Efeso 2:6 - Le Nouveau Testament en Kikwango 1950

⁶ Yandi fulukisaka beto sikamosi na yandi, ye vandisaka beto sikamosi na yandi mu zulu, mu Klisto Yesu,

Efeso 2:6 Iomraidhean Croise

Matai 26:29

Mono tuba kwa beno: Tuka ntangu yai, mono takunwa diaka ve mabundu yai ya nti ya vinia, ti lumbu ya mono takunwa yo yampa na beno mu kimfumu ya Tata ya mono.

Luka 12:37

Kiese ikele na bampika yina, bu mfumu ya bau kwiza, yandi kuta bau tomatala. Kieleka mono tuba kwa beno: Yandi takanga luketo ya yandi ye vandisa bau na mesa ye takwiza kusadila bau.

Yoane 12:26

Kana muntu sadila mono, bika yandi landa mono. Ye sika ya mono ikele, kuna mpe tavanda sielo ya mono. Kana muntu sadila mono, Tata tazitisa yandi. 1 Tes. 4:17

Yoane 14:3

Kana mono kwenda ye yidikila beno sika, mono takwiza diaka ye twala beno kwa mono kibeni, na sika ya mono ikele, kuna beno lenda kuvanda mpe. Yoa. 12:26; 14:28; 17:24

Efeso 1:1

Paulu, ntumwa ya Klisto Yesu mu luzolo ya Nzambi, fidisa mbote kwa banlongo ya ikele mu Efeso, ye ya kwikama mu Klisto Yesu.

Efeso 1:3

Bika Nzambi ye Tata ya Mfumu ya beto Yesu Klisto peswa matondo, ya sakumunaka beto na nsakumunu yonso ya kimpeve tuka zulu mu Klisto. Lom. 9:5; 2 Kol. 1:3; Luk. 1:68; 1 Pet. 1:3

Efeso 2:10

Kadi beto ikele bisalu ya yandi, beto semwaka mu Klisto Yesu sambu na bisalu ya mbote, ya Nzambi yidikaka ntete na beto tatambula muna. Nk. 100:3; Kolo. 1:10; Tit. 2:14

Efeso 2:13

Kansi ntangu yai, mu Klisto Yesu, beno ya vandaka ntama ntete, imene kwiza mfinama mu menga ya Klisto.

Kolosai 1:18

Yandi ikele ntu ya nitu, nitu ikele dibundu, yandi ikele luyantiku, mwana ya mbuta tuka bafwa, na yandi lenda kuvanda ya ntete yonso mu mambu yonso. Bis. 26:23; 1 Kol. 15:20, 23; Ef. 1:22