilayai sambu na beno yonso, sambu na mono ikele na beno mu ntima ya mono, mu minyololo ya mono ye mu kutuba ye mu kusiamisa ya nsamu mbote, beno yonso ikele na mono kintuadi na nlemvo ya peswaka kwa mono. 2 Kol. 7:3

1 Timoteo 6:2

Bau ya ikele na bamfumu ya kwikila, bika bau kusaula bau ve, kadi bau ikele bampangi, kansi bika bau luta kusadila bau, sambu na bau ya ikele na kintuadi na mambu ya mbote ikele ya kwikama ye ya zolwa. Longa mambu yai, ye songa yau. 1 Tim. 4:11; Tit. 2:15; File. 16

Filemoni 1:10

Mono bombidila nge sambu na mwana ya mono Onesimo, ya mono imene kubuta mu mambu ya Nzambi mu minyololo ya mono, 1 Kol. 4:15; Kolo. 4:9

Filemoni 1:12

Mono imene kuvutula yandi kwa nge, yandi ikele mpilamosi ntima ya mono kibeni.

Filemoni 1:18

Kansi kana yandi imene kusadila nge mbi, keti kana yandi ikele na mfuka kwa nge, sonika yau bonso mfuka ya mono.

Ebeleo 3:1

Sambu na yai, bampangi ya nlongo, bintwadi mu mbokolo ya zulu, beno tala Ntumwa ye Nganga nene ya kitemo ya lukwikilu ya beto, yandi ikele Yesu.

Ebeleo 3:14

Kadi beto kitula bintwadi ya Klisto, kana beto simba vuvu ya beto ya ntete ngolo ti nsuka. Eb. 3:6

Yakobi 2:5

Bampangi ya mono ya zolwa, beno kuwa. Nzambi solaka ve bansukami ya nsi yai ? Yandi vandisaka bau mu kimvwama mu lukwikilu, ye bamvingidi ya difwa ya kimfumu, ya yandi silaka kwa bau ya zola yandi. Luk. 6:20; 1 Kol. 1:26; 2:9

1 Petelo 5:1

Mono bombidila bambuta ya ikele nakati na beno, mono mpe ikele mbuta sikamosi na bau ye ntemo ya mpasi ya Klisto, ye mono ikele ntuadi ya nkembo ya tamoniswa.

1 Yoane 1:3

Mambu ya beto monaka ye ya beto kuwaka, beto ikele kutuba yau kwa beno mpe, na beno mpe lenda kuvanda kintuadi na beto; ye kintuadi ya beto ikele na Tata ye Mwana ya yandi Yesu Klisto. Yoa. 17:21; 1 Kol. 1:9