Efeso 2:2 - Le Nouveau Testament en Kikwango 1950

² Mu yo beno tambulaka ntete, bonso kifu ya nsi mu ntangu yai, bonso beno landaka nkuluntu ya bangolo ya mupepe. Yandi ikele mpeve ya kusala mu bana ya kolama. Kolo. 3:6

Efeso 2:2 Iomraidhean Croise

Matai 11:19

Mwana ya muntu imene kwiza kudia ye kunwa, ye bau tuba: Tala, muntu ya kudia mingi ye munwi ya vinia, nduku ya bamfutisi ye bankwa masumu. Ngangu ikele kununguswa mu bisalu ya yandi.

Matai 13:22

Kansi yina ya kunwaka nakati ya minti ya nsende ikele yandi ya kuwa mambu, buna mabanza ya ntangu yai ye luvunu ya kimvwama ikele kufietikisa mambu ye yandi konda mabundu. 1 Tim. 6:9

Matai 13:38

Ye dilanga ikele nsi, nkeni ya mbote ikele bana ya kimfumu, kansi kakala ikele bana ya nkwa mbi. Yoa. 8:44; Bis. 13:10; 1 Yoa. 3:8

Malako 4:19

ye mabanza ya nsi yai, ye makusa ya kimvwama ye zola ya bima yankaka kukota, yau fietikisa mambu ya Nzambi ye yo konda mabundu. 1 Tim. 6:9

Luka 16:8

Mfumu zitisaka nlundi ya konda lunungu, kadi yandi salaka na mayele. Kadi bana ya ntangu yai mu mbandu yai luta bana ya mwini mu mayele.

Luka 22:31

Yesu tubaka: Simoni, Simoni, tala Satana lombaka nge na yandi lenda kuveva nge bonso nkeni; Yobi 1:7; Mat. 26:34; Mal. 14:30; Yoa. 13:36; 1 Pet. 5:8

Yoane 12:31

Ntangu yai ikele mfundusu ya nsi yai; ntangu yai nkuluntu ya nsi yai takatulwa. Yoa. 16:11

Yoane 13:2

Bu bau ikele kudia madia ya nkokila, diable imene kutula mu ntima ya Yuda Iskalioti mwana ya Simoni, kuyekula yandi.

Yoane 13:27

Bu yandi imene kubaka ndambu ya mampa yina, Satana kotaka mu yandi. Buna Yesu tubaka kwa yandi: Sala nswalu mambu ya nge tonda kusala.

Yoane 14:30

Mono tatuba kwa beno mambu mingi yankaka ve. Sambu na nkuluntu ya nsi yai imene kwiza, yandi ikele na mambu mu mono ve. Yoa. 16:11

Yoane 15:19

Kana beno ikele ya nsi, nsi tazola ya yandi, kansi sambu na beno ikele ya nsi ve, kansi mono solaka beno mu nsi, sambu na yai nsi kuwila beno makasi. 1 Yoa. 4:5

Yoane 16:11

mu mambu ya mfundusu, sambu na nkuluntu ya nsi yai imene kufundiswa. Yoa. 12:31

Yoane 7:7

Nsi lenda kuvanda na beno makasi ve, kansi kwa mono yo ikele kuvanda na makasi, sambu na mono tuba kitemo ya yo na bisalu ya yo ikele mbi.

Yoane 8:23

Yandi tubaka kwa bau: Beno katuka na nsi, mono katuka na zulu; beno ikele ya nsi yai, mono ikele ya nsi yai ve. Yoa. 3:31; 1 Yoa. 4:5

Yoane 8:44

Beno basikaka na tata ya beno diable, beno zola kusala luzolo ya tata ya beno. Yandi ikele mufwi tuka mu luyantiku, yandi telema mu kieleka ve, sambu na kieleka ikele mu yandi ve. Bu yandi tuba luvunu, yandi ikele kutuba sambu na yandi mosi, kadi yandi ikele nkwa luvunu, ye tata ya yo. 1 Yoa. 3:8

Bisalu Ya Bantumwa 19:35

Bu nsoniki ya mbanza imene kubikisa makelele ya kibuka yandi tubaka: Beno bantu ya Efeso, muntu nki zaba ve na mbanza ya Efeso ikele nkebi ya tempelo ya Diana ya nene ye kiteki ya katukaka na zulu ?

Bisalu Ya Bantumwa 5:3

Petelo tubaka: Anania, sambu na nki Satana imene kufulusa ntima ya nge kukusa Mpeve Yanlongo ye kukatula ndambu ya ntalu ya ntoto ? Yoa. 13:2, 27; Luk. 22:31; Bis. 13:10

Loma 12:2

Beno difwanikisa ku nsi yai ve, kansi pinduka yampa mu mabanza ya beno, na beno lenda kuzaba yina ya ikele luzolo ya Nzambi ya mbote ye ya zolakana ye ya lunga. Ef. 4:23; 5:10, 17; Fili. 1:9

1 Kolinto 5:10

Kansi ve na bankwa bizumba ya nsi yai, keti bantu ya zola ya bima ya muntu, keti bantu ya yiba mbongo, keti basambidi ya biteki, kadi buna beno fwiti kukatuka na nsi.

1 Kolinto 6:11

Bankaka ya beno vandaka mpilayai, kansi beno imene kusukulwa, beno imene kusalwa nlongo, beno imene kunungiswa mu nkumbu ya Mfumu Yesu Klisto ye mu Mpeve ya Nzambi ya beto. Ef. 5:8; Kolo. 3:7; Tit. 3:3

2 Kolinto 4:4

Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15

Ngalata 1:4

Yandi dipesaka sambu na masumu ya beto, na yandi lenda kuvulusa beto tuka ntangu yai ya mbi, bonso ikele luzolo ya Nzambi ye Tata ya beto. Mat. 20:28; Ngal. 2:20; Ef. 5:2; Tit. 2:14

Efeso 1:21

na zulu na luyalu yonso ye kikuluntu ye ngolo ye kimfumu ye konso nkumbu ya ikele kubingwa, mu ntangu yai kaka ve, kansi mu ntangu yina ya takwiza mpe. Mat. 28:18; Ef. 3:10; Kolo. 1:16; 2:10; 1 Pet. 3:22

Efeso 2:11

Mpilayai beno bambuka, ntete beno vandaka bapaien mu nsuni, beno bingwaka bankwa konda nzengolo, na bau ya bingwa bankwa nzengolo, ikele yina ya salwa mu nsuni. Lom. 2:26; 1 Kol. 12:2; Kolo. 1:21

Efeso 2:13

Kansi ntangu yai, mu Klisto Yesu, beno ya vandaka ntama ntete, imene kwiza mfinama mu menga ya Klisto.

Efeso 2:3

Nakati na bau beto vandaka ntete kutambula sikamosi na bau mu luzolo ya nsuni ya beto, beto salaka luzolo ya nsuni ye ya mabanza, mu kimuntu beto vandaka bana ya makasi bonso bankaka mpe.

Efeso 4:17

Sambu na yai, mono ikele kutuba ye kusonga kitemo mu Mfumu, beno tambula diaka ve, bonso bapaien ikele kutambula mu mabanza ya bau ya lulendo.

Efeso 4:22

Katula muntu ya nkulu ya moyo ya beno ya ntete, ya ikele kubiviswa mu luzolo ya nsuni ya luvunu, Lom. 6:6; Kolo. 3:9

Efeso 5:6

Bika muntu kukusa beno ve mu ndinga ya mpamba, kadi sambu na mambu yai, makasi ya Nzambi ikele kwiza va bana ya kolama. Lom. 1:18; Kolo. 3:6; 2 Tes. 2:3

Efeso 5:8

Kadi ntete beno vandaka mu tombe, kansi ntangu yai beno imene kwiza ku mwini mu Mfumu. Tambula bonso bana ya mwini. Yoa. 12:36; 1 Tes. 5:5

Efeso 6:12

Kadi kunwana ya beto ikele na menga ye nsuni ve, kansi na bakuluntu ye bankwa ngolo ye banyadi ya nsi yai ya tombe, ye bampeve mbi mu sika ya zulu.

Kolosai 1:21

Beno mpe vandaka ntete nanganda, beno vandaka bambeni mu mabanza ya beno mu bisalu ya mbi ya beno, kansi ntangu yai yandi vutulaka beno 2 Kol. 5:18; Ef. 2:12, 16

2 Timoteo 4:10

Kadi Dema bikaka mono, sambu na yandi zolaka mambu ya nsi yai, ye yandi kwendaka ku Tesalonika; Kleske kwendaka ku Ngalatia; Tito kwendaka ku Dalamatia. Kolo. 4:14

Yakobi 1:27

Nsambilu ya kieleka, ye ya kondwa kusumuka nantwala ya Nzambi Tata ya beto ikele yai: Sadisa bau ya konda tata, ye bafwola mu mpasi ya bau, ye dikeba kukondwa ya matona mu nsi.

Yakobi 1:7

Kansi bika muntu yai banza ve, yandi tabaka kima na Mfumu.

Yakobi 4:4

Beno bafwi ya makwela, beno zaba ve kinduku ya nsi ikele kimbeni kwa Nzambi ? Konsonani ya zola kuvanda nduku ya nsi, ikele kudisala mbeni ya Nzambi.

1 Petelo 1:14

Bonso bana ya kulemvuka ya landa ve luzolo ya nsuni ya ntete mu ntangu ya beno kondaka ngangu,

1 Petelo 4:3

Kadi yo lunga, mu ntangu ya lutaka, beto salaka luzolo ya bapaien, kutambulaka mu bizumba, zola ya nsuni, kolwa ya malafu, makinu, mambu ya nsoni, ye nsambilu ya biteki ya sumuka. Lom. 13:13; Ef. 4:17

2 Petelo 2:14

Meso ya bau ikele kufuluka na bizumba ye bau lenda ve kubika masumu, ye ikele kukusa miela ya lebakana, mintima ya bau fuluka na zola ya bima. Bau ikele bana ya ndola.

1 Yoane 3:10

Mu mambu yai bana ya Nzambi ye bana ya diable ikele kumonika; konsonani ya sala lunungu ve ikele ya Nzambi ve ye konsonani ya zola ve mpangi ya yandi.

1 Yoane 3:8

Yandi ya sala masumu ikele ya diable, kadi diable salaka masumu tuka luyantiku. Sambu na mambu yai, Mwana ya Nzambi monikaka na yandi lenda kufwa kisalu ya diable. Nk. 68:20; Yoa. 8:44

1 Yoane 4:4

Beno ikele ya Nzambi bana ya mono ya fioti, beno imene kuluta bau ngolo, sambu na yandi ya ikele mu beno ikele kuluta yandi ya ikele mu nsi.

1 Yoane 5:19

Beto zaba beto ikele ya Nzambi, ye nsi yamvimba ikele kulala mu nkwa mbi.

1 Yoane 5:4

Kadi konso nki ya butwaka kwa Nzambi ikele kuluta nsi ngolo; nunga ya ikele kuluta nsi ngolo ikele yai, lukwikilu ya beto. Yoa. 16:33

Nzaikulu 12:9

Dalaka ya nene loswaka na nsi, yandi ikele nioka ya nkulu, ya bingwa diable ye Satana, yandi ikele mukusi ya bantu yonso na nsi, yandi loswaka ku ntoto, ye banjo ya yandi loswaka sikamosi na vandi 1 Mose 3:1, 4; Luk. 10:18; Yoa. 12:31; Nzai. 20:2

Nzaikulu 13:14

Ye yandi kusaka bau ya vandaka va ntoto sambu na bidimbu ya yandi peswaka kusala nantwala ya mbizi, ye kutuba kwa bau ya vandaka va ntoto na bau tasala kifwanusu sambu na mbizi ya lwadiswa na mbele ye ikele na moyo. 2 Tes. 2:11; Nzai. 13:3

Nzaikulu 13:8

Bau yonso ya vanda va ntoto tasambila yandi, ye konso muntu ya nkumbu ya yandi ikele kusonama ve tuka ni lufulu ya nsi mu nkanda ya moyo ya Mwana Dimeme ya bau kufwaka. Dan. 12:1; Nzai. 5:12; 17:8; 20:15

Nzaikulu 16:17

Ye wanjo ya nsambwadi tiamunaka dilonga ya yandi va mupepe, ndinga ya nene basikaka mu tempelo tuka kiti ya nkembo, kutuba: Yo imene kusalwa. Nzai. 15:5; 21:6

Nzaikulu 20:2

Yandi simbaka dalaka, nioka ya nkulu, ikele diable ye Satana, ye kangaka yandi mvu funda mosi. Yes. 24:22; Nzai. 12:9