Efeso 4:12 - Le Nouveau Testament en Kikwango 1950

¹² Sambu na kulungisa banlongo kwa kisalu ya kisielo ye kutunga ya nitu ya Klisto.

Efeso 4:12 Iomraidhean Croise

Luka 22:32

Kansi mono lombilaka nge, na lukwikilu ya nge kumana ve. Bu nge pindula, siamisa bampangi ya nge.

Bisalu Ya Bantumwa 1:17

Kadi yandi tangwaka sikamosi na beto, ye bakaka ndambu ya yandi mu kisalu yai.

Bisalu Ya Bantumwa 1:25

Kubaka sika mu kisielo yai, ye kintumwa tuka sika Yuda dikatulaka na yandi lenda kwenda ku sika ya yandi kibeni. Bis. 1:17

Bisalu Ya Bantumwa 11:23

Bu yandi kumaka kuna, ye monaka nlemvo ya Nzambi, yandi yangalalaka, ye bombidilaka bau yonso kukanga ngolo mu Mfumu na lukanu ya ntima.

Bisalu Ya Bantumwa 20:24

Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3

Bisalu Ya Bantumwa 20:28

Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7

Bisalu Ya Bantumwa 9:31

Buna dibundu vandaka na yenge mu Yuda yonso ye Ngalili ye Samalia, bau tungwaka ye tambulaka mu vumi ya Mfumu ye mu bombola ya Mpeve Yanlongo, ye bau kwizaka mingi. Ef. 2:20

Loma 12:5

mpilayai, beto ya ikele mingi ikele nitu mosi mu Klisto, kansi muntu na muntu ikele biela ya sadisana. 1 Kol. 12:12, 27; Ef. 4:16, 25; Kolo. 1:24

Loma 12:7

kana yo ikele kisielo ya dibundu bika beto sala mu kisielo ya dibundu, kana yo ikele kulonga bika yandi longa.

Loma 14:19

Buna bika beto landa mambu ye sala yenge ye mambu ya tungana.

Loma 15:14

Bampangi ya mono, mono kibeni kwikidika sambu na beno, na beno kibeni ikele kufuluka na mambu ya mbote, ye fuluka na nzailu yonso, ye beno lenda kulongana mpe.

Loma 15:2

Bika muntu na muntu mu beto yangidisa bamfinangani ya yandi mu yina ya mbote ku ntungulu. 1 Kol. 10:24; Fili. 2:4

Loma 15:29

Ye mono zaba bu mono kwiza kwa beno, mono takwiza mu mfulukisilu ya lusakumunu ya Klisto.

1 Kolinto 12:27

Kansi beno ikele nitu ya Klisto, ye muntu na muntu ikele kiela mu yo. Lom. 12:4; 1 Kol. 2:12; Ef. 1:23; 5:23, 30; Kolo. 1:24

1 Kolinto 12:7

Kansi muntu na muntu ikele kupeswa nzaikusu ya Mpeve kusadisa bantu yonso.

1 Kolinto 14:12

Mpilayai beno mpe ya sosa ngolo matabisi ya kimpeve, sosa na beno lenda kuluta mingi kwa kutunga ya dibundu.

1 Kolinto 14:14

Kadi kana mono lomba mu tudimi, mpeve ya mono ikele kulomba, kansi ngangu ya mono konda mabundu.

1 Kolinto 14:26

Buna nki, bampangi ? Bu beno kutakana, muntu ikele na nkunga, yankaka ikele na malongi, yankaka na nzaikusu, yankaka ikele na ludimi yankaka, yankaka ikele kutendula; bika yonso salwa mu ntungulu.

2 Kolinto 12:19

Tuka ntama beno banza beto ikele kusweka mambu ya beto kwa beno. Kansi na luse ya Nzambi mu Klisto beto ikele kutuba mambu yonso, bazolwa sambu na kutunga beno.

2 Kolinto 13:11

Buna, beno bampangi, yangalala, vanda ya lunga, bombwa, vanda na mabanza mosi, vanda mu yenge, ye Nzambi ya zola ye yenge tavanda na beno. Lom. 15:33; 16:20; Fili. 4:9; 1 Tes. 5:23; Eb. 13:20

2 Kolinto 13:9

Kadi beto yangalala, bu beto ikele lebakana ye beno ikele ngolo. Mu yai beto lomba mpe, na beno vanda ya lunga.

2 Kolinto 3:8

buna kisielo ya mpeve taluta ve kuvanda na nkembo ? Ngal. 3:14

2 Kolinto 4:1

Mpilayai, sambu na beto ikele na kisielo yai, mu nkenda ya beto bakaka, beto lenda kulembwa ve. 2 Kol. 3:6

2 Kolinto 5:18

Kansi mambu yonso imene kubasika na Nzambi, yandi vutulaka beto kwa yandi kibeni mu Klisto, ye yandi pesaka beto kisielo ya kuvutula kwa Nzambi.

2 Kolinto 6:3

Beto ikele kutesisa muntu sakuba ve mu mambu mosi, na kisielo ya beto tasembwa ve, 1 Kol. 10:32

2 Kolinto 7:1

Sambu na yai beno bazolwa, sambu na beto ikele na bansilulu yai, bika beto divedisa tuka nsumukunu yonso ya nsuni ye ya mpeve, ye lungisa mvedolo mu vumi ya Nzambi. 1 Yoa. 3:3

Efeso 1:23

kadi yo ikele nitu ya yandi, mfulusu ya yandi ya fulusa bima yonso ndambu yonso.

Efeso 4:16

Tuka yandi, nitu yamvimba ikele kubundwa ye kangwa mu lusadusu ya biela yonso ya ikele kusadisana, bonso kisalu ya kiela na kiela, mpilayai nitu ikele kukula mu kuditunga ye mu zola. Lom. 12:5; 1 Kol. 12:27; Kolo. 2:19

Efeso 4:29

Bika mambu ya nsoni kubasika na munoko ya beno ta fioti ve, kansi yina ya ikele mbote ku ntungulu ya bankaka, bonso nsatu ikele, na yo lenda kupesa nlemvo kwa bau ya kuwa. Kolo. 2:16

Efeso 4:4

Nitu mosi ye Mpeve mosi ikele, bonso beno bingwaka mpe mu vuvu mosi ya mbokolo ya beno, Lom. 12:5; 1 Kol. 10:17; 12:4, 11

Kolosai 1:24

Ntangu yai mono ikele kuyangalala mu bampasi ya mono sambu na beno ye mono ikele kulungisa mu nsuni ya mono yina ya konda mu mpasi ya Klisto sambu na nitu ya yandi ya ikele dibundu. 2 Kol. 1:5; 4:10; Ef. 3:13; Fili. 1:29; 2:17

Kolosai 1:28

Beto ikele kusamuna yandi bu beto ikele kusemba bantu yonso ye kulonga bantu yonso mu ngangu yonso, na beto lenda kutula bantu ya lunga mu Klisto. 2 Kol. 11:2

Kolosai 4:17

Tuba kwa Alakipo; Tomatala ku kisielo ya nge bakaka mu Mfumu, na nge manisa yo.

1 Timoteo 1:12

Mono pesa matondo kwa yandi ya pesa mono ngolo, ikele Klisto Yesu, Mfumu ya beto, sambu na yandi tangaka mono ya kwikama, ye tulaka mono mu kisielo ya yandi,

2 Timoteo 4:11

Luka kaka ikele na mono. Baka Malako, ye twala yandi sikamosi na nge, kadi yandi lunga mbote kwa mono mu kisielo.

2 Timoteo 4:5

Kansi nge, vanda ya lunga mu mambu yonso, vibidila mu mpasi, sala kisalu ya nsamuni ya nsamu mbote, manisa kisielo ya nge. 2 Tim. 1:8; 2:3

Ebeleo 13:17

Beno lemvuka kwa bantwadisi ya beno, beno dipesa kwa bau, sambu na bau ikele kukenga miela ya beno, mpilamosi bau fwiti kupesa lutangu ya yau, na bau lenda kusala yo na kiese ye na ntantu ve, kadi yina ikele na mfunu kwa beno ve. Yel. 3:18; 33:2; Fili. 2:29

Ebeleo 6:1

Mpilayai, beto bika malongi ya mambu ya luyantiku ya Klisto, ye landa mambu ya lunga, ye kutula lufulu diaka ve mu mpindulu ya mabanza mu bisalu ya lufwa ye mu lukwikilu mu Nzambi 1 Kol. 3:10; Eb. 5:12