Ebeleo 7:3 - Le Nouveau Testament en Kikwango 1950

³ yandi konda tata, ye konda mama, ye konda mbutukulu, yandi konda luyantiku ya kilumbu ye nsuka ya moyo, kansi yandi fwanukiswa Mwana ya Nzambi, yandi ikele kuvanda nganga ya ntangu na ntangu. Melekisedeki luta Abalahami ye Levi

Ebeleo 7:3 Iomraidhean Croise

Matai 4:3

Muyunsi kwizaka ye tubaka kwa yandi: Kana nge ikele Mwana ya Nzambi, tuba ku matadi yai kupinduka mampa.

Ebeleo 4:14

Buna sambu na beto ikele na nganga nene ya luta, ya lutaka mu mazulu, Yesu Mwana ya Nzambi, bika beto simba ngolo kitemo ya beto ya lukwikilu. 2 Tes. 2:15; Eb. 3:1; 7:26; 8:3; 9:11, 24; 10:23

Ebeleo 7:1

Melekisedeki yai, ntinu ya Salemi, nganga ya Nzambi-Mpungu, yandi kutanaka na Abalahami, bu yandi vutukaka na mvita ya bantinu, ye sakumunaka yandi, 1 Mose 14:18

Ebeleo 7:17

Kadi bau tubaka kitemo sambu na yandi: Nge ikele nganga mvu ya mvu bonso ikele kinganga ya Melekisedeki.

Ebeleo 7:2

Abalahami kabilaka yandi mosi ya kumi ya bima yonso; ntete yandi ikele ntinu ya lunungu. Bonso ikele kutendula ya nkumbu ya yandi, buna ntinu ya Salemi mpe, yo ikele ntinu ya yenge,

Ebeleo 7:6

Kansi yandi ya tangwa ve mu mbutukulu ya bau, bakaka mosi ya kumi ya Abalahami ye yandi sakumunaka yandi ya vandaka na bansilulu.