Efeso 3:8 - Le Nouveau Testament en Kikwango 1950

⁸ Kwa mono, ya luta fioti na banlongo yonso ya fioti, peswaka nlemvo yai, kusamuna kwa bapaien nsamu mbote ya kimvwama ya Klisto, ya lenda ve kuteswa. 1 Kol. 15:9; Lom. 1:6; 11:33; Ngal. 1:16; 2:3; Kolo. 1:27

Efeso 3:8 Iomraidhean Croise

Luka 14:22

Mpika tubaka: Mfumu, yo imene kusalwa mpilamosi nge tubaka, kansi sika ikele.

Yoane 1:16

Kadi beto yonso bakaka mu kifulusilu ya yandi, ye nlemvo mu nlemvo.

Bisalu Ya Bantumwa 5:41

Buna bau katukaka nantwala na bamfundisi, bau vandaka na kiese na bau lungaka kubaka mpasi ya nsoni sambu na nkumbu yai. Mat. 5:11

Bisalu Ya Bantumwa 9:15

Mfumu tubaka kwa yandi: Kwenda, kadi yandi ikele musadi ya solwa kwa mono kunata nkumbu ya mono kwa bapaien ye kwa bantinu ye kwa bana ya Isaeli;

Loma 11:33

O mudindu ya kimvwama, ye ngangu, ye nzailu ya Nzambi! Muntu lenda ve kutendula mfundusu ya yandi, ye teza banzila ya yandi. Yobi 11:7; Nk. 92:5

Loma 12:10

Mu zola ya bampangi, zolana na ntima yonso; mu nzisitu lutisana nantwala. 1 Tes. 4:9; Eb. 13:1; 1 Pet. 1:22; 5:5; Fili. 2:3

Loma 2:4

Keti nge saula kimvwama ya yandi ya mbote ye ya nlembami ye ya mvibudulu, kansi nge zaba ve zola ya Nzambi, ikele kutwala nge kupindula ya mabanza. Yes. 30:18; 2 Pet. 3:9, 15

1 Kolinto 1:30

Kansi sambu na yandi, beno ikele mu Klisto Yesu, kitulwa ngangu tuka Nzambi ye kutulwa lunungu ye nlongo ye nkudulu kwa beto,

1 Kolinto 15:9

Kadi mono luta fioti na bantumwa, mono lunga ve bingwa ntumwa, sambu na mono zomaka dibundu ya Nzambi. Bis. 9:1; Ngal. 1:13; Ef. 3:8; 1 Tim. 1:13

1 Kolinto 2:9

Kansi bonso yo ikele kusonama: Bima ya disu mona ve ye dikutu kuwa ve, ye imene kukota ve mu ntima ya muntu, ikele bima ya Nzambi imene kuyidika sambu na bau ya zola yandi.

Ngalata 1:16

Bu yandi zolaka kuzabisa Mwana ya yandi mu mono, na mono lenda kusamuna nsamu mbote ya yandi kwa bapaien, buna mono yuvulaka ngangu na nsuni ye menga ve.

Ngalata 2:8

Kadi yandi ya sadilaka kintumwa mu Petelo kwa bazengwa, yandi sadilaka yo mu mono mpe kwa bapaien.

Efeso 2:7

sambu na kusonga beto mu bantangu ya ikele kwiza, kimvwama ya nene ya nlemvo ya yandi mu nlembami kwa beto mu Klisto Yesu.

Efeso 3:1

Sambu na beno, bapaien, mono Paulu ikele muntu ya boloko ya Klisto Yesu—

Efeso 3:16

na yandi tapesa beno, bonso ikele kimvwama ya nkembo ya yandi, na beno lenda kusiamiswa na ngolo, mu mpeve ya yandi, mu muntu ya kati. Lom. 15:13; 2 Kol. 4:16; Ef. 6:10; Kolo. 1:11

Efeso 3:19

ye kuzaba zola ya Klisto ya luta nzailu, na beno lenda kufuluswa na kifulusilu ya Nzambi.

Efeso 3:2

kadi beno kuwaka sambu na nsadulu ya nlemvo ya Nzambi ya peswaka kwa mono, sambu na beno,

Filipi 2:3

beno sala mambu ve mu ntembe keti mu nkembolo ya mpamba, kansi mu kudikulumusa, bika muntu na muntu banza yandi kibeni ikele fioti ye bankaka luta nene. Loma 12:10; 1 Pet. 5:5; Ef. 5:21

Filipi 4:19

Nzambi ya mono talungisa nsatu yonso ya beno, bonso ikele kimvwama ya yandi mu nkembo mu Klisto Yesu.

Kolosai 1:27

Nzambi zolaka kuzabisa kwa bau bonso ikele kimvwama ya nkembo ya mambu ya kinsweki yai nakati bapaien, yo ikele Klisto mu beno, vuvu ya nkembo. Lom. 9:23; Ef. 1:18; 3:8

1 Timoteo 1:13

ntete mono vandaka kutuba mbi sambu na Nzambi, ye monisi ya mpasi, ye mulwadisi; kansi mono wilwaka nkenda, sambu na mono salaka yau, bu mono zabaka ve, ye bu mono kwikilaka ve. Bis. 8:3; 9:1; 22:4; 26:9; 1 Kol. 15:9; Ngal. 1:13

1 Timoteo 1:15

Yai ikele ndinga ya kwikama, ye ya lunga kubaka, na Klisto Yesu kwizaka mu nsi, kuvulusa bankwa masumu, nakati na bau mono ikele ya ntete. Yel. 3:17; Mat. 9:13; Mal. 2:17; Luk. 5:32; 19:10

1 Timoteo 2:7

Sambu na yai, mono tulwaka nsamuni ye ntumwa—mono ikele kutuba kieleka mu Klisto, mono ikele kukusa ve — ye nlongi ya bapaien, mu lukwikilu ye mambu ya kieleka. Bis. 9:15; 13:2; 22:21; Lom. 9:1; 11:13; 15:16; Ngal. 1:15, 16; 2:7; Ef. 3:8; 2 Tim. 1:11

2 Timoteo 1:11

Sambu na yo, mono tulwaka nsamuni ye ntumwa ye nlongi. Ngal. 2:7; Ef. 3:8; 1 Tim. 2:7

Nzaikulu 3:18

mono luengisa nge kusumba kwa mono wola ya tezwa mu tiya, na nge lenda kwiza mvwama, ye mvwatu ya mpembe kuvwata, na nsoni ya kinkonga ya nge tamonika ve, ye mafuta ya meso na kusita meso ya nge, na nge lenda kumona. Nzai. 7:13; 6:15; 19:8