Efeso 3:2 - Le Nouveau Testament en Kikwango 1950

² kadi beno kuwaka sambu na nsadulu ya nlemvo ya Nzambi ya peswaka kwa mono, sambu na beno,

Efeso 3:2 Iomraidhean Croise

Bisalu Ya Bantumwa 13:2

Bu bau sadilaka Mfumu ye buya madia, Mpeve Yanlongo tubaka: Sodila mono Banaba ye Sauli sambu na kisalu ya mono imene kubinga bau. Bis. 9:15; 10:19; 14:26; 15:28; Lom. 1:1; Ngal. 1:1, 15; Ef. 3:8; 1 Tim. 2:7; 2 Tim. 1:11

Bisalu Ya Bantumwa 13:46

Buna Paulu ye Banaba tubaka na kikesa, kutuba: Yo lunga na mambu ya Nzambi tubwa ntete kwa beno. Kansi sambu na beno imene kubuya yo, ye beno imene kuzenga mambu ya beno mosi lunga ve kubaka moyo ya mvu ya mvu, tala, beto pindula kwa bapaien. 2 Mose 32:21; Yes. 55:5; Mat. 10:6; 21:43; Bis. 3:25

Bisalu Ya Bantumwa 22:21

Yandi tubaka kwa mono: Kwenda, sambu na mono tafidisa nge ntama kwa bapaien. Bis. 9:15; 13:2; 26:17; Ngal. 1:15; 2:8; Ef. 3:8

Bisalu Ya Bantumwa 9:15

Mfumu tubaka kwa yandi: Kwenda, kadi yandi ikele musadi ya solwa kwa mono kunata nkumbu ya mono kwa bapaien ye kwa bantinu ye kwa bana ya Isaeli;

Loma 1:5

Mu yandi beto bakaka nlemvo ye kintumwa, kutwala bansi ya bantu yonso ku lemvuka ya lukwikilu sambu na nkumbu ya yandi. Lom. 12:3; 15:15; 16:26; 1 Kol. 15:10; Ef. 3:8

Loma 11:13

Mono tuba kwa beno bapaien. Sambu na mono ikele ntumwa ya bapaien, mono kembila kisielo ya mono; Bis. 9:15; 13:2; 22:21; Lom. 15:16; Ngal. 1:16; 2:2, 7; Ef. 3:8; 1 Tim. 2:7

Loma 12:3

Kadi mu nlemvo ya peswaka kwa mono, mono tuba kwa muntu na muntu na yandi dibanzila ve mambu ya luta ya yandi fwiti kubanza, kansi kubanza mabanza ya lunga, bonso Nzambi kabaka kitezo ya lukwikilu kwa muntu na muntu. 1 Kol. 7:17

1 Kolinto 4:1

Bika bantu tanga beto bonso basielo ya Klisto, ye banlundi ya mambu ya kinsweki ya Nzambi. 2 Kol. 6:4; Kolo. 1:25; 1 Pet. 4:10

Ngalata 1:13

Kadi beno imene kuwa nsangu ya bifu ya mono, bu mono vandaka mu kiYuda, bonso mono luta nzomono mingi kwa dibundu ya Nzambi, ye kufwaka yo. Bis. 8:3; 9:21; 22:4; 26:9; Fili. 3:6; 1 Tim. 1:13

Efeso 1:10

Buna mu lukanu ya yandi, bu ntangu imene kulunga, yandi tadikutikisila bima yonso mu Klisto, ya ikele mu zulu, ye yina ya ikele va ntoto. Ngal. 4:4; Kolo. 1:16, 19

Efeso 3:7

Sambu na yo, mono kitulwa sielo, bonso matabisi ya nlemvo ya Nzambi, ya peswaka kwa mono, bonso nsadulu ya ngolo ya yandi. Kolo. 1:23, 25; 1 Kol. 4:1; 2 Kol. 3:6; Luk. 1:2

Efeso 3:8

Kwa mono, ya luta fioti na banlongo yonso ya fioti, peswaka nlemvo yai, kusamuna kwa bapaien nsamu mbote ya kimvwama ya Klisto, ya lenda ve kuteswa. 1 Kol. 15:9; Lom. 1:6; 11:33; Ngal. 1:16; 2:3; Kolo. 1:27

Efeso 3:9

na bantu yonso lenda kumona, nki ikele nsadulu ya mambu ya kinsweki ya swekwaka tuka bantangu yantikaka, mu Nzambi, ya semaka bima yonso. Ef. 1:18; Kolo. 1:26; Lom. 16:25

Efeso 4:21

Kana yo ikele, na beno kuwaka yandi, ye longwaka mu yandi, bonso kieleka ikele mu Yesu.

Efeso 4:7

Kansi beto muntu na muntu ikele kupeswa nlemvo, bonso kitezo ya matabisi ya Klisto. Lom. 12:3, 6; 1 Kol. 12:1

Kolosai 1:4

bu beto kuwaka sambu na lukwikilu ya beno mu Klisto Yesu ye zola ya ikele na beno kwa banlongo yonso,

Kolosai 1:6

Mambu yai kwizaka kwa beno bonso yau ikele mpe mu nsi yamvimba, yau ikele kubuta mabundu ye kwiza mingi bonso mu beno mpe, tuka kilumbu yina ya beno kuwaka ye kuzabaka nlemvo ya Nzambi mu kieleka, Mal. 4:8; Bis. 6:7

1 Timoteo 1:11

bonso ikele nsamu mbote ya nkembo ya Nzambi ya nsakumunu, ya tulwaka mu maboko ya mono. Ngal. 2:7; 1 Tes. 2:4

1 Timoteo 1:4

ye bau takwikila ve bitubatuba ya mpamba, ye nsonokono ya batata ya ikele na nsuka ve, mambu yai ikele kubasisa biuvu, yau ikele kusadisa mambu ya Nzambi ve ya ikele mu lukwikilu. 1 Tim. 4:7; 2 Tim. 2:16, 23; Tit. 1:14; 3:9

1 Timoteo 2:7

Sambu na yai, mono tulwaka nsamuni ye ntumwa—mono ikele kutuba kieleka mu Klisto, mono ikele kukusa ve — ye nlongi ya bapaien, mu lukwikilu ye mambu ya kieleka. Bis. 9:15; 13:2; 22:21; Lom. 9:1; 11:13; 15:16; Ngal. 1:15, 16; 2:7; Ef. 3:8; 2 Tim. 1:11

2 Timoteo 1:11

Sambu na yo, mono tulwaka nsamuni ye ntumwa ye nlongi. Ngal. 2:7; Ef. 3:8; 1 Tim. 2:7