Efeso 5:3 - Le Nouveau Testament en Kikwango 1950

³ Kansi bizumba ye nsumukunu yonso keti zola ya bima, bika yo vanda ta fioti ve nakati na beno, bonso yo lunga kwa banlongo, Mal. 7:21; Kolo. 3:5; Ngal. 5:19

Efeso 5:3 Iomraidhean Croise

Matai 15:19

Kadi tuka ntima ikele kubasika mabanza ya mbi, kufwa bantu, kufwa ya makwela, bizumba, bwivi, kitemo ya luvunu, kutuba ya mbi. 1 Mose 6:5; 8:21; Yel. 17:9

Luka 12:15

Yandi tubaka kwa bau: Beno tomatala, ye dikeba na zola ya mbongo, kadi moyo ya muntu ikele ve sambu na bima mingi ya ikele na yandi.

Luka 16:14

Bafalisi ya vandaka bantu ya zola mbongo kuwaka mambu yai yonso ye bau fingaka yandi.

Bisalu Ya Bantumwa 15:20

kansi beto tasonika kwa bau, na bau tatina bima ya bau pesa kwa biteki, ye bizumba ye mbizi ya kufwa na menga basika ve, ye menga. 1 Mose 9:4; 1 Tes. 4:3

Bisalu Ya Bantumwa 20:33

Mono zolaka ve palata keti wola keti mvwatu ya muntu mosi. 1 Kol. 9:12; 2 Kol. 11:9; 12:13

Loma 1:29

Bau fuluka na konda ya lunungu yonso, bau sala mambu mbi, bau tonda bima, bau sala nsoki, bau fuluka na kimpala, bau kufwa bantu, ntembe, lukusu, bungubi, bitubatuba, 1 Kol. 6:9; 2 Kol. 12:20; Ngal. 5:19; Ef. 5:3

Loma 16:2

Beno baka yandi mu Mfumu, bonso yo lunga na banlongo, sadisa yandi mu mambu yonso ya yandi ikele na nsatu nakati na beno; kadi yandi kibeni mpe vandaka nsadisi ya bantu mingi ye ya mono kibeni mpe.

Loma 6:13

mpe pesa ve biela ya beno bonso binwaninu ya konda lunungu ku masumu, kansi beno dipesa kwa Nzambi bonso na moyo ya imene kutelemiswa tuka bafwa, ye pesa biela ya beno bonso binwaninu ya lunungu kwa Nzambi. Lom. 12:1; 1 Pet. 4:1

1 Kolinto 10:8

Bika beto sala bizumba ve bonso bankaka ya bau salaka, bau kubwaka lumbu mosi mafunda makumi zole ye tatu.

1 Kolinto 5:1

Yo songwa na bizumba ikele nakati na beno, bizumba mutindu yina ya ikele ta fioti ve nakati bapaien, na mosi ya beno ikele na nkento ya tata ya yandi.

1 Kolinto 6:13

Madia ikele sambu na divumu, divumu sambu na madia, kansi Nzambi tasala yonso zole kwiza mpamba. Kansi nitu ikele sambu na bizumba ve, kansi sambu na Mfumu, ye Mfumu sambu na nitu.

1 Kolinto 6:18

Tina mambu ya bizumba. Masumu yonso ya muntu ikele kusala ikele nanganda ya nitu, kansi yandi ya sala bizumba ikele kusadila nitu ya yandi masumu.

2 Kolinto 12:21

keti bu mono kwiza diaka, Nzambi ya mono takulumusa mono nantwala na beno, ye mono tavanda na ntantu sambu na bantu mingi ya salaka masumu ntete ye pindulaka mabanza ve tuka nsumukunu, ye zola ya masumu, ye bizumba ya bau salaka. 2 Kol. 13:2; 1 Kol. 5:1; Ef. 4:19

Efeso 5:12

Kadi, mambu ya bau sala mu kinsweki, ikele nsoni mpe kutuba sambu na yau.

Efeso 5:5

Kadi beno zaba yai mbote, muntu ya bizumba keti muntu ya sumuka keti nkwa zola ya bima, ya ikele musambidi ya kiteki, yandi lenda ve kubaka difwa mu kimfumu ya Klisto ye Nzambi.

Filipi 1:27

Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

Kolosai 3:5

Mpilayai kufwa biela ya beno va ntoto, bizumba, nsumukunu, nsatu ya mbi, zola ya mbi, zola ya bima, ya ikele nsambilu ya biteki. Lom. 8:13; Ef. 5:3

1 Tesalonika 4:3

Kadi yai ikele luzolo ya Nzambi ikele nlongo ya beno na beno bika bizumba, Ef. 5:3

1 Tesalonika 4:7

Kadi Nzambi bingaka beto ve ku nsumukunu kansi ku mambu yanlongo.

1 Timoteo 2:10

kansi yina ya lunga na bankento ya ikele na vumi ya Nzambi, mu bisalu ya mbote.

1 Timoteo 3:3

Munwi ya vinia ve, ye kunwana ve, kansi ya nlembami, ya makalele ve, ya zola mbongo ve, 2 Tim. 2:24

1 Timoteo 6:10

Kadi zola ya mbongo ikele mwanzi ya mbi mutindu yonso, bankaka ya sosaka yau imene kuvila nzila ya lukwikilu, ye bau imene kuditobola na ntantu mingi. Bing. 15:16; Luk. 12:15

2 Timoteo 3:2

Bantu tadizola, ye zola mbongo, ye ditombola, ye vanda na lulendo, ye tuba mbi, ye lemvuka ve batata ye bangudi, ye konda matondo, ye konda nlongo, Lom. 1:29

Tito 1:11

Munoko ya bau fwiti kukangwa, bau ikele bavidisi ya banzo yamvimba, bau ikele kulonga mambu ya lunga ve, sambu na kubaka ndandu ya nsoni. Mat. 23:23; 1 Tim. 6:5; 2 Tim. 2:6

Tito 1:7

Kadi nkengi fwiti kukonda mbi, bonso nlundi ya bima ya Nzambi, ya dizola ve, ya baka makasi nswalu ve, ya zola malafu ve, ya nwana ve, ya zola ndandu ya nsoni ve, 3 Mose 10:9; 1 Tim. 3:2; 1 Pet. 5:2

Tito 2:3

Mpilayai mpe, bankento ya nuna fwiti kuvanda na nkadulu ya lunga, kutuba kitemo ya luvunu ve, keti kuvanda bampika ya malafu ve, kansi kuvanda balongi ya mambu mbote; 1 Tim. 2:9; 3:11; 5:13; 1 Pet. 3:3

Ebeleo 12:16

Tomatala na muntu vanda ve, nkwa bizumba keti muntu ya saula bonso Esau ya tekaka kimbuta ya yandi na ndambu ya madia. 1 Mose 25:31

1 Petelo 5:2

Vanda mvungi ya mameme ya Nzambi ya ikele nakati na beno, mu ngolo ve, kansi mu luzolo, bonso ikele luzolo ya Nzambi sambu na ndandu ya nsoni ve, kansi mu zola ya ntima. Bis. 20:28; 1 Tim. 3:3; Tit. 1:7, 11

2 Petelo 2:10

Kansi ya luta kwa bau ya tambula mu nsuni, mu luzolo ya nsuni ya nsoni, ye ikele kusaula luyalu. Bankwa ntu ngolo, lulendo, bau tita ve kufinga bankwa nkembo. Yud. 8

2 Petelo 2:14

Meso ya bau ikele kufuluka na bizumba ye bau lenda ve kubika masumu, ye ikele kukusa miela ya lebakana, mintima ya bau fuluka na zola ya bima. Bau ikele bana ya ndola.

2 Petelo 2:3

Mu zola ya bima, bau tabaka ndandu sambu na beno mu ndinga ya mayele, mfundusu ya bau tuka ntama tavingila ve, ye lufwa ya bau ikele kulala tulu ve.

Nzaikulu 2:14

Kansi mono ikele na nge mambu, kadi nge ikele na bankaka ya simba malongi ya Balami, ya longaka Balaki kutula kibwisilu nantwala ya bana ya Isaeli, kudia bima ya yokwa ku biteki ye kusala bizumba. 4 Mose 31:16; 25:1

Nzaikulu 2:21

Mono pesaka yandi ntangu na yandi tapindula mabanza, kansi yandi zolaka ve kupindula mabanza tuka bizumba ya yandi.

Nzaikulu 21:8

Kansi bau ya ikele na boma, ye ya konda lukwikilu, ye ya sala masumu, ye bafwi ya bantu, ye bankwa bizumba, ye bankwa kindoki, ye basambidi ya biteki, ye bankwa luvunu yonso, sika ya bau tavanda mu zanga ya lema, na tiya ye solofo, yai ikele lufwa ya zole. 1 Kol. 6:9; Ngal. 5:21; Ef. 5:6; Nzai. 20:10, 14; 22:15

Nzaikulu 22:15

Kansi nanganda ikele bambwa ye bankwa kindoki ye bankwa bizumba ye bafwi ya bantu ye bansambidi ya biteki ye yonso ya zola ye sala luvunu. Mat. 7:6; 1 Kol. 6:9; Fili. 3:2; Nzai. 21:8

Nzaikulu 9:21

Bau pindulaka mabanza ve tuka bisalu ya bau ya kufwa bantu, keti kindoki ya bau keti bizumba ya bau keti bwivi ya bau. Yes. 47:9, 12; Yeh. 43:9; Mika 5:12; Nzai. 17:2, 5; 18:16