Efeso 4:10 - Le Nouveau Testament en Kikwango 1950

¹⁰ Yandi ya kulumukaka ikele yandi ya tombokaka diaka mu zulu ya mazulu yonso, na yandi lenda kufulusa bima yonso.

Efeso 4:10 Iomraidhean Croise

Matai 24:34

Kieleka mono tuba kwa beno: Mbandu yai tamana ve, ti mamba yai yonso tamana.

Luka 24:44

Yandi tubaka kwa bau: Yai ikele mambu ya mono tubaka kwa beno, bu mono vandaka na beno, na mambu yonso fwiti kumaniswa, ya sonikwa mu nsiku ya Mose ye bambikudi ye bankunga sambu na mono. Luk. 9:22; 18:33

Yoane 1:16

Kadi beto yonso bakaka mu kifulusilu ya yandi, ye nlemvo mu nlemvo.

Yoane 19:24

Buna bau tubaka: Bika beto pasula yo ve, kansi beto bula yo njeke, na tala nani tabaka yo, na masonukwa lenda kumaniswa ya tubaka: Bau kabaka mvwatu ya mono nakati na bau, bau bula mvwatu ya mono njeke. Buna basoldat salaka mpilayai.

Yoane 19:28

Bu Yesu zabaka mambu yonso imene kulunga, na masonukwa lenda kumaniswa, yandi tubaka: Mono ikele kiwini.

Yoane 19:36

Kansi mambu yina kubwaka na masonukwa lenda kumaniswa: Mukuwa ya yandi mosi tabukana ve. 2 Mose 12:46; 4 Mose 9:12; Nk. 34:20

Bisalu Ya Bantumwa 1:11

Bau tubaka: Beno bantu ya Ngalili, sambu na nki beno telema ye tala ku zulu ? Yesu yai ya bakwaka ku zulu tuka beno, tavutuka mpilamosi beno monaka yandi kwenda ku zulu.

Bisalu Ya Bantumwa 1:9

Bu yandi imene kutuba mambu yai, bu bau ikele kutala, yandi bakwaka ku zulu; tuti katulaka yandi tuka meso ya bau.

Bisalu Ya Bantumwa 2:33

Buna sambu na yandi ikele kukembiswa na diboko ya kibakala ya Nzambi, ye yandi imene kubaka nsilulu ya Mpeve Yanlongo tuka Tata, yandi imene kufidisa yai ya beno ikele kutala ye kuwa.

Bisalu Ya Bantumwa 3:18

kansi mpilayai Nzambi imene kulungisa mambu ya yandi songaka ntete mu munoko ya bambikudi yonso, na Klisto ya yandi fwiti kumona mpasi.

2 Kolinto 12:2

Mono zaba muntu mu Klisto, mvu kumi ye iya imene kuluta— kana yandi vandaka mu nitu, mono zaba ve, keti nanganda ya nitu, mono zaba ve, kansi Nzambi zaba —muntu ya mpilayai tombolwaka ti zulu ya tatu.

Efeso 3:19

ye kuzaba zola ya Klisto ya luta nzailu, na beno lenda kufuluswa na kifulusilu ya Nzambi.

Kolosai 1:19

Kadi yo vandaka nzolakani ya Nzambi na mfulusu yonso tavanda mu yandi.

Kolosai 2:9

kadi mu yandi ikele kuvanda mfulusu yonso ya kiNzambi mu nitu. Kolo. 1:19

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.

Ebeleo 4:14

Buna sambu na beto ikele na nganga nene ya luta, ya lutaka mu mazulu, Yesu Mwana ya Nzambi, bika beto simba ngolo kitemo ya beto ya lukwikilu. 2 Tes. 2:15; Eb. 3:1; 7:26; 8:3; 9:11, 24; 10:23

Ebeleo 7:26

Kadi nganga nene ya mpilayai lunga kwa beto, yandi ikele ya nlongo, ya konda mbi, ya konda kusumunwa, ya kutanaka na bankwa masumu ve, ye ya tombolwaka va zulu ya bimba yonso, Eb. 4:14

Ebeleo 8:1

Kansi mu mambu ya beto tuba, ya luta nene ikele yai: Beto ikele na nganga ya nene ya vandaka na diboko kibakala ya kiti ya Nyadi ya nene mu mazulu, Nk. 110:1; Ef. 1:20; Kolo. 3:1; Eb. 1:3; 12:2