Efeso 2:10 - Le Nouveau Testament en Kikwango 1950
10 Kadi beto ikele bisalu ya yandi, beto semwaka mu Klisto Yesu sambu na bisalu ya mbote, ya Nzambi yidikaka ntete na beto tatambula muna. Nk. 100:3; Kolo. 1:10; Tit. 2:14
Mpilayai, bika mwini ya beno kienzula nantwala ya bantu, na bau lenda kumona bisalu ya beno ya mbote, ye kembila Tata ya beno ya ikele mu zulu. 1 Pet. 2:12
Buna dibundu vandaka na yenge mu Yuda yonso ye Ngalili ye Samalia, bau tungwaka ye tambulaka mu vumi ya Mfumu ye mu bombola ya Mpeve Yanlongo, ye bau kwizaka mingi. Ef. 2:20
Nlonguki mosi ya nkento vandaka mu Yope, nkumbu ya yandi Tabita, na tendula ikele Doloka. Yandi fulukaka na bisalu mbote ye matabisi ya nkenda ya yandi salaka.
Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.
Nzambi lenda kulutisa nlemvo yonso kwa beno, na beno lenda kuluta mu bisalu yonso ya mbote, bu beno ikele ya lunga mu mambu yonso ntangu yonso, 1 Tim. 6:6; Fili. 4:11
Kadi yandi solaka beto mu yandi, bu nsi imene kusalwa ve, na beto tavanda ya nlongo ye konda kieta nantwala na yandi, Lom. 8:29; Ef. 5:27; 2 Tim. 1:9; 2 Tes. 2:13; Tit. 2:12
Kadi mu nsuni ya yandi, yandi manisaka kimbeni yabasika na bansikudukusu ya nsiku, na yandi lenda kusema mu yandi kibeni muntu mosi yampa, buna yandi sala yenge. Kolo. 2:14; Ngal. 6:16; 2 Kol. 5:17
Mu yo beno tambulaka ntete, bonso kifu ya nsi mu ntangu yai, bonso beno landaka nkuluntu ya bangolo ya mupepe. Yandi ikele mpeve ya kusala mu bana ya kolama. Kolo. 3:6
kutambula ya lunga mu Mfumu mu zolakana yonso, kubuta mabundu mu kisalu yonso ya mbote ye kukula mu nzailu ya Nzambi. Ngal. 5:22; Ef. 4:1; Fili. 1:27; 1 Tes. 2:12; 4:1
ye yandi ikele na kitemo ya kisalu ya mbote; kana yandi imene kusansa bana kana yandi sadisaka banzenza, kana yandi sukulaka makulu ya banlongo, kana yandi sadisaka bambevo, kana yandi imene kuvibidila mu bisalu yonso ya mbote. 1 Pet. 4:9
Mpilayai, kana muntu disukula na mambu yai, yandi tavanda wumbwa ya nzitusu, ya nlongo ye ya lunga mu kisalu ya Mfumu, mpe ya yidikwa kwa bisalu yonso ya mbote. 2 Kol. 6:17; 2 Tim. 3:17
Yandi ya dipesaka sambu na beto, na yandi lenda kuvulusa beto tuka na mambu ya mbi yonso, ye kuyidika beto kuvanda bantu ya yandi kibeni, ya vibidila mu bisalu ya mbote. 2 Mose 19:6; Ngal. 1:4; 2:20; Ef. 2:10; 5:2; 1 Tim. 2:6; Eb. 9:14
Kubambukisa bau kulemvuka kwa bakuluntu ye bankwa ngolo, kulemvuka bau ye vanda ya yidikwa kwa bisalu yonso ya mbote, Lom. 13:1; 2 Tim. 3:17; 1 Pet. 2:13
Mambu yai ikele ya kwikama, ye mono zola nge kusikidikisa mambu yai mbote, na bau ya imene kukwikila Nzambi tatula ngolo kusala bisalu ya mbote. Mambu yai ikele ya mbote ye ya lenda kusadisa kwa bantu. 1 Tim. 2:3; 4:9; 2 Tim. 2:11
bika yandi lungisa beno mu mambu yonso ya mbote kusala luzolo ya yandi, bu yandi ikele kusala mu beno yina ya ikele mbote na luse ya yandi, mu Yesu Klisto; kwa yandi nkembo ya mvu ya mvu, Amen. Lom. 16:27; 2 Tes. 2:17
Vanda na bifu ya mbote nakati na bapaien, buna bu bau tuba mbi na beno, bonso beno ikele basadi ya mbi, bu bau mona bisalu ya beno ya mbote, bau lenda kupesa nkembo kwa Nzambi, mu kilumbu ya yandi kwiza kwa bau. Mat. 5:16; 1 Pet. 3:16
Kansi kana beto tambula mu mwini, bonso yandi ikele mu mwini, beto ikele na kintuadi sikamosi ye menga ya Yesu, Mwana ya yandi ikele kusukula beto tuka masumu yonso. Eb. 9:12; 1 Pet. 1:18; Nzai. 1:5