Efeso 4:4 - Le Nouveau Testament en Kikwango 1950

⁴ Nitu mosi ye Mpeve mosi ikele, bonso beno bingwaka mpe mu vuvu mosi ya mbokolo ya beno, Lom. 12:5; 1 Kol. 10:17; 12:4, 11

Efeso 4:4 Iomraidhean Croise

Matai 28:19

Sambu na yai, kwenda kusala makanda yonso ya bantu banlonguki ya mono, botika bau mu nkumbu na Tata ye Mwana ye Mpeve Yanlongo; Luk. 24:47

Bisalu Ya Bantumwa 15:11

Kansi beto kwikila beto tavuluswa mu nlemvo ya Mfumu Yesu, mutindu mosi na bau. Ef. 2:4, 8; Tit. 3:4

Loma 11:29

Kadi Nzambi lenda kupinduka mabanza ve sambu na matabisi ya yandi ye bingwa ya yandi.

1 Kolinto 10:17

Kadi dimpa mosi ikele, kansi beto ya ikele mingi ikele nitu mosi, kadi beto yonso ikele na kintuadi mu dimpa yina mosi. Lom. 12:5; 1 Kol. 12:12, 22

1 Kolinto 12:20

Ntangu yai biela ikele mingi, kansi nitu ikele mosi kaka.

2 Kolinto 11:4

Kadi kana muntu kwiza kusamuna Yesu yankaka, ya beto samunaka ve, keti kana beno baka mpeve ya mpila yankaka ya beno bakaka ve, keti nsamu mbote ya mpila nkaka ya beno bakaka ve, buna beno sala mbote kuvibidila yandi. Ngal. 1:6

Efeso 1:18

Sambu na meso ya ntima ya beno imene kukangula, beno lenda kuzaba nki ikele vuvu ya mbokolo ya yandi, ye nki ikele kimvwama ya nkembo ya difwa ya yandi mu banlongo, 1 Pet. 1:13; Kolo. 1:27

Efeso 2:16

Ye yandi vutulaka bau zole mu nitu mosi kwa Nzambi, mu kulunsi, bu yandi kufwaka kimbeni va yo. Kolo. 1:20, 22

Efeso 2:18

kadi mu Tata beto ye bau bakaka nkotolo ya beto mu mpeve mosi. Yoa. 14:16; Ef. 3:12; Lom. 5:2

Efeso 2:22

Mu yandi beno mpe ikele kutungwa sikamosi sambu na kuvanda nzo ya Nzambi mu Mpeve. 1 Pet. 2:5

Efeso 4:1

Mpilayai, mono muntu ya boloko mu Mfumu, ikele kubombidila beno, kutambula ya lunga mu mbokolo ya beno bingwaka. Ef. 2:1

Efeso 5:30

kadi beto ikele biela ya nitu ya yandi.

Kolosai 1:5

sambu na vuvu ya ikele kulundilwa beno mu mazulu, ya beno kuwaka ntete mu kieleka ya nsamu mbote.

Kolosai 3:15

Yenge ya Klisto ya beno bingwaka mu nitu mosi, bika yo kuyala mu mintima ya beno, ye vanda na matondo. Fili. 4:7; Ef. 4:4

2 Tesalonika 2:16

Yandi kibeni, Mfumu ya beto Yesu Klisto, ye Nzambi Tata ya beto, ya zolaka beto mu nlemvo, ye pesaka beto mbombolo ya mvu ya mvu ye vuvu ya mbote,

1 Timoteo 1:1

Paulu, ntumwa ya Klisto Yesu, bonso nsikudukusu ya Nzambi, Mvulusi ya beto, ye Klisto Yesu, vuvu ya beto, Bis. 9:15; Ngal. 1:1; Tit. 1:1

Tito 1:2

mu vuvu ya moyo ya mvu ya mvu, ya Nzambi, ya lenda ve kukusa, silaka ntete nsi yantikaka. 4 Mose 23:19; 2 Tim. 2:13

Tito 2:13

bu beto vingila vuvu ya kiese, ye kumonika ya nkembo ya Nzambi ya nene, ye Mvulusi ya beto Klisto Yesu. 1 Kol. 1:7; Fili. 3:20

Tito 3:7

Buna sambu na beto nunguswa mu nlemvo ya yandi, beto tavanda mvingidi ya difwa ya moyo ya mvu ya mvu, bonso ikele vuvu.

1 Petelo 1:21

Mu yandi beno ikele bakwikidi mu Nzambi, ya fulukisaka yandi tuka bafwa ye pesaka yandi nkembo, na lukwikilu ye vuvu ya beno lenda kuvanda mu Nzambi. Lom. 6:4; Fili. 2:9

1 Yoane 3:3

Konso muntu ya ikele na vuvu yai mu yandi, tadivedisa bonso yandi ikele ya vedila.